Video: ತನ್ನ ಕೈಯಾರೆ ಕಾಳು ತಿನಿಸಿ ಹಕ್ಕಿ ಮರಿಗಳ ಹಸಿವು ನೀಗಿಸಿದ ಯುವತಿ

ನಮ್ಮಲ್ಲಿ ಕೆಲವರಿಗೆ ಈ ಪ್ರಾಣಿ (Animal), ಪಕ್ಷಿಗಳೆಂದರೆ ಎಲ್ಲಿಲ್ಲದ ಪ್ರೀತಿ. ಅವುಗಳಿಗೆ ಆಹಾರ ಹಾಕುವುದು, ನೀರು ಕುಡಿಯಲು ಇಡುವುದು ಹೀಗೆ ಹಸಿವು ನೀಗಿಸುವ ಕೆಲಸ ಮಾಡುತ್ತಾರೆ. ಇದೀಗ ಈ ಯುವತಿಯದ್ದು ಅಷ್ಟೇ ಒಳ್ಳೆಯ ಗುಣ. ಗೂಡಿನಲ್ಲಿದ್ದ ಪುಟಾಣಿ ಹಕ್ಕಿ ಮರಿಗಳಿಗೆ ಯುವತಿಯೊಬ್ಬಳು ತಿನ್ನಲು ಆಹಾರ ನೀಡಿದ್ದಾಳೆ. ಯುವತಿಯ ಒಳ್ಳೆಯ ಕೆಲಸಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಫ ಕಾಂಟಾ (Fa conta) ಹೆಸರಿನ ಎಕ್ಸ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ಹಕ್ಕಿಯೊಂದು ಕಬ್ಬಿಣದ ರಾಡ್‌ನಲ್ಲಿ ಗೂಡು ಕಟ್ಟಿದೆ. ಇದರಲ್ಲಿ ಪುಟ್ಟ ಮರಿಗಳು ಆಹಾರ ತರಲು ಹೊರಟ ತಾಯಿಗಾಗಿ  ಕಾಯುತ್ತಿದೆ. ಇದನ್ನರಿತ ಯುವತಿಯೊಬ್ಬಳು ತಾಯಿ ಹಕ್ಕಿಯಂತೆ ಸದ್ದು ಮಾಡುತ್ತಾ, ಈ ಹಕ್ಕಿ ಮರಿಗಳಿಗೆ ಕಾಳುಗಳನ್ನು ನೀಡುತ್ತಿರುವುದನ್ನು ಕಾಣಬಹುದು.

ವೈರಲ್ ವಿಡಿಯೋ ಇಲ್ಲಿದೆ

ಇದನ್ನೂ ಓದಿ: ಜಾರು ಬಂಡಿ ಆಟ ಆಡಲು ಕೋತಿಗಳಲ್ಲಿ ಪೈಪೋಟಿ, ವೈರಲ್‌ ಆಯ್ತು ದೃಶ್ಯ

ಈ ವಿಡಿಯೋ ಎರಡು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಈ ದೃಶ್ಯ ನೋಡಿ ಖುಷಿಯಾಯ್ತು ಎಂದಿದ್ದಾರೆ. ಇನ್ನೊಬ್ಬರು, ಈ ಮರಿಗಳು ತನ್ನ ತಾಯಿಯೇ ಆಹಾರ ನೀಡುತ್ತಿದೆ ಎಂದು ಭಾವಿಸಿರಬಹುದು ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಈ ಸಣ್ಣ ಕೆಲಸದಲ್ಲಿ ಇರುವ ಖುಷಿ ಬೇರೆಲ್ಲೂ ಸಿಗಲ್ಲ ಎಂದು ಕಾಮೆಂಟ್ ಮಾಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ