ಸ್ಯಾಮ್​ಸಂಗ್​ನ ಈ ಫೋನ್ ಬೆಲೆ ಭಾರತದಲ್ಲಿ ರೂ. 48,999, ಆದರೆ ಪಾಕಿಸ್ತಾನದಲ್ಲಿ 1.85 ಲಕ್ಷ

ಭಾರತದಲ್ಲಿ 50,000 ರೂ. ಆಸುಪಾಸಿನಲ್ಲಿ ಮಾರಾಟ ಆಗುತ್ತಿರುವ ಅದೇ ಫೋನ್‌ಗೆ ಪಾಕಿಸ್ತಾನದ ಜನರು ಒಂದೂವರೆ ಲಕ್ಷಕ್ಕೂ ಅಧಿಕ ಹಣ ಪಾವತಿಸಬೇಕಾಗುತ್ತದೆ. ಈ ಸುದ್ದಿ ಕೇಳಿ ಶಾಕ್ ಆದ್ರೂ ಇದು ಸತ್ಯ. ನೀವು ಭಾರತದಲ್ಲಿ ಸ್ಯಾಮ್​ಸಂಗ್​ ಗ್ಯಾಲಕ್ಸಿ S23 FE 5G (Samsung Galaxy S23 FE 5G) ಸ್ಮಾರ್ಟ್‌ಫೋನ್ ಅನ್ನು ಕಡಿಮೆ ಬೆಲೆಗೆ ಪಡೆಯುತ್ತೀರಿ. ಆದರೆ ಮತ್ತೊಂದೆಡೆ, ಅದೇ ಫೋನ್​ಗೆ ಪಾಕಿಸ್ತಾನದಲ್ಲಿ ಲಕ್ಷ ನೀಡಬೇಕು. ಗ್ಯಾಲಕ್ಸಿ S23 FE 5G ಮೊಬೈಲ್ ಫೋನ್‌ನ ಎರಡು ರೂಪಾಂತರಗಳಲ್ಲಿ ಭಾರತ ಮತ್ತು ಪಾಕಿಸ್ತಾನದಲ್ಲಿ ಮಾರಾಟ ಮಾಡಲಾಗುತ್ತದೆ. ಇದು 8 GB RAM + 128 GB ಸಂಗ್ರಹಣೆ ಮತ್ತು 8 GB RAM + 256 GB ಸಂಗ್ರಹಣೆಯಿಂದ ಕೂಡಿದೆ.

ಭಾರತದಲ್ಲಿ ಸ್ಯಾಮ್​ಸಂಗ್ ಗ್ಯಾಲಕ್ಸಿ S23 FE 5G ಬೆಲೆ

ಸ್ಯಾಮ್​ಸಂಗ್ ಗ್ಯಾಲಕ್ಸಿ S23 FE 5G ಸ್ಮಾರ್ಟ್​ಫೋನ್​ನಲ್ಲಿ ಸದ್ಯ ಅಮೆಜಾನ್‌ನಲ್ಲಿ 48 ಸಾವಿರದ 900 ರೂ. ಗಳಿಗೆ ಮಾರಾಟವಾಗುತ್ತಿದೆ. ಈ ಫೋನ್‌ 8 GB RAM / 128 GB ಸ್ಟೋರೇಜ್ ರೂಪಾಂತರದ್ದಾಗಿದೆ. ಈ ಹ್ಯಾಂಡ್‌ಸೆಟ್‌ನ 8 GB RAM / 256 GB ಸ್ಟೋರೇಜ್ ರೂಪಾಂತರಕ್ಕೆ ರೂ. 59,999 ನಿಗದಿ ಮಾಡಲಾಗಿದೆ.

ಪೋಕೋ X6 ಫೋನಿಗೆ ಭರ್ಜರಿ ಡಿಮ್ಯಾಂಡ್: ಹೊಸ ರೂಪಾಂತರದಲ್ಲಿ ಬಿಡುಗಡೆ, ಬೆಲೆ ಎಷ್ಟು?

ಗ್ಯಾಲಕ್ಸಿ S23 FE 5G ಭಾರತದ ಬೆಲೆ.

ಪಾಕಿಸ್ತಾನದಲ್ಲಿ ಸ್ಯಾಮ್​ಸಂಗ್ ಗ್ಯಾಲಕ್ಸಿ S23 FE 5G ಬೆಲೆ

ಸ್ಯಾಮ್‌ಸಂಗ್‌ನ ಅಧಿಕೃತ ವೆಬ್‌ಸೈಟ್‌ನಲ್ಲಿನ ಮಾಹಿತಿಯ ಪ್ರಕಾರ ಪಾಕಿಸ್ತಾನದಲ್ಲಿ ಈ ಫೋನ್‌ನ 128 GB ಸ್ಟೋರೇಜ್ ರೂಪಾಂತರಕ್ಕೆ 1,84,999 ರೂ. ಇದೆ. ಅದೇ 256 GB ರೂಪಾಂತರವು 1,89,999 ರೂ. ಗೆ ಪಟ್ಟಿಮಾಡಲ್ಪಟ್ಟಿದೆ. ಈ ಬೆಲೆಯನ್ನು ನಾವು ಭಾರತಕ್ಕೆ ಕನ್ವರ್ಟ್ ಮಾಡಿ ನೋಡಿದರೆ 128 GB ರೂಪಾಂತರದ ಬೆಲೆ 54,936 ಮತ್ತು 256 GB ಮಾದರಿಯ ಬೆಲೆ 56,421 ಆಗಿದೆ.

ಗ್ಯಾಲಕ್ಸಿ S23 FE 5G ಪಾಕಿಸ್ತಾನ ಬೆಲೆ.

ಸ್ಯಾಮ್​ಸಂಗ್ ಗ್ಯಾಲಕ್ಸಿ S23 FE 5G ಫೀಚರ್ಸ್ (ಭಾರತೀಯ ರೂಪಾಂತರ)

ಡಿಸ್​ಪ್ಲೇ: ಭಾರತದಲ್ಲಿ ಈ ಸ್ಮಾರ್ಟ್‌ಫೋನ್ 6.4 ಇಂಚಿನ ಡೈನಾಮಿಕ್ ಪೂರ್ಣ-HD ಪ್ಲಸ್ AMOLED 2X ಡಿಸ್‌ಪ್ಲೇ ಜೊತೆಗೆ 120 Hz ರಿಫ್ರೆಶ್ ರೇಟ್ ಬೆಂಬಲವನ್ನು ಹೊಂದಿದೆ.

ಚಿಪ್‌ಸೆಟ್: ಈ ಸ್ಮಾರ್ಟ್‌ಫೋನ್‌ನಲ್ಲಿ Exynos 2200 ಆಕ್ಟಾ-ಕೋರ್ ಪ್ರೊಸೆಸರ್ ಅನ್ನು ಬಳಸಲಾಗಿದೆ.

ಕ್ಯಾಮೆರಾ ಸೆಟಪ್: OIS ಬೆಂಬಲದೊಂದಿಗೆ 50MP ಪ್ರಾಥಮಿಕ ಸಂವೇದಕ, ಜೊತೆಗೆ 12MP ಅಲ್ಟ್ರಾ-ವೈಡ್ ಸಂವೇದಕ ಮತ್ತು 8MP ಟೆಲಿಫೋಟೋ ಸಂವೇದಕವನ್ನು ಹಿಂಭಾಗದಲ್ಲಿ ಒದಗಿಸಲಾಗಿದೆ. 10 MP ಸೆಲ್ಫಿ ಸಂವೇದಕವು ಮುಂಭಾಗದಲ್ಲಿ ಲಭ್ಯವಿದೆ.

ಫೋನ್​ನಲ್ಲಿ ಮಾತನಾಡುತ್ತಿರುವಾಗ ದಿಢೀರ್ ಕಾಲ್ ಕಟ್ ಆಗುತ್ತಾ?: ಅಲ್ಲೊಂದು ಸಮಸ್ಯೆ ಇದೆ

ಬ್ಯಾಟರಿ ಸಾಮರ್ಥ್ಯ: ಫೋನ್‌ನಲ್ಲಿ 4500mAh ಬ್ಯಾಟರಿ ನೀಡಲಾಗಿದ್ದು, ಇದು 25 ವ್ಯಾಟ್ ವೈರ್ಡ್ ಫಾಸ್ಟ್ ಚಾರ್ಜ್ ಬೆಂಬಲದೊಂದಿಗೆ ಬರುತ್ತದೆ. ಇದು ಕೇವಲ 30 ನಿಮಿಷಗಳಲ್ಲಿ ಫೋನ್ 0 ರಿಂದ 50 ಪ್ರತಿಶತದಷ್ಟು ಚಾರ್ಜ್ ಆಗುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಸ್ಯಾಮ್​ಸಂಗ್ ಗ್ಯಾಲಕ್ಸಿ S23 FE 5G ಫೀಚರ್ಸ್ (ಪಾಕಿಸ್ತಾನಿ ರೂಪಾಂತರ)

ಡಿಸ್​ಪ್ಲೇ: ಈ ಸ್ಮಾರ್ಟ್‌ಫೋನ್ 6.4 ಇಂಚಿನ ಪೂರ್ಣ-HD ಪ್ಲಸ್ AMOLED 2X ಡಿಸ್‌ಪ್ಲೇಯನ್ನು ಹೊಂದಿದ್ದು ಇದು 120 Hz ರಿಫ್ರೆಶ್ ದರವನ್ನು ಬೆಂಬಲಿಸುತ್ತದೆ.

ಪ್ರೊಸೆಸರ್: ಆಕ್ಟಾ-ಕೋರ್ ಎಕ್ಸಿನೋಸ್ 2200 ಪ್ರೊಸೆಸರ್ ಅನ್ನು ಈ ಸ್ಯಾಮ್‌ಸಂಗ್ ಫೋನ್‌ನಲ್ಲಿ ವೇಗ ಮತ್ತು ಬಹುಕಾರ್ಯಕ್ಕಾಗಿ ಬಳಸಲಾಗಿದೆ.

ಕ್ಯಾಮೆರಾ ಸೆಟಪ್: ಹಿಂಭಾಗವು 50MP ಪ್ರಾಥಮಿಕ ಸಂವೇದಕ, 12MP ಅಲ್ಟ್ರಾ-ವೈಡ್ ಸಂವೇದಕ ಮತ್ತು 8MP ಟೆಲಿಫೋಟೋ ಕ್ಯಾಮೆರಾ ಸಂವೇದಕವನ್ನು ಹೊಂದಿದೆ. ಅದೇ ಸಮಯದಲ್ಲಿ, ಮುಂಭಾಗದಲ್ಲಿ 10 MP ಸೆಲ್ಫಿ ಕ್ಯಾಮೆರಾ ಲಭ್ಯವಿದೆ.

ಬ್ಯಾಟರಿ ಸಾಮರ್ಥ್ಯ: ಫೋನ್ 4500 mAh ಬ್ಯಾಟರಿಯನ್ನು ಹೊಂದಿದ್ದು ಇದು 25 ವ್ಯಾಟ್ ವೈರ್ಡ್ ಫಾಸ್ಟ್ ಚಾರ್ಜ್ ಅನ್ನು ಬೆಂಬಲಿಸುತ್ತದೆ.

ಈ ಸ್ಯಾಮ್​ಸಂಗ್ ಸ್ಮಾರ್ಟ್​ಫೋನ್ ಪಾಕಿಸ್ತಾನ ಅಥವಾ ಭಾರತವಾಗಿರಲಿ, ಎರಡೂ ದೇಶಗಳಲ್ಲಿ ಒಂದೇ ರೀತಿಯ ಫೀಚರ್​ಗಳನ್ನು ಹೊಂದಿದೆ. ಒಂದೇ ವ್ಯತ್ಯಾಸವೆಂದರೆ ಬೆಲೆ. ಪಾಕಿಸ್ತಾನದಲ್ಲಿ ಹೆಚ್ಚಿನ ಬೆಲೆಯ ಹಿಂದೆ ಎರಡೂ ದೇಶಗಳ ತೆರಿಗೆ ನಿಬಂಧನೆಗಳಲ್ಲಿನ ವ್ಯತ್ಯಾಸ ಮತ್ತು ಕರೆನ್ಸಿಯ ಮೌಲ್ಯ ಮುಂತಾದ ಹಲವು ಕಾರಣಗಳಿವೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ