Video: ಮತ್ತೆ ಮಗುವಾಯ್ತು ಮನಸ್ಸು; ಪಾರ್ಕ್‌ನಲ್ಲಿ ಜಾರುಬಂಡಿ ಆಟ ಆಡಿದ ವೃದ್ಧೆ

ವಯಸ್ಸು ಕೆಲವೇ ದೇಹಕ್ಕಷ್ಟೇ, ಮನಸ್ಸಿಗಲ್ಲ ಎಂಬುದನ್ನು ನಿರೂಪಿಸುವಂತಿದೆ ಈ ದೃಶ್ಯ. ಇದೀಗ ವೃದ್ಧೆಯೊಬ್ಬರು (Elderly woman) ಪಾರ್ಕ್ ನಲ್ಲಿ ಮಕ್ಕಳಿದ್ದಾರೆ. ಹೌದು, ಪಾರ್ಕ್ ನಲ್ಲಿ ಜಾರುಬಂಡಿ ನೋಡುತ್ತಿದ್ದಂತೆ ಆಟ ಆಡಿದ್ದಾರೆ. ವೃದ್ಧೆಯೊಬ್ಬರು ಸೀರೆಯುಟ್ಟು ಚಿಕ್ಕ ಮಕ್ಕಳಂತೆ ಜಾರು ಬಂಡಿಯ ಮೇಲಿಂದ ಜಾರುತ್ತಾ ನಗುವ ದೃಶ್ಯವು ನೆಟ್ಟಿಗರ ಮನಗೆದ್ದಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಬಾಲ್ಯದ ದಿನಗಳು ಕಣ್ಣ ಮುಂದೆ ಬಂದವು ಎಂದು ಪ್ರತಿಕ್ರಿಯಿಸಿದ್ದಾರೆ.

ಪಾರ್ಕ್‌ನಲ್ಲಿ ವೃದ್ಧೆಯ ಜಾರುಬಂಡಿಯಾಟ

ನಾಯಕ್ (Nayak) ಹೆಸರಿನ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ ವೃದ್ಧೆಯೊಬ್ಬರಿಗೆ ಪಾರ್ಕ್ ನಲ್ಲಿ ಜಾರುಬಂಡಿ ನೋಡುತ್ತಿದ್ದಂತೆ ಆಟ ಆಡಲು ಮನಸ್ಸಾಗಿದೆ. ಸೀರೆಯುಟ್ಟ ವೃದ್ಧೆಯೊಬ್ಬರು ಜಾರುಬಂಡಿಯಾಟ ಆಡುತ್ತಿದ್ದಾರೆ. ವೃದ್ಧೆಯ ಪತಿ ಕೈಯಲ್ಲಿ ಪತ್ನಿಯ ಬ್ಯಾಗ್ ಹಿಡಿದು ತಮ್ಮ ಮೊಬೈಲ್ ಕ್ಯಾಮೆರಾದಲ್ಲಿ ಈ ದೃಶ್ಯವನ್ನು ಸೆರೆ ಹಿಡಿಯುತ್ತಿರುವುದನ್ನು ಕಾಣಬಹುದು.

ವೈರಲ್ ವಿಡಿಯೋ ಇಲ್ಲಿದೆ

ಇದನ್ನೂ ಓದಿ: ಸ್ಟ್ರೀಟ್ ಫುಡ್ ಪ್ರಿಯೆ ಈ ವೃದ್ಧೆ; ಬಾಯಿ ಚಪ್ಪರಿಸಿಕೊಂಡು ಪಾನಿಪುರಿ ಸವಿದ ಅಜ್ಜಿ

ಈ ವಿಡಿಯೋ ಇದುವರೆಗೆ ಒಂದೂವರೆ ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಇವತ್ತು ನೋಡಿದ ಅದ್ಭುತ ವಿಷಯ ಎಂದಿದ್ದಾರೆ. ಇನ್ನೊಬ್ಬರು, ವಯಸ್ಸು ಕೇವಲ ಸಂಖ್ಯೆಯಷ್ಟೇ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಆಕೆಗೆ ಸದಾ ಬೆಂಬಲ ನೀಡುವ ವ್ಯಕ್ತಿ ಕೈ ಚೀಲವನ್ನು ಹಿಡಿದುಕೊಂಡು, ಆ ಸುಂದರ ದೃಶ್ಯವನ್ನು ಸೆರೆ ಹಿಡಿಯುವುದನ್ನು ಗಮನಿಸಿದ್ದೀರಾ ಎಂದು ಕಾಮೆಂಟ್ ಮಾಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ