Poco C51: ಬಜೆಟ್ ದರಕ್ಕೆ ಬೆಸ್ಟ್ ಫೋನ್ ಪರಿಚಯಿಸಿದ ಪೋಕೊ

ಶಓಮಿ ರೆಡ್ಮಿ ಸಮೂಹದ ಒಡೆತನದಲ್ಲಿದ್ದ ಪೋಕೊ, ಪ್ರೀಮಿಯಂ ಫೀಚರ್ಸ್ ಇರುವ ಸ್ಮಾರ್ಟ್​​ಫೋನ್​ಗಳನ್ನು ಭಾರತದಲ್ಲಿ ಪರಿಚಯಿಸಿದ ಬಳಿಕ, ಬಜೆಟ್ ದರದ ಮಾದರಿಗಳನ್ನು ಬಿಡುಗಡೆ ಮಾಡುತ್ತಿದೆ. ಅದರಲ್ಲೂ, ರೆಡ್ಮಿ, ಒಪ್ಪೊ ಮತ್ತು ವಿವೊ ಫೋನ್​ಗಳಿಗೆ ಸ್ಪರ್ಧೆ ನೀಡುತ್ತಿದೆ. ಮಾರುಕಟ್ಟೆಯಲ್ಲಿನ ಬೇಡಿಕೆಗೆ ಅನುಗುಣವಾಗಿ, ಆರಂಭಿಕ ಹಂತದ ಫೋನ್​ಗಳಿಂದ ಆರಂಭಿಸಿ, ವಿವಿಧ ಬಜೆಟ್, ಮಾದರಿಯ ಫೋನ್​ಗಳನ್ನು ಕೂಡ ಪೋಕೊ ಬಿಡುಗಡೆ ಮಾಡುತ್ತಿದೆ. ಪೋಕೊ ಸಿ ಸರಣಿಯಲ್ಲಿ ಹೊಸದಾಗಿ ಪೋಕೊ C51 ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ. ದೇಶದಲ್ಲಿ ಈ ಫೋನ್ ಬೆಲೆ ₹8,499 ಇದ್ದು ಫೋನ್ ವೈಶಿಷ್ಟ್ಯಗಳ ವಿವರ ಇಲ್ಲಿದೆ. ಪೋಕೊ ಸಿ ಸರಣಿಯಲ್ಲಿ ಬಿಡುಗಡೆಯಾಗಿದೆ ನೂತನ ಪೋಕೊ C51 ಬಿಡುಗಡೆಯಾಗಿದ್ದು, 6.52 ಇಂಚಿನ HD+ ಡಿಸ್​ಪ್ಲೇ ಹೊಂದಿದೆ. ಪೋಕೊ ಫೋನ್ MediaTek Helio G36 ಪ್ರೊಸೆಸರ್ ಬೆಂಬಲ ಹೊಂದಿದೆ ಹಾಗೂ 4 GB RAM + 64 GB ಆವೃತ್ತಿ ಲಭ್ಯವಿದ್ದು, ₹8,499 ಬೆಲೆಗೆ ಇದ್ದು, ಆರಂಭಿಕ ಹಂತದ ಕೊಡುಗೆಯಲ್ಲಿ ₹7,999ಕ್ಕೆ ಲಭ್ಯವಿದೆ. ಪೋಕೊ C51 ಸ್ಮಾರ್ಟ್​ಫೋನ್ Android 13 (Go Edition) ಮೂಲಕ ಕಾರ್ಯನಿರ್ವಹಿಸುತ್ತದೆ. ಪೋಕೊ C51 ಫೋನ್​ನಲ್ಲಿ 8 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಸಹಿತ ಎರಡು ಕ್ಯಾಮೆರಾ ವ್ಯವಸ್ಥೆ ಹಾಗೂ 5 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ. ಜತೆಗೆ ಪೋಕೊ C51 ಫೋನ್ 5,000mAh ಬ್ಯಾಟರಿ ಬೆಂಬಲ ಹೊಂದಿದೆ.