ವಧು ಮದುವೆಗೂ ಮುನ್ನ 30 ದಿನಗಳವರೆಗೆ ಒಂದು ಗಂಟೆ ಅಳಬೇಕು, ಇದು ಇಲ್ಲಿನ ವಿಚಿತ್ರ ಪದ್ಧತಿ

ಪ್ರಪಂಚದ ವಿವಿಧ ಭಾಗಗಳಲ್ಲಿ ಮದುವೆಗೆ ಸಂಬಂಧಿಸಿದ ವಿವಿಧ ಸಂಪ್ರದಾಯಗಳಿವೆ . ಕೆಲವು ಪದ್ಧತಿಗಳು ಮತ್ತು ಸಂಪ್ರದಾಯಗಳು ತುಂಬಾ ವಿಚಿತ್ರವಾಗಿದ್ದು ಅವುಗಳ ಬಗ್ಗೆ ಕೇಳಿದಾಗ ಒಂದು ಶಾಕ್​ ಆಗುವುದಂತೂ ಖಂಡಿತಾ. ಚೀನಾದ ತುಜಿಯಾ ಸಮುದಾಯದಲ್ಲಿ ಮದುವೆಗೂ ಮುನ್ನ ಇದೇ ರೀತಿಯ ವಿಚಿತ್ರ ಸಂಪ್ರದಾಯವನ್ನು ಅನುಸರಿಸಲಾಗುತ್ತದೆ, ಇದನ್ನು “ಕ್ರೈಯಿಂಗ್ ವೆಡ್ಡಿಂಗ್ ಕಸ್ಟಮ್” ಎಂದು ಕರೆಯಲಾಗುತ್ತದೆ. ಈ ಸಂಪ್ರದಾಯದಲ್ಲಿ, ಮದುವೆಯ ಮೊದಲು 30 ದಿನಗಳವರೆಗೆ ಪ್ರತಿದಿನ ಒಂದು ಗಂಟೆ ವಧು ಅಳುತ್ತಲೇ ಇರಬೇಕಯ. ಈ ಸಂಪ್ರದಾಯವು ತುಜಿಯಾ ಸಮಾಜದ ಸಂಸ್ಕೃತಿಯ ವಿಶೇಷ ಭಾಗವಾಗಿದೆ.

ವಧು ಒಂದು ತಿಂಗಳ ಕಾಲ ಏಕೆ ಅಳಬೇಕು ?

ತುಜಿಯಾ ಸಮುದಾಯವು ಚೀನಾದ ನೈಋತ್ಯ ಪ್ರದೇಶಗಳಲ್ಲಿ ಹುಬೈ , ಹುನಾನ್ ಮತ್ತು ಗೈಝೌ ಪ್ರಾಂತ್ಯಗಳನ್ನು ಒಳಗೊಂಡಿದೆ . ಸಮುದಾಯವು ವಿಶಿಷ್ಟವಾದ ಮದುವೆಯ ಶೈಲಿಗಳನ್ನು ಒಳಗೊಂಡಂತೆ ಅದರ ವಿಭಿನ್ನ ಸಾಂಸ್ಕೃತಿಕ ಸಂಪ್ರದಾಯಗಳು ಮತ್ತು ಪದ್ಧತಿಗಳಿಗೆ ಹೆಸರುವಾಸಿಯಾಗಿದೆ . ತುಜಿಯಾ ಜನರು ತಮ್ಮ ಸಾಂಸ್ಕೃತಿಕ ಗುರುತಿನ ಬಗ್ಗೆ ಬಹಳ ಹೆಮ್ಮೆಪಡುತ್ತಾರೆ ಮತ್ತು ಪ್ರತಿ ಕಾರ್ಯದಲ್ಲಿ ಸಾಂಪ್ರದಾಯಿಕ ಆಚರಣೆಗಳನ್ನು ಅನುಸರಿಸುತ್ತಾರೆ. ಅವರ ವಿವಾಹಗಳು ಇತರ ಸಮುದಾಯಗಳಿಗಿಂತ ಭಿನ್ನವಾಗಿವೆ . ಇವುಗಳಲ್ಲಿ ಅತ್ಯಂತ ಆಸಕ್ತಿದಾಯಕ ಸಂಪ್ರದಾಯವೆಂದರೆ ” ಅಳುವುದು ಸಂಪ್ರದಾಯ “, ಇದು ವಧು ಭಾವನಾತ್ಮಕವಾಗಿ ಮತ್ತು ಮಾನಸಿಕವಾಗಿ ತಯಾರಾಗಲು ಒಂದು ಮಾರ್ಗವೆಂದು ಪರಿಗಣಿಸಲಾಗಿದೆ.

ಇದನ್ನೂ ಓದಿ: ಗ್ರಾಮಸ್ಥರ ಮುಂದೆಯೇ ಮಹಿಳಾ ಪೊಲೀಸ್ ಅಧಿಕಾರಿಗೆ ಕೆನ್ನೆಗೆ ಬಾರಿಸಿದ ಯುವಕ

ಈ ಸಂಪ್ರದಾಯವು ಸಾಮಾನ್ಯವಾಗಿ ಮದುವೆಗೆ 30 ದಿನಗಳ ಮೊದಲು ಪ್ರಾರಂಭವಾಗುತ್ತದೆ . ವಧುವಿನ ಕುಟುಂಬದಲ್ಲಿ ಈ ಸಂಪ್ರದಾಯವನ್ನು ಅನುಸರಿಸಲಾಗುತ್ತದೆ . ಈ ಸಮಯದಲ್ಲಿ ಪ್ರತಿದಿನ ವಧು ಒಂದು ಗಂಟೆ ಅಳಬೇಕು. ಆದಾಗ್ಯೂ, ಮೊದಲ ದಿನ, ವಧು ಒಬ್ಬಂಟಿಯಾಗಿ ಅಳುವುದಿಲ್ಲ, ಆದರೆ ಅವಳ ತಾಯಿ ಮತ್ತು ಅಜ್ಜಿ ಕೂಡ ಅವಳೊಂದಿಗೆ ಅಳಬೇಕು. ಈ ಸಮಯದಲ್ಲಿ, ವಧು ತನ್ನ ತಾಯಿಯೊಂದಿಗೆ ತನ್ನ ತವರು ಮನೆ ಮತ್ತು ಕುಟುಂಬವನ್ನು ತೊರೆಯುವ ಕಷ್ಟವನ್ನು ನೆನೆಯುತ್ತಾ ಅಳುತ್ತಾಳೆ. ದಿನಗಳು ಕಳೆದಂತೆ, ವಧುವಿನ ಅಳುವ ಮಾದರಿಯು ಬದಲಾಗುತ್ತದೆ. ಆಕೆ ಮದುವೆ ಆಗಿ ತವರು ಮನೆ ತೊರೆಯುವಾಗ ನೋವಾಗ ಬಾರದೆಂದು ಈ ರೀತಿ ಮಾಡಲಾಗುತ್ತದೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ