ಸಾಕಷ್ಟು ವಿವಾದಗಳೆದ್ದವು, ಈತ ಟೆಸ್ಟ್‌ನಲ್ಲಿ ಬ್ಯಾಟಿಂಗ್ ಮಾಡಲು ಸಾಧ್ಯವಿಲ್ಲ ಎಂದಿದ್ದರು: ಪಂತ್ ಬಗ್ಗೆ ಎಂಎಸ್ಕೆ ಪ್ರಸಾದ್ ಹೇಳಿದ್ದೇನು?
ನಾವು ಪಂತ್ನನ್ನು ಆಯ್ಕೆ ಮಾಡಿದಾಗ, ಸಾಕಷ್ಟು ವಿವಾದಗಳು ಎದ್ದವು. ಅವರು ಟೆಸ್ಟ್ ಕ್ರಿಕೆಟ್‌ನಲ್ಲಿ ಬ್ಯಾಟಿಂಗ್ ಮಾಡಲು ಸಾಧ್ಯವಿಲ್ಲ ಮತ್ತು ಸವಾಲಿನ ವಿಕೆಟ್‌ಗಳನ್ನು ಉಳಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಅನೇಕರು ಹೇಳಿದರು.
ಕಳೆದ ಕೆಲವು ವರ್ಷಗಳಿಂದ, ವಿಕೆಟ್ ಕೀಪರ್-ಬ್ಯಾಟ್ಸ್‌ಮನ್ ರಿಷಭ್ ಪಂತ್ ಅವರು ಪ್ರಬುದ್ಧ ಕ್ರಿಕೆಟಿಗರಾಗಿ ಪರಿವರ್ತನೆಗೊಂಡಿರುವುದನ್ನು ಎಲ್ಲರೂ ನೋಡಿದ್ದಾರೆ. ಈ ಹಿಂದೆ ವೈಫಲ್ಯಗಳಿಂದ ಅನೇಕರಿಂದ ಟೀಕೆಗೆ ಒಳಗಾಗಿದ್ದ ಪಂತ್ನನ್ನು ಈಗ ಟೀಮ್ ಇಂಡಿಯಾದ ಪಂದ್ಯ ವಿಜೇತರಲ್ಲಿ ಒಬ್ಬನೆಂದು ಪರಿಗಣಿಸಲಾಗಿದೆ. ರಿಷಭ್ ಪಂತ್ ಇತ್ತೀಚೆಗೆ ಅದ್ಭುತ ಫಾರ್ಮ್ನಲ್ಲಿದ್ದಾರೆ. ಡೌನ್ ಅಂಡರ್ ನಂತರ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಅವರ ಏಕಾಂಗಿ ಹೋರಾಟವು ಅವರನ್ನು ಭಾರತದ ಇಂಗ್ಲೆಂಡ್ ಪ್ರವಾಸದ ಮೊದಲ ಆಯ್ಕೆಯ ವಿಕೆಟ್ ಕೀಪರ್ ಆಗಿ ಮಾಡಿತು. ಈ ಸರಣಿ ಜೂನ್ 18 ರಂದು ಸೌತಾಂಪ್ಟನ್ನಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ನೊಂದಿಗೆ ಪ್ರಾರಂಭವಾಗುತ್ತದೆ.
ಏತನ್ಮಧ್ಯೆ, ಮಾಜಿ ಮುಖ್ಯ ಸೆಲೆಕ್ಟರ್ ಎಂಎಸ್ಕೆ ಪ್ರಸಾದ್ ಪಂತ್ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದರು ಮತ್ತು ಕ್ರಿಯಾತ್ಮಕ ಆಟಗಾರನಾಗಿ ಅವರ ವಿಕಾಸವನ್ನು ಎತ್ತಿ ತೋರಿಸಿದರು. ಸಂದರ್ಶನವೊಂದರಲ್ಲಿ ಕ್ರಿಕೆಟ್ ಡಾಟ್ ಕಾಮ್ ಜೊತೆ ಮಾತನಾಡಿದ ಪ್ರಸಾದ್ ಅವರು ಪಂತ್ ಇಂತಹ ಉತ್ತಮ ಕ್ರಿಕೆಟಿಗನಾಗಿ ಬದಲಾಗುತ್ತಾರೆ ಎಂದು ಅನೇಕ ಜನರು ನಂಬಿರಲಿಲ್ಲ ಎಂದಿದ್ದಾರೆ.
ಅರ್ಹರನ್ನು ಗುರುತಿಸುವುದು ಸೆಲೆಕ್ಟರ್‌ನ ಪಾತ್ರ
ನಾವು ಉತ್ತರಾಧಿಕಾರದ ಬಗ್ಗೆ ಮಾತನಾಡುತ್ತೇವೆ. ನಾವು ಪಂತ್ನನ್ನು ಆಯ್ಕೆ ಮಾಡಿದಾಗ, ಸಾಕಷ್ಟು ವಿವಾದಗಳು ಎದ್ದವು. ಅವರು ಟೆಸ್ಟ್ ಕ್ರಿಕೆಟ್‌ನಲ್ಲಿ ಬ್ಯಾಟಿಂಗ್ ಮಾಡಲು ಸಾಧ್ಯವಿಲ್ಲ ಮತ್ತು ಸವಾಲಿನ ವಿಕೆಟ್‌ಗಳನ್ನು ಉಳಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಅನೇಕರು ಹೇಳಿದರು. ಹಾಗಾದರೆ, ಇಂದು ಏನಾಗಿದೆ? ನೋಡಿ, ಅವರು ಇಂಗ್ಲೆಂಡ್ ವಿರುದ್ಧ ಹೇಗೆ ಆಡಿದರು. ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾದಂತಹ ಸವಾಲಿನ ಬ್ಯಾಟಿಂಗ್ ಪರಿಸ್ಥಿತಿಗಳಲ್ಲಿ ಅವರು ಬ್ಯಾಟಿಂಗ್ ಮಾಡಿದ ರೀತಿ. ಅರ್ಹರನ್ನು ಗುರುತಿಸುವುದು ಸೆಲೆಕ್ಟರ್‌ನ ಪಾತ್ರ. ಪಂತ್ ಒಬ್ಬ ಅದ್ಭುತ ಆಟಗಾರ ಎಂದು ಅನೇಕ ಜನರು ಎಂದಿಗೂ ನಂಬಲಿಲ್ಲ ಎಂದು ಪ್ರಸಾದ್ ಹೇಳಿದ್ದಾರೆ.
ತಂಡದಲ್ಲಿ ವೃದ್ಧಿಮಾನ್ ಸಹಾಗಿಂತ ಪಂತ್ ಅವರನ್ನು ಮುಂದಿಡಲು ಕಾರಣದ ಬಗ್ಗೆ ಮಾತನಾಡಿದ ಪ್ರಸಾದ್, ಆರಂಭದಲ್ಲಿ ನಾವು ಪಂತ್ ಅವರನ್ನು ತಂಡಕ್ಕೆ ಆಯ್ಕೆ ಮಾಡಿದಾಗ, ಸಹಾ ಅವರ ಕೀಪಿಂಗ್ ಕೌಶಲ್ಯದಿಂದಾಗಿ ದೇಶದ ಅತ್ಯುತ್ತಮ ಕೀಪರ್ ಆಗಿದ್ದರು. ನಂತರ, ನಾವೆಲ್ಲರೂ ಪಂತ್ ಅವರನ್ನು ವಿದೇಶಿ ಸರಣಿಯಲ್ಲಿ ಆಡಿಸಲು ಇಚ್ಚಿಸಿದ್ದೇವು ಎಂಬುದನ್ನು ಒಪ್ಪಿಕೊಂಡಿದ್ದಾರೆ. ಏಕೆಂದರೆ ಪಂತ್ನ ಕೀಪಿಂಗ್ ಕೌಶಲ್ಯಗಳು ಹೆಚ್ಚು ಪರೀಕ್ಷಿಸಲ್ಪಟ್ಟಿರಲಿಲ್ಲ ಮತ್ತು ಬ್ಯಾಟಿಂಗ್ ಕೌಶಲ್ಯಗಳು ಹೆಚ್ಚು ಪ್ರಾಮುಖ್ಯತೆಯನ್ನು ಪಡೆದುಕೊಳ್ಳುತ್ತವೆ. ಆಸ್ಟ್ರೇಲಿಯಾದಲ್ಲಿನ ಅದ್ಭುತ ಪ್ರದರ್ಶನಗಳೊಂದಿಗೆ, ಪಂತ್ ಅವರು ತಂಡದ ನಿರ್ವಹಣೆಯನ್ನು ಭಾರತದಲ್ಲೂ ಸಹ ಬೆಂಬಲಿಸಬೇಕಾಗಿದೆ ಎಂದು ಮನವರಿಕೆ ಮಾಡಿಕೊಟ್ಟಿದ್ದಾರೆ ಮತ್ತು ತಕ್ಷಣವೇ ಅವರು ಈ ವರ್ಷ ಇಂಗ್ಲೆಂಡ್ ವಿರುದ್ಧ ಅಬ್ಬರಿಸಿದ ರೀತಿ ಎಲ್ಲರಿಗೂ ಕಂಡಿದೆ ಎಂದು ಪ್ರಸಾದ್ ಹೇಳಿದರು.