Video: ಬೀದಿನಾಯಿಗಳ ಜತೆಗೆ ಜಾಲಿ ರೈಡ್ ಹೊರಟ ರಿಕ್ಷಾ ಚಾಲಕ
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುವ ಕೆಲ ದೃಶ್ಯಗಳು ನೆಟ್ಟಿಗರ ಹೃದಯ ಗೆಲ್ಲುತ್ತವೆ. ಇದೀಗ ಶ್ವಾನ ಪ್ರೇಮಿಯೊಬ್ಬನ ವಿಡಿಯೋ ವೈರಲ್ ಆಗಿದೆ. ಬೀದಿ ನಾಯಿಗಳಿಗೆ ರಿಕ್ಷಾ ಚಾಲಕನು ಜಾಲಿ ರೈಡ್ ಮಾಡಿಸಿದ ದೃಶ್ಯ ನೆಟ್ಟಿಗರ ಗಮನ ಸೆಳೆದಿದೆ. ಚಾಲಕನ ಪ್ರೀತಿಗೆ ಈ ಶ್ವಾನ ಕರಗಿ ಹೋಗಿ ಈ ಜಾಲಿ ರೈಡ್ನ್ನು ಸಖತ್ ಎಂಜಾಯ್ ಮಾಡಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
ಶ್ವಾನ ಪ್ರೇಮಿಗಳು (dog lover) ಬೀದಿ ನಾಯಿಗಳಿಗೆ ಆಹಾರ ಹಾಕಿ ಹಸಿವನ್ನು ನೀಗಿಸುವ ಪ್ರಯತ್ನ ಮಾಡುತ್ತಾರೆ. ಅದರ ದೆಹಲಿಯ ರಿಕ್ಷಾ ಚಾಲಕನೊಬ್ಬ ಬೀದಿ ನಾಯಿಗಳನ್ನು ತನ್ನ ರಿಕ್ಷಾ ಹತ್ತಿಸಿ ಬೀದಿ ಸುತ್ತಿಸಿದ್ದಾನೆ. ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆದ ಈ ದೃಶ್ಯ ನೋಡಿದ ನೆಟ್ಟಿಗರು ಈ ವ್ಯಕ್ತಿಗೆ ಮೂಕ ಪ್ರಾಣಿಗಳ ಮೇಲಿರುವ ಪ್ರೀತಿಗೆ ಫುಲ್ ಫಿದಾ ಆಗಿದ್ದಾರೆ.
ಬಾಡಿ ಬಿಲ್ಡರ್ ರಾಕಿ ದಾಸ್ (Bodybuilder Rocky Dass) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ ದೆಹಲಿಯ ರಿಕ್ಷಾ ಚಾಲಕನೊಬ್ಬ ಬೀದಿ ಶ್ವಾನಗಳನ್ನು ತನ್ನ ವಾಹನದಲ್ಲಿ ಕೂರಿಸಿಕೊಂಡು ಬೀದಿ ಸುತ್ತಿದ್ದಾನೆ. ಈ ಶ್ವಾನಗಳು ಕೂಡ ಆರಾಮಾಗಿ ಕುಳಿತುಕೊಂಡು ಸುತ್ತಲೂ ನೋಡುತ್ತಿರುವುದನ್ನು ಕಾಣಬಹುದು.
ವೈರಲ್ ವಿಡಿಯೋ ಇಲ್ಲಿದೆ
ಇದನ್ನೂ ಓದಿ: ದುಡಿಮೆಯಲ್ಲಿ ಆಟೋ ಡ್ರೈವರ್ಗೆ ಜತೆಯಾಗುವ ಶ್ವಾನ, ವೈರಲ್ ಆಯ್ತು ದೃಶ್ಯ
ಈ ವಿಡಿಯೋ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಈ ಪ್ರಾಣಿಗಳಿಗೆ ಈ ರಿಕ್ಷಾವಾಲನ ಮೇಲೆ ಎಷ್ಟು ನಂಬಿಕೆ ನೋಡಿ ಎಂದಿದ್ದಾರೆ. ಇನ್ನೊಬ್ಬರು, ಈ ಪ್ರಾಣಿಗಳಿಗೆ ಪ್ರೀತಿ ತೋರಿದರೆ ಜೀವನ ಪರ್ಯಂತ ಜತೆಗೆ ಇರುತ್ತವೆ ಎಂದು ಹೇಳಿದ್ದಾರೆ. ಕೆಲವರು ಹಾರ್ಟ್ ಸಿಂಬಲ್ ಕಳುಹಿಸಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ