ಟೆಸ್ಟ್​ ಕ್ರಿಕೆಟ್ 4 ದಿನಕ್ಕೇ ಸೀಮಿತ, ಐಸಿಸಿ ನಿರ್ಧಾರಕ್ಕೆ ‘ಕ್ರಿಕೆಟ್​ ಗಾಡ್​’ ವಿರೋಧ

ಟೆಸ್ಟ್ ಕ್ರಿಕೆಟ್​ನಲ್ಲಿ ರೋಚಕತೆ ಸೃಷ್ಟಿಸಲು 5 ದಿನದ ಬದಲು ನಾಲ್ಕು ದಿನಗಳಿಗೆ ಕಡಿತ ಮಾಡಲು ಮುಂದಾಗಿರೋ ಐಸಿಸಿ ನಿರ್ಧಾರಕ್ಕೆ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡುಲ್ಕರ್ ವಿರೋಧ ವ್ಯಕ್ತಪಡಿಸಿದ್ದಾರೆ. ಕ್ರಿಕೆಟ್​ನ ಅತಿ ಶುದ್ಧರೂಪ ಟೆಸ್ಟ್ ಕ್ರಿಕೆಟ್. ಅದನ್ನ ಕುಲಗೆಡಿಸಬೇಡಿ. ಏಕದಿನ, ಟಿ20, ಟಿ10 ಕ್ರಿಕೆಟ್ ಎಲ್ಲವನ್ನೂ ಜಾರಿಗೆ ತಂದಿದ್ದೀರಾ. ಆದರೆ ಟೆಸ್ಟ್ ಕ್ರಿಕೆಟ್​ನಲ್ಲಿ ಯಾವುದೇ ಬದಲಾವಣೆ ಮಾಡಬೇಡಿ. ಅದನ್ನು ಹಾಗೆಯೇ ಬಿಡಿ ಎಂದು ಸಚಿನ್ ವಿರೋಧ ವ್ಯಕ್ತಪಡಿಸಿದ್ದಾರೆ.

ಅಭಿಮಾನಕ್ಕೆ ಕೊಹ್ಲಿ ಫಿದಾ ಗುವಾಹಟಿ ಟಿ-ಟ್ವೆಂಟಿ ಪಂದ್ಯಕ್ಕೂ ಮುನ್ನ ವಿರಾಟ್ ಕೊಹ್ಲಿಗೆ ಅಭಿಮಾನಿಯೊಬ್ಬ, ವಿಶೇಷ ಕಲಾಕೃತಿಯ ಗಿಫ್ಟ್​ನ್ನ ನೀಡಿದ್ದಾನೆ. ಕೊಹ್ಲಿ ಅಪ್ಪಟ ಅಭಿಮಾನಿ ಆಗಿರೋ ರಾಹುಲ್ ಪಾರೆಕ್, ಹಳೆಯ ಮೊಬೈಲ್ ಫೋನ್​ಗಳ ಬಿಡಿಭಾಗಗಳನ್ನ ಬಳಕೆ ಮಾಡಿ, ಕೊಹ್ಲಿಯ ಕಲಾಕೃತಿಯನ್ನ ನಿರ್ಮಿಸಿದ್ದಾನೆ. ಅಭಿಮಾನಿ ಕುಂಚದಲ್ಲಿ ಅರಳಿದ ಕಲಾಕೃತಿ ಕಂಡು ನಿಬ್ಬೆರಗಾದ ಕೊಹ್ಲಿ, ತಮ್ಮ ಹಷ್ತಾಕ್ಷರದೊಂದಿಗೆ ಫ್ಯಾನ್​ಗೆ ಶುಭಕೋರಿದ್ರು. ಈ ವಿಡಿಯೋವನ್ನ ಬಿಸಿಸಿಐ ಟ್ವೀಟ್ ಮಾಡಿದ್ದು, ಸಖತ್ ವೈರಲ್ ಆಗ್ತಿದೆ.

Making art out of old phones. How is this for fan love! ?? #TeamIndia @imVkohli pic.twitter.com/wnOAg3nYGD

— BCCI (@BCCI) January 5, 2020

ಆಸಿಸ್ ಕ್ಲೀನ್ ಸ್ವೀಪ್ ನ್ಯೂಜಿಲೆಂಡ್ ವಿರುದ್ಧದ ಸಿಡ್ನಿ ಟೆಸ್ಟ್ ಪಂದ್ಯದಲ್ಲಿ ಆಸಿಸ್ 279ರನ್​ಗಳ ಭರ್ಜರಿ ಗೆಲುವು ಸಾಧಿಸಿದೆ. 416ರನ್​ಗಳ ಬಿಗ್ ಟಾರ್ಗೆಟ್ ಬೆನ್ನತ್ತಿದ್ದ ನ್ಯೂಜಿಲೆಂಡ್, 136ರನ್​ಗೆ ಆಲೌಟ್ ಆಯ್ತು. ಎರಡನೇ ಇನ್ನಿಂಗ್ಸ್​ನಲ್ಲಿ ಡೇವಿಡ್ ವಾರ್ನರ್ ಶತಕ ಬಾರಿಸಿದ್ರೆ, ಮಾರ್ನಸ್ ಲಾಬುಚಾನ್ ಅರ್ಧಶತಕ ಸಿಡಿಸಿದ್ರು. ಕಿವೀಸ್ ಪರ ಗ್ರ್ಯಾಂಡ್​ಹೋಮ್ 52ರನ್ ಗಳಿಸಿದ್ರೆ, ನಾಥನ್ ಲಿಯಾನ್ 5ವಿಕೆಟ್ ಪಡೆದ್ರು. ಇದ್ರೊಂದಿಗೆ ಆಸಿಸ್ 3-0ಅಂತರದಿಂದ ಸರಣಿ ಕ್ಲೀನ್ ಸ್ವೀಪ್ ಮಾಡ್ತು.

ಪುತ್ರಿಯೊಂದಿಗೆ ಧೋನಿ ಎಂಜಾಯ್ ಟೀಂ ಇಂಡಿಯಾದಿಂದ ದೂರವಾಗಿರೋ ಮಹೇಂದ್ರ ಸಿಂಗ್ ಧೋನಿ, ಇದೀಗ ಮಗಳು ಝೀವಾಳೊಂದಿಗೆ ಸಖತ್ ಎಂಜಯ್ ಮಾಡ್ತಿದ್ದಾರೆ. ಇತ್ತೀಚೆಗೆ ಕುಟುಂಬದೊಂದಿಗೆ ಡೆಹ್ರಾಡೂನ್ ಪ್ರವಾಸವನ್ನ ಕೈಗೊಂಡಿದ್ರು. ಈ ವೇಳೆ ಮಾಹಿ ಪುತ್ರಿಯೊಂದಿಗೆ ಹಿಮಭರಿತ ಬೆಟ್ಟಗಳಲ್ಲಿ ಆಟವಾಡಿ, ಎಂಜಾಯ್ ಮಾಡಿದ್ರು. ಈ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡ್ತಿವೆ.

https://www.instagram.com/p/B68RZREnvS6/?utm_source=ig_web_copy_link

Published On - 6:39 pm, Mon, 6 January 20