ಬೇಷರಮ್ ರಂಗ್; ಬಾಲಿವುಡ್ಗೆ ಬರ್ತೀರಾ? ಜಪಾನಿ ಬೆಡಗಿಯನ್ನು ಕೇಳುತ್ತಿರುವ ನೆಟ್ಟಿಗರು
Besharam Rang : ಜಪಾನೀ ಜೋಡಿಯೊಂದು ಪಠಾಣ್ ಸಿನೆಮಾದ ಬೇಷರಮ್ ರಂಗ್ ಹಾಡಿಗೆ ಹೆಜ್ಜೆ ಹಾಕಿದೆ. ದೀಪಿಕಾಳನ್ನು ಅನುಕರಿಸಿದ ಈ ಯುವತಿಯನ್ನು ನೆಟ್ಮಂದಿ ಬಹುವಾಗಿ ಮೆಚ್ಚಿಕೊಂಡಿದೆ. ನೋಡಿ ವಿಡಿಯೋ.
Viral Video : ಭಾರತೀಯ ಚಿತ್ರರಂಗದಲ್ಲಿ ಯಾವುದಾದರೂ ಹೊಸ ಸಿನೆಮಾ ಗೀತೆ ಹಿಟ್ ಆಗುತ್ತಿದ್ದಂತೆ ಸೋಶಿಯಲ್ ಮೀಡಿಯಾ ಇನ್ಫ್ಲ್ಯೂಯೆನ್ಸರ್ಗಳು ಜಗತ್ತಿನ ಯಾವ ಮೂಲೆಯಲ್ಲಿದ್ದರೂ ಸರಿ ಛಕ್ ಎಂದು ಕಾಣಿಸಿಕೊಂಡು ಬಿಡುತ್ತಾರೆ. ಈಗಲಂತೂ ಪಠಾಣ್ (Pathaan) ಸಿನೆಮಾದ ‘ಬೇಷರಮ್ ರಂಗ್’ ನದ್ದೇ (Besharam Rang) ರೀಲ್ಹವಾ. ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋದಲ್ಲಿ ಜಪಾನೀ ಸುಂದರಿ ನರ್ತಿಸಿ ನೆಟ್ಟಿಗರ ಗಮನ ಸೆಳೆದಿದ್ದಾಳೆ.
@mayojapan ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ ಈ ವಿಡಿಯೋಗೆ ಅನೇಕರು ಫಿದಾ ಆಗಿದ್ದಾರೆ. ದೀಪಿಕಾ ಪಡುಕೋಣೆಯ (Deepika Padukone) ನೃತ್ಯದ ಪಟ್ಟುಗಳನ್ನು ಅನುಸರಿಸಿರುವ ರೀತಿ ಮನಾಕರ್ಷಕವಾಗಿದೆ. ಪಕ್ಕದಲ್ಲಿ ಬೆಂಚಿನ ಮೇಲೆ ಕುಳಿತ ಯುವಕ ಶಾರುಕ್ ಖಾನ್ನ (Shahruk Khan) ಪಾತ್ರವನ್ನು ಅನುಕರಿಸಿದ್ದಾನೆ. ಎರಡು ದಿನಗಳ ಹಿಂದೆ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈತನಕ 16,000 ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ನೂರಾರು ಜನರು ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ : ಹರ್ಯಾನ್ವಿ ಹಾಡಿಗೆ ಹೆಜ್ಜೆ ಹಾಕಿದ ಪಾಕಿಸ್ತಾನಿ ಯುವತಿಯ ವಿಡಿಯೋ ವೈರಲ್
ನೀವು ಬಹಳ ಚೆನ್ನಾಗಿ ನರ್ತಿಸಿದ್ದೀರಿ ಎಂದಿದ್ದಾರೆ ಹಲವರು. ನಿಮ್ಮ ನರ್ತಿಸಿದ ಶೈಲಿಯನ್ನು ಬಹಳ ಪ್ರೀತಿಸುತ್ತಿದ್ದೇವೆ ಎಂದಿದ್ದಾರೆ ಕೆಲವರು. ಈ ವಿಡಿಯೋ ಮಾಡಲು ನೀವು ಸಾಕಷ್ಟು ತಯಾರಿ ನಡೆಸಿದ್ದೀರಿ. ಇದರರ್ಥ ನೀವು ಮಾಡುವ ಕೆಲಸವನ್ನು ಬಹಳ ಪ್ರೀತಿಸುತ್ತೀರಿ ಎಂದರ್ಥ, ನಿಮಗೆ ಒಳ್ಳೆಯದಾಗಲಿ ಎಂದಿದ್ದಾರೆ ಮತ್ತೊಬ್ಬರು. ಬಾಲಿವುಡ್ಗೆ ಬರುತ್ತೀರಾ? ಎಂದು ಕೇಳುತ್ತಿದ್ಧಾರೆ ಅನೇಕರು.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 3:03 pm, Thu, 29 December 22