ರೋಚಕತೆ ಸೃಷ್ಟಿಸಿದ ವಿವೋ ಕಂಪನಿಯ ಹೊಸ X100 ಸ್ಮಾರ್ಟ್ಫೋನ್: ಏನಿದೆ ಇದರಲ್ಲಿ?
vivo x100 launch date: ಟೆಕ್ ಲೋಕದಲ್ಲಿ ರೋಚಕತೆ ಸೃಷ್ಟಿಸಿರುವ ಹೊಸ ವಿವೋ X100 ಬಿಡುಗಡೆ ದಿನಾಂಕ ಪ್ರಕಟವಾಗಿದೆ. ಈ ಫೋನ್ ಇದೇ ನವೆಂಬರ್ 13, 2023 ರಂದು ಅನಾವರಣಗೊಳ್ಳಲಿದೆ. ವೆನಿಲ್ಲಾ ಮಾದರಿಯ ಈ ಫೋನ್ನಲ್ಲಿ ವಿವೋ X100 ಪ್ರೊ ಮತ್ತು X100 ಪ್ರೊ ಕೂಡ ಇರುವ ಸಾಧ್ಯತೆ ಇದೆ.
Updated on: Nov 05, 2023 | 2:56 PM
ಚೀನಾದ ಪ್ರಸಿದ್ಧ ಸ್ಮಾರ್ಟ್ಫೋನ್ ತಯಾರಕ ಕಂಪನಿ ವಿವೋ ಕಳೆದ ಕೆಲವು ತಿಂಗಳುಗಳಿಂದ ಜಾಗತಿಕ ಮಾರುಕಟ್ಟೆಯಲ್ಲಿ ಒಂದರ ಹಿಂದೆ ಒಂದರಂತೆ ಆಕರ್ಷಕ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡುತ್ತಿದೆ. ಇದರ ನಡುವೆ ನೂತನ ಫೋನುಗಳ ಘೋಷಣೆ ಕೂಡ ಮಾಡುತ್ತಿದೆ. ಅದರಂತೆ ಇದೀಗ ಟೆಕ್ ಲೋಕದಲ್ಲಿ ರೋಚಕತೆ ಸೃಷ್ಟಿಸಿರುವ ಹೊಸ ವಿವೋ X100 (vivo x100) ಬಿಡುಗಡೆ ದಿನಾಂಕವನ್ನು ಪ್ರಕಟಿಸಿದೆ. ಈ ಫೋನ್ ಇದೇ ನವೆಂಬರ್ 13, 2023 ರಂದು ಅನಾವರಣಗೊಳ್ಳಲಿದೆ. ವೆನಿಲ್ಲಾ ಮಾದರಿಯ ಈ ಫೋನ್ನಲ್ಲಿ ವಿವೋ X100 ಪ್ರೊ ಮತ್ತು X100 ಪ್ರೊ ಕೂಡ ಇರುವ ಸಾಧ್ಯತೆ ಇದೆ.
ಟೆಕ್ ಔಟ್‌ಲೆಟ್ 91ಮೊಬೈಲ್ಸ್, ವಿವೋ X100 ಸ್ಮಾರ್ಟ್‌ಫೋನ್‌ನ ಆರಂಭಿಕ ಬೆಲೆ ಮತ್ತು ವೈಶಿಷ್ಟ್ಯಗಳನ್ನು ಬಹಿರಂಗಪಡಿಸಿದೆ. ಈ ಸ್ಮಾರ್ಟ್ಫೋನ್ ಚೀನಾದಲ್ಲಿ CNY 3,999 ರ ಆರಂಭಿಕ ಬೆಲೆಯಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದೆ. ಇದರ ಬೆಲೆ ಭಾರತದಲ್ಲಿ 45,550 ರೂ. ಆಸುಪಾಸಿನಲ್ಲಿ ಇರಬಹುದು. ಇದು ಬಿಳಿ, ನೀಲಿ, ಕಿತ್ತಳೆ ಮತ್ತು ಕಪ್ಪು ಎಂಬ ನಾಲ್ಕು ಬಣ್ಣಗಳಲ್ಲಿ ರಿಲೀಸ್ ಆಗಲಿದೆ. 12GB + 256GB, 16GB + 256GB, 16GB + 512GB ಮತ್ತು 16GB + 1TB ಹೀಗೆ ನಾಲ್ಕು ಸ್ಟೋರೇಜ್ನಲ್ಲಿ ಇರಲಿದೆ.
WhatsApp Ban: ಶಾಕಿಂಗ್: ಭಾರತದ ಬರೋಬ್ಬರಿ 71 ಲಕ್ಷಕ್ಕೂ ಅಧಿಕ ವಾಟ್ಸ್ಆ್ಯಪ್ ಅಕೌಂಟ್ ಬ್ಯಾನ್
ಆದಾಗ್ಯೂ, ಮತ್ತೊಂದು ಮೂಲಗಳಿಂದ ಇದರ ಬೆಲೆ 50,000 ಕ್ಕಿಂತ ಹೆಚ್ಚು ಇರಬಹುದು ಎಂದು ಹೇಳಲಾಗಿದೆ. ಈ ಫೋನ್ 2023 ರ ಅಂತ್ಯದ ವೇಳೆಗೆ ಅಥವಾ ಮುಂದಿನ ವರ್ಷದ ಆರಂಭದಲ್ಲಿ ಭಾರತದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.
ವಿವೋ X100 ಫೀಚರ್ಸ್ ಏನಿರಬಹುದು?
ಈ ಸ್ಮಾರ್ಟ್ಫೋನ್ 6.78-ಇಂಚಿನ 1.5K ಡಿಸ್ಪ್ಲೇ 120Hz ರಿಫ್ರೆಶ್ ದರದೊಂದಿಗೆ ಬಿಡುಗಡೆ ಆಗಬಹುದು. 16GB LPDDR5T RAM ಮತ್ತು 1TB UFS 4.0 ಆಂತರಿಕ ಸಂಗ್ರಹಣೆಯೊಂದಿಗೆ ಡೈಮೆನ್ಸಿಟಿ 9300 ಚಿಪ್‌ಸೆಟ್ ಅನ್ನು ಹೊಂದಿರಲಿದೆ. ಇದು ಆಂಡ್ರಾಯ್ಡ್ 14 ಆಧಾರಿತ ಇತ್ತೀಚಿನ OriginOS 14 ನಲ್ಲಿ ರನ್ ಆಗುವ ಸಾಧ್ಯತೆಯಿದೆ.
ವಿವೋ X100 ಫೋನ್ 120W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಹೊಂದಿರಬಹುದು. ಕ್ಯಾಮೆರಾ ವಿಷಯಕ್ಕೆ ಬಂದರೆ, ಈ ಹ್ಯಾಂಡ್‌ಸೆಟ್ 50MP ಮುಖ್ಯ ಕ್ಯಾಮೆರಾ, 50MP ಅಲ್ಟ್ರಾವೈಡ್ ಮತ್ತು 64MP ಟೆಲಿಫೋಟೋ ಲೆನ್ಸ್‌ಗಳನ್ನು ಹಿಂಭಾಗದಲ್ಲಿ ನೀಡಬಹುದು. 32MP ಸೆಲ್ಫಿ ಕ್ಯಾಮೆರಾ ಫೋನ್‌ನ ಡಿಸ್ಪ್ಲೇ ಮೇಲೆ ನೀಡಲಾಗಿದೆ. ಭದ್ರತೆಗಾಗಿ, ಇದು ಇನ್-ಸ್ಕ್ರೀನ್ ಫಿಂಗರ್‌ಪ್ರಿಂಟ್ ಆಯ್ಕೆ ಇರಲಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
