ವರ್ಕೌಟ್ ವೇಳೆಯೂ ಮುತ್ತನಿಟ್ಟುಕೊಂಡ ಜೋಡಿ; ವಿಡಿಯೋ ವೈರಲ್
ಇನ್ಸ್ಟಾಗ್ರಾಮ್ನಲ್ಲಿ ಜೋಡಿಯೊಂದು ವರ್ಕೌಟ್ ಮಾಡುವ ವೇಳೆ ಚುಂಬಿಸಿಕೊಳ್ಳುವ ವಿಡಿಯೋವೊಂದು ವೈರಲ್ ಆಗಿದೆ. ವಿಡಿಯೋ ನೋಡಿ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಹೃದಯ ಸ್ಪರ್ಶಿ ವಿಡಿಯೋವೊಂದು ವೈರಲ್ ಆಗಿದೆ. ಇನ್ಸ್ಟಾಗ್ರಾಮ್ (Instagram) ನಲ್ಲಿ ಜೋಡಿಯೊಂದು ವರ್ಕೌಟ್ ಮಾಡುವ ವೇಳೆ ಚುಂಬಿಸಿಕೊಳ್ಳುವ ವಿಡಿಯೋವೊಂದು ವೈರಲ್ ಆಗಿದೆ. ವಿಡಿಯೋ ನೋಡಿ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೋ ವೈರಲ್ (Viral Video) ಆಗಿದೆ. ಗುಡ್ ನ್ಯೂಸ್ ಮೂಮೆಂಟ್ (Good News Movement) ಎನ್ನುವ ಇನ್ಸ್ಟಾಗ್ರಾಮ್ ಖಾತೆ ವಿಡಿಯೋವನ್ನು ಹಂಚಿಕೊಂಡಿದೆ. ಸದ್ಯ ವಿಡಿಯೋ ನೆಟ್ಟಿಗರ ಗಮನ ಸೆಳೆದಿದ್ದು 1.4 ಮಿಲಿಯನ್ಗೂ ಹೆಚ್ಚು ವೀಕ್ಷಣೆ ಪಡೆದಿದೆ.
ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ಮೇಲೆ ನಿಂತು ಪುಶ್ಅಪ್ಸ್ ಮಾಡುತ್ತಿರುತ್ತಾನೆ. ಕೆಳಗೆ ನೇತಾಡುತ್ತ ಪುಶ್ಅಪ್ಸ್ ಮಾಡುವ ಮಹಿಳೆ ಮೇಲೆ ಹೋಗಿ ಪತಿಗೆ ಮುತ್ತನಿಕ್ಕುತ್ತಾಳೆ. ವರ್ಕೌಟ್ ಮಾಡುವ ವೇಳೆಯಲ್ಲಿಯೂ ಅವರ ನಡುವಿನ ಬಾಂದವ್ಯ ಮತ್ತು ಪ್ರೀತಿಯನ್ನು ಕಂಡು ರಸ್ತೆಯಲ್ಲಿ ಹೋಗುವವರೂ ಕೂಡ ತಿರುಗಿ ನೋಡಿಕೊಂಡು ಹೋಗುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಅದೇ ವಿಡಿಯೋದಲ್ಲಿ ಪಕ್ಕಕ್ಕೆ ವ್ಯಕ್ತಿಯೊಬ್ಬ ನಿಂತು ಜೋಡಿಯ ವರ್ಕೌಟ್ ನ್ನು ಚಿತ್ರೀಕರಣ ಮಾಡುವುದನ್ನು ಕಾಣಬಹುದು. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋ ಸಖತ್ ಶೇರ್ ಆಗಿದೆ. ಯಂಗ್ ಕಪಲ್ನ ಪ್ರೀತಿಯ ವರ್ಕೌಟ್ಗೆ ನೋಡುಗರು ಫಿದಾ ಆಗಿದ್ದಾರೆ.
ಕೆಲವು ದಿನಗಳ ಹಿಂದೆ ಜೋಡಿಯೊಂದು ಮದುವೆಯಲ್ಲಿ ನೃತ್ಯ ಮಾಡಲು ಹೋಗಿ ಆಯತಪ್ಪಿ ಬಿದ್ದ ವಿಡಿಯೋ ವೈರ್ ಆಗಿತ್ತು. ಪ್ರೀತಿ ಎಷ್ಟೇ ಇದ್ದರೂ ಸಂಗಾಥಿಯನ್ನು ಎತ್ತುವ ಶಕ್ತಿ ಇರಬೇಕು ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದರು. ಇದೀಗ ವರ್ಕೌಟ್ ವೇಳೆಯಲ್ಲಿಯೂ ಪ್ರೀತಿಯಿಂದ ಇರುವ ಜೋಡಿ ನೋಡಿ ಸಾಮಾಜಿಕ ಜಾಲತಾಣ ಬಳಕೆದಾರರು ಮೆಚ್ಚಿಕೊಂಡಿದ್ದಾರೆ.
ಇದನ್ನೂ ಓದಿ: