ಭಾರತ vs ಪಾಕಿಸ್ತಾನ್ ಮುಖಾಮುಖಿಗೆ ಡೇಟ್ ಫಿಕ್ಸ್: ಇಲ್ಲಿದೆ ವೇಳಾಪಟ್ಟಿ
ಏಷ್ಯಾ ಕಪ್ ರೈಸಿಂಗ್ ಸ್ಟಾರ್ಸ್ ಎಂಬುದು ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ ಆಯೋಜಿಸುವ ಒಂದು ವಿಶೇಷ ಕ್ರಿಕೆಟ್ ಟೂರ್ನಿಯಾಗಿದೆ. ಸರಳವಾಗಿ ಹೇಳಬೇಕೆಂದರೆ, ಇದು ಏಷ್ಯಾದ ಭವಿಷ್ಯದ ಕ್ರಿಕೆಟ್ ತಾರೆಗಳನ್ನು ಗುರುತಿಸುವ ಮತ್ತು ಸಣ್ಣ ತಂಡಗಳಿಗೆ ದೊಡ್ಡ ವೇದಿಕೆ ಕಲ್ಪಿಸುವ ವಿಶಿಷ್ಟ ಸರಣಿ. ಈ ಟೂರ್ನಿಯಲ್ಲಿ ಏಷ್ಯಾ ಖಂಡದ ಒಟ್ಟು 8 ತಂಡಗಳು ಕಣಕ್ಕಿಳಿಯಲಿದ್ದು, ಇದೀಗ ಇದರ 7ನೇ ಆವೃತ್ತಿಯ ಅಧಿಕೃತ ವೇಳಾಪಟ್ಟಿ ಪ್ರಕಟವಾಗಿದೆ.
ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ ಮುಂಬರುವ ಎಸಿಸಿ ಪುರುಷರ ಏಷ್ಯಾ ಕಪ್ ರೈಸಿಂಗ್ ಸ್ಟಾರ್ಸ್ 2026 ಟೂರ್ನಿಯ ಅಧಿಕೃತ ವೇಳಾಪಟ್ಟಿಯನ್ನು ಪ್ರಕಟಿಸಿದೆ. ಯುವ ಕ್ರಿಕೆಟ್ ಪ್ರತಿಭೆಗಳಿಗೆ ವೇದಿಕೆಯಾಗಿರುವ ಈ ಪ್ರತಿಷ್ಠಿತ ಏಕದಿನ ಟೂರ್ನಿಯು 2026ರ ನವೆಂಬರ್ 19 ರಿಂದ ನವೆಂಬರ್ 29 ರವರೆಗೆ ಖತಾರ್‌ನ ದೋಹಾದಲ್ಲಿ ಜರುಗಲಿದೆ. ಈ ಮಹತ್ವದ ಟೂರ್ನಿಯ ಸಂಪೂರ್ಣ ವಿವರಗಳು, ಭಾಗವಹಿಸುವ ತಂಡಗಳು ಮತ್ತು ಪಂದ್ಯಗಳ ವೇಳಾಪಟ್ಟಿ ಈ ಕೆಳಗಿನಂತಿದೆ…
ತಂಡಗಳ ಗ್ರೂಪ್:
ಈ ಟೂರ್ನಿಯಲ್ಲಿ ಒಟ್ಟು 8 ತಂಡಗಳು ಭಾಗವಹಿಸುತ್ತಿದ್ದು, ಅವುಗಳನ್ನು ತಲಾ ನಾಲ್ಕರಂತೆ ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ:
- ಗ್ರೂಪ್ ಎ: ಶ್ರೀಲಂಕಾ ‘ಎ’, ಬಾಂಗ್ಲಾದೇಶ್ ‘ಎ’, ಅಫ್ಘಾನಿಸ್ತಾನ್ ‘ಎ’ ಮತ್ತು ಹಾಂಗ್ ಕಾಂಗ್.
- ಗ್ರೂಪ್ ಬಿ: ಭಾರತ ‘ಎ’, ಪಾಕಿಸ್ತಾನ್ ‘ಎ’, ನೇಪಾಳ ಮತ್ತು ಯುಎಇ.
ಪಂದ್ಯ ನಡೆಯುವ ಕ್ರೀಡಾಂಗಣಗಳು:
ದೋಹಾದ ಎರಡು ಪ್ರಮುಖ ಕ್ರೀಡಾಂಗಣಗಳಲ್ಲಿ ಈ ಎಲ್ಲ 15 ಪಂದ್ಯಗಳು ನಡೆಯಲಿವೆ:
- ವೆಸ್ಟ್ ಎಂಡ್ ಪಾರ್ಕ್ ಇಂಟರ್ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಂ (WEICS).
- ಯೂನಿವರ್ಸಿಟಿ ಆಫ್ ದೋಹಾ ಫಾರ್ ಸೈನ್ಸ್ ಅಂಡ್ ಟೆಕ್ನಾಲಜಿ (UDST) ಕ್ರಿಕೆಟ್ ಗ್ರೌಂಡ್.
ಇಂಡೋ-ಪಾಕ್ ಕದನ:
ಕ್ರಿಕೆಟ್ ಜಗತ್ತಿನ ಹೈ-ವೋಲ್ಟೇಜ್ ಪಂದ್ಯವಾದ ಭಾರತ ‘ಎ’ ಮತ್ತು ಪಾಕಿಸ್ತಾನ್ ‘ಎ’ ನಡುವಿನ ಮುಖಾಮುಖಿ ನವೆಂಬರ್ 22 ರಂದು ವೆಸ್ಟ್ ಎಂಡ್ ಪಾರ್ಕ್ ಸ್ಟೇಡಿಯಂನಲ್ಲಿ ನಡೆಯಲಿದೆ. ಭಾರತೀಯ ಕಾಲಮಾನದ ಪ್ರಕಾರ ಈ ಪಂದ್ಯವು ಮಧ್ಯಾಹ್ನ 3:30 ಕ್ಕೆ ಆರಂಭವಾಗಲಿದೆ.
ರೈಸಿಂಗ್ ಸ್ಟಾರ್ಸ್ ಏಷ್ಯಾಕಪ್ 2026 ವೇಳಾಪಟ್ಟಿ:
| ದಿನಾಂಕ | ಪಂದ್ಯಗಳು | ಸಮಯ | ಸ್ಥಳ |
|---|---|---|---|
| ನವೆಂಬರ್ 19, ಗುರುವಾರ | ಬಾಂಗ್ಲಾದೇಶ್ ಎ vs ಹಾಂಗ್ ಕಾಂಗ್ | ಬೆಳಿಗ್ಗೆ 9:00 | UDST |
| ನವೆಂಬರ್ 19, ಗುರುವಾರ | ಶ್ರೀಲಂಕಾ ಎ vs ಅಫ್ಘಾನಿಸ್ತಾನ್ ಎ | ಮಧ್ಯಾಹ್ನ 1:00 ಕ್ಕೆ | WEICS |
| ನವೆಂಬರ್ 20, ಶುಕ್ರವಾರ | ಪಾಕಿಸ್ತಾನ್ ಎ vs ಯುಎಇ | ಬೆಳಿಗ್ಗೆ 9:00 | UDST |
| ನವೆಂಬರ್ 20, ಶುಕ್ರವಾರ | ಭಾರತ ಎ vs ನೇಪಾಳ | ಮಧ್ಯಾಹ್ನ 1:00 ಕ್ಕೆ | WEICS |
| ನವೆಂಬರ್ 21, ಶನಿವಾರ | ಶ್ರೀಲಂಕಾ ಎ vs ಹಾಂಗ್ ಕಾಂಗ್ | ಬೆಳಿಗ್ಗೆ 9:00 | UDST |
| ನವೆಂಬರ್ 21, ಶನಿವಾರ | ಬಾಂಗ್ಲಾದೇಶ್ ಎ vs ಅಫ್ಘಾನಿಸ್ತಾನ್ ಎ | ಮಧ್ಯಾಹ್ನ 1:00 ಕ್ಕೆ | WEICS |
| ನವೆಂಬರ್ 22, ಭಾನುವಾರ | ಯುಎಇ vs ನೇಪಾಳ | ಬೆಳಿಗ್ಗೆ 9:00 | UDST |
| ನವೆಂಬರ್ 22, ಭಾನುವಾರ | ಭಾರತ ಎ vs ಪಾಕಿಸ್ತಾನ್ ಎ | ಮಧ್ಯಾಹ್ನ 1:00 ಕ್ಕೆ | WEICS |
| ನವೆಂಬರ್ 23, ಸೋಮವಾರ | ಅಫ್ಘಾನಿಸ್ತಾನ್ ಎ vs ಹಾಂಗ್ ಕಾಂಗ್ | ಬೆಳಿಗ್ಗೆ 9:00 | UDST |
| ನವೆಂಬರ್ 23, ಸೋಮವಾರ | ಶ್ರೀಲಂಕಾ ಎ vs ಬಾಂಗ್ಲಾದೇಶ್ ಎ | ಮಧ್ಯಾಹ್ನ 1:00 ಕ್ಕೆ | WEICS |
| ನವೆಂಬರ್ 24, ಮಂಗಳವಾರ | ಭಾರತ ಎ vs ಯುಎಇ | ಬೆಳಿಗ್ಗೆ 9:00 | UDST |
| ನವೆಂಬರ್ 24, ಮಂಗಳವಾರ | ಪಾಕಿಸ್ತಾನ್ ಎ vs ನೇಪಾಳ | ಮಧ್ಯಾಹ್ನ 1:00 ಕ್ಕೆ | WEICS |
| ನವೆಂಬರ್ 26, ಗುರುವಾರ | ಸೆಮಿಫೈನಲ್ 1 (A1 vs B2) | ಮಧ್ಯಾಹ್ನ 1:00 ಕ್ಕೆ | WEICS |
| ನವೆಂಬರ್ 27, ಶುಕ್ರವಾರ | ಸೆಮಿಫೈನಲ್ 2 (B1 vs A2) | ಮಧ್ಯಾಹ್ನ 1:00 ಕ್ಕೆ | WEICS |
| ನವೆಂಬರ್ 29, ಭಾನುವಾರ | ಫೈನಲ್ | ಮಧ್ಯಾಹ್ನ 1:00 ಕ್ಕೆ | WEICS |
ಇದನ್ನೂ ಓದಿ: ಇದು ವಿಂಟೇಜ್ ಕಾರ್… ಐಪಿಎಲ್ ಭವಿಷ್ಯದ ಬಗ್ಗೆ ಮೌನ ಮುರಿದ ಧೋನಿ!
ಈ ಬಾರಿಯ ರೈಸಿಂಗ್ ಸ್ಟಾರ್ಸ್ ಏಷ್ಯಾ ಕಪ್ ಟೂರ್ನಿಯು ಯುವ ಹಾಗೂ ಅನುಭವಿ ಆಟಗಾರರ ನಡುವಿನ ರೋಚಕ ಕದನಕ್ಕೆ ಸಾಕ್ಷಿಯಾಗಲಿದೆ. ಟೆಸ್ಟ್ ಆಡುವ ರಾಷ್ಟ್ರಗಳ ಉದಯೋನ್ಮುಖ ‘ಎ’ ತಂಡಗಳಿಗೆ, ಯುಎಇ ಮತ್ತು ಹಾಂಗ್ ಕಾಂಗ್‌ನಂತಹ ಪ್ರಮುಖ ಅಂತರರಾಷ್ಟ್ರೀಯ ತಂಡಗಳು ಎಷ್ಟರಮಟ್ಟಿಗೆ ಸವಾಲಾಗಲಿವೆ ಎಂಬುದನ್ನು ಕಾದು ನೋಡಬೇಕಿದೆ.