ನನಗೂ ಕುರಕುರೆ ಬೇಕು; ಅಳಿಲಿನ ಹಿಂಡು ಈತನನ್ನು ಸುತ್ತುವರಿದ ವಿಡಿಯೋ

Viral : ಕೈಯಲ್ಲಿ ತಿಂಡಿಪೊಟ್ಟಣವಿಟ್ಟುಕೊಂಡು ಒಬ್ಬರೇ ಪಾರ್ಕಿನಲ್ಲಿ ಕುಳಿತುಕೊಳ್ಳುತ್ತೀರಿ. ಪಕ್ಕದಲ್ಲಿ ಯಾರೋ ಒಬ್ಬರು ನಿಮ್ಮನ್ನು ಇಣುಕುತ್ತಾರೆ. ಆಗ ಸುಮ್ಮನೇ ನಿಮ್ಮಷ್ಟಕ್ಕೆ ನೀವು ತಿನ್ನಲು ಮನಸ್ಸಾಗುತ್ತದೆಯಾ? ಹಂಚಿತಿಂದರೇ ಸಮಾಧಾನ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಈ ವ್ಯಕ್ತಿ ಪಾರ್ಕಿನಲ್ಲಿ ಕುರಕುರೆ ಪ್ಯಾಕೆಟ್ಟಿನೊಂದಿಗೆ ಕುಳಿತಿದ್ದಾನೆ. ಒಂದು ಅಳಿಲು ಬಂದಿದೆ ಕುರಕುರೆಯನ್ನು ಕೊಟ್ಟಿದ್ದಾನೆ. ರುಚಿ ಅನ್ನಿಸಿದೆ ಮತ್ತೆ ಓಡಿ ಬಂದಿದೆ. ಸುತ್ತಲೂ ಪರಿಮಳ ಹರಡಿದೆ. ಅಲ್ಲಿರುವ ಅಳಿಲುಗಳೂ ಕುರಕುರೆಗಾಗಿ ಯುವಕನನ್ನು ಸುತ್ತುವರೆದಿವೆ.

ಈ ವಿಡಿಯೋ 10,000ಕ್ಕಿಂತಲೂ ಹೆಚ್ಚು ಜನರನ್ನು ಸೆಳೆದಿದೆ. ಅನೇಕರು ಎಂಥ ದಯಾಳು ಎಂದಿದ್ದಾರೆ ಈ ಯುವಕನಿಗೆ. ಇನ್ನೂ ಕೆಲವರು ತಾನು ಇಂಥ ಜಂಕ್​ ತಿನ್ನುವುದಲ್ಲದೆ ಪ್ರಾಣಿ ಪಕ್ಷಿಗಳಿಗೂ ಅಭ್ಯಾಸ ಮಾಡಿಸುತ್ತಿದ್ದಾನಲ್ಲ ಮನುಷ್ಯ ಎಂದು ಬೇಸರಿಸಿಕೊಂಡಿದ್ದಾರೆ. ಹೀಗೆ ಹಂಚಿ ತಿನ್ನುವ ಗುಣ ಎಲ್ಲರಿಗೂ ಇರುವುದಿಲ್ಲ, ಬಹಳ ಒಳ್ಳೆಯ ಕೆಲಸ ಮಾಡುತ್ತಿದ್ದೀರಿ ಎಂದಿದ್ದಾರೆ ಇನ್ನೂ ಒಬ್ಬರು.

ನಿಮಗೇನು ಅನ್ನಿಸುತ್ತಿದೆ ಈ ವಿಡಿಯೋ ನೋಡಿದಾಗ?

ಮತ್ತಷ್ಟು ವೈರಲ್​ ವಿಡಿಯೋ ನೋಡಲು ಕ್ಲಿಕ್ ಮಾಡಿ