Jio Offer: 3GB ಡೇಟಾ ಜೊತೆ ಕಡಿಮೆ ಬೆಲೆ ಹೊಸ ರಿಚಾರ್ಜ್​ ಪ್ಲ್ಯಾನ್ ಪರಿಚಯಿಸಿದ ಜಿಯೋ

ಭಾರತದ ಅತ್ಯಂತ ಜನಪ್ರಿಯ ಟೆಲಿಕಾಂ ಸಂಸ್ಥೆ ರಿಲಯನ್ಸ್ ಜಿಯೋ ತನ್ನ ಗ್ರಾಹಕರಿಗೆ ಹೊಸ ರಿಚಾರ್ಜ್​ ಪ್ಲ್ಯಾನ್ ಅನ್ನು ಪರಿಚಯಿಸಿದೆ. 28 ದಿನಗಳ ವಾಲಿಟಿಡಿ ಹೊಂದಿರುವ ಈ ಯೋಜನೆಗೆ ಜಿಯೋಫೋನ್ ಆಲ್​ ಇನ್ ಒನ್ (Jiophone All in one) ಪ್ಲ್ಯಾನ್ ಎಂದು ಹೆಸರಿಡಲಾಗಿದೆ. ಅದರಂತೆ ಈ ಯೋಜನೆಯು ಜಿಯೋಫೋನ್ ಬಳಕೆದಾರರಿಗಾಗಿ ಮಾತ್ರ ಲಭ್ಯವಿರಲಿದೆ. ಹಾಗಿದ್ರೆ ಜಿಯೋ ಹೊಸ ರಿಚಾರ್ಜ್​ ಪ್ಲ್ಯಾನ್​ನ ಲಾಭಗಳೇನು ನೋಡೋಣ.

ಜಿಯೋನ 75 ರೂ ಯೋಜನೆ ( Jio 75 rs recharge plan ):
75 ರೂ. ರಿಚಾರ್ಜ್​ನ ಈ ಯೋಜನೆಯಲ್ಲಿ ಗ್ರಾಹಕರಿಗೆ ಒಟ್ಟು 3 ಜಿಬಿ ಡೇಟಾ ನೀಡಲಾಗುತ್ತಿದೆ. ಅಂದರೆ ಪ್ರತಿ ದಿನ 0.1 GB ಡೇಟಾವನ್ನು ಬಳಸಬಹುದು. ಹಾಗೆಯೇ ಇದೇ ಪ್ಲ್ಯಾನ್​ನಲ್ಲಿ ಆಫರ್​ ರೀತಿಯಲ್ಲಿ ಹೆಚ್ಚುವರಿ 200 MB ಉಚಿತ ಡೇಟಾ ಕೂಡ ಸಿಗಲಿದೆ. ಇನ್ನು ರಿಚಾರ್ಜ್​ ಮೂಲಕ ಯಾವುದೇ ನಂಬರ್​ಗೆ ಅನಿಯಮಿತ ಕರೆ ಮಾಡಬಹುದು. ಹಾಗೆಯೇ ಉಚಿತ 50 SMS ಗಳನ್ನು ಸಹ ಕಳುಹಿಸಬಹುದು. ಇದರ ವಾಲಿಟಿಡಿ 28 ದಿನಗಳ ಮಾತ್ರ.

ಏರ್​ಟೆಲ್ 79 ರೂ. ರಿಚಾರ್ಜ್ ಪ್ಲ್ಯಾನ್ ( Airtel 79 rs Rechage plan ):
ಏರ್​ಟೆಲ್ ತನ್ನ ರೂ 49 ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯನ್ನು ಸ್ಥಗಿತಗೊಳಿಸಿದ್ದು, ಅದರ ಬದಲಾಗಿ 79 ರೂ. ಗಳ ಯೋಜನೆಯನ್ನು ಪರಿಚಯಿಸಿದೆ. ಈ ಪ್ಲ್ಯಾನ್ ಮೂಲಕ ಏರ್​ಟೆಲ್ ಗ್ರಾಹಕರು 64 ರೂ. ಟಾಕ್ ಟೈಮ್ ಪಡೆಯಲಿದ್ದಾರೆ. ಜೊತೆಗೆ 200MB ಡೇಟಾ ಕೂಡ ಲಭ್ಯವಿರುತ್ತದೆ. ಈ ಯೋಜನೆಯು 28 ದಿನಗಳ ಮಾನ್ಯತೆಯನ್ನು ಹೊಂದಿರುತ್ತದೆ. ಏರ್‌ಟೆಲ್‌ನ ಈ ಯೋಜನೆ ಜುಲೈ 29 ರಿಂದ ಆರಂಭವಾಗಿದ್ದು, ಈ ಹಿಂದಿನ ಯೋಜನೆಗೆ ಹೋಲಿಸಿದರೆ 30 ರೂಪಾಯಿಯಷ್ಟು ದುಬಾರಿಯಾಗಿದೆ.

ಏರ್‌ಟೆಲ್ vs ಜಿಯೋ ( Jio vs Airtel ) ಯಾವುದು ಉತ್ತಮ?
ಎರಡೂ ಯೋಜನೆಗಳನ್ನು ಹೋಲಿಸಿದರೆ, ಏರ್‌ಟೆಲ್‌ಗಿಂತ ಜಿಯೋ ಯೋಜನೆ ಉತ್ತಮ ಎನ್ನಬಹುದು. ಏರ್‌ಟೆಲ್‌ನ ಯೋಜನೆಗಿಂತ ಜಿಯೋ ಯೋಜನೆ 4 ರೂಪಾಯಿ ಅಗ್ಗವಾಗಿದೆ. ಆದರೆ ಈ ಯೋಜನೆಯ ಏಕೈಕ ಅನಾನುಕೂಲವೆಂದರೆ ಇದು ಜಿಯೋಫೋನ್ ಬಳಕೆದಾರರಿಗೆ ಮಾತ್ರ ನೀಡಲಾಗಿದೆ. ಹೀಗಾಗಿ ಜಿಯೋ ಸಿಮ್ ಬಳಕೆದಾರರಿಗೆ 75 ರೂ.ಗಳ ಹೊಸ ರಿಚಾರ್ಜ್​ ಪ್ಲ್ಯಾನ್ ಲಭ್ಯವಿರುವುದಿಲ್ಲ.

ಇದನ್ನೂ ಓದಿ: ಮದ್ಯಪಾನ ಮಾಡಿ ಶತಕ ಸಿಡಿಸಿದ್ದ ಗ್ಯಾರಿ ಸೋಬರ್ಸ್​..!

ಇದನ್ನೂ ಓದಿ: ಸೂರ್ಯಕುಮಾರ್ ಯಾದವ್​ಗೆ ಅವಕಾಶ ಕೈತಪ್ಪುವ ಆತಂಕ

(Reliance Jio launched cheapest recharge plan)