HTC U23 Pro: ಗ್ಯಾಜೆಟ್ ಮಾರುಕಟ್ಟೆಗೆ ಬಂತು ಹೊಸ ಎಚ್​ಟಿಸಿ ಸ್ಮಾರ್ಟ್​ಫೋನ್

ತೈವಾನ್ ಮೂಲದ ಎಚ್​ಟಿಸಿ ಕಂಪನಿ, ಆಕರ್ಷಕ ಫೀಚರ್ಸ್ ಹೊಂದಿರುವ ಗ್ಯಾಜೆಟ್​ಗಳಿಗೆ ಹೆಸರುವಾಸಿ. ಎಚ್​ಟಿಸಿ ಮೊಬೈಲ್​ಗಳಿಗೆ ಹತ್ತು ವರ್ಷಕ್ಕೂ ಅಧಿಕ ಕಾಲದಿಂದ ಭಾರತದ ಮಾರುಕಟ್ಟೆಯಲ್ಲಿ ಬೇಡಿಕೆ ಇದೆ. ಇತ್ತೀಚಿನ ದಿನಗಳಲ್ಲಿ ಎಚ್​ಟಿಸಿ ಸೀಮಿತ ಸಂಖ್ಯೆಯ ಮಾದರಿಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡುತ್ತಿದೆ. ವಿವಿಧ ಬ್ರ್ಯಾಂಡ್​​ಗಳ ಸ್ಪರ್ಧೆ ನಡುವೆ, ಎಚ್​ಟಿಸಿ, ಯು ಸರಣಿಯಲ್ಲಿ ಎರಡು ಮಾದರಿಗಳನ್ನು ಪರಿಚಯಿಸಿದೆ. ಎಚ್​ಟಿಸಿ U23 Pro ಮತ್ತು ಎಚ್​ಟಿಸಿ U23 ಎಂಬ ಎರಡು ಆವೃತ್ತಿಗಳು ಇಂದು ಗ್ಯಾಜೆಟ್ ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ. ನೂತನ ಮಾದರಿಗಳ ವೈಶಿಷ್ಟ್ಯಗಳೇನು ಎನ್ನುವ ವಿವರ ಈ ವಿಡಿಯೊದಲ್ಲಿದೆ.