Viral Video: ಶರಾರಾ ಶರಾರಾ; ‘ಹೃದಯವೇ ಕಳೆದುಹೋಗುತ್ತಿದೆ’ ಕರಗುತ್ತಿರುವ ನೆಟ್ಟಿಗರು

Sharara : 2002ರಲ್ಲಿ ತೆರೆಗೆ ಬಂದ ‘ಮೇರೆ ಯಾರ್ ಕೇ ಶಾದೀ ಹೈ’ ಸಿನೆಮಾದಲ್ಲಿ ಆಶಾ ಭೋಸ್ಲೆ ಹಾಡಿರುವ ‘ಶರಾರಾ’ ಹಾಡು ಈಗಲೂ ಕಿವಿಗೆ ಬಿದ್ದರೆ ಸಾಕು, ನಮಗರಿವಿಲ್ಲದೆ ಗುನಗುನಿಸುವುದನ್ನು ಶುರುಮಾಡುತ್ತೇವೆ. ಡ್ಯಾನ್ಸ್​ನಲ್ಲಿ ಆಸಕ್ತಿ ಇರುವವರು ನಿಂತನಿಂತಲ್ಲಿಯೇ ಹೆಜ್ಜೆ ಹಾಕತೊಡಗುತ್ತಾರೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಆನಂದೀ ಬಣ್ಣದ ಸೀರೆಯುಟ್ಟಿರುವ ಯುವತಿಯೊಬ್ಬಳು ಸ್ಟೇಜ್ ಮೇಲೆ ಈ ಹಾಡಿಗೆ ಉಲ್ಲಾಸದಿಂದ ಹೆಜ್ಜೆ ಹಾಕಿದ್ದಾರೆ.

ತೃಪ್ತಿ ಠಾಕೂರ್ ಎನ್ನುವವರು ಈ ವಿಡಿಯೋ ಅನ್ನು ಮೇ 8ಕ್ಕೆ ಹಂಚಿಕೊಂಡಿದ್ದಾರೆ. ಈತನಕ ಒಂದು ಮಿಲಿಯನ್​ಗಿಂತಲೂ ಹೆಚ್ಚು ಜನರು ಈ ವಿಡಿಯೋ ನೋಡಿದ್ದಾರೆ. ಸುಮಾರು 4 ಲಕ್ಷ ಜನರು ಇಷ್ಟಪಟ್ಟಿದ್ದಾರೆ. ಅನೇಕರು ಅನೇಕ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಈ ರೀಲ್ಸ್​ ಅನ್ನು ಮತ್ತೆ ಮತ್ತೆ ನೋಡಬೇಕೆನ್ನುವಷ್ಟು ಸುಂದರವಾಗಿದೆ ಎಂದಿದ್ಧಾರೆ  ಹಲವಾರು ಜನ.

ಇದನ್ನೂ ಓದಿ : Viral Video;ಭಾರತೀಯ ವಾಹನೋದ್ಯಮದಲ್ಲಿ ಕೆಲಸ ಮಾಡುತ್ತಿರುವುದಕ್ಕೆ ಸಿಕ್ಕ ಪ್ರತಿಫಲ’ ಆನಂದ ಮಹೀಂದ್ರಾ

ಹಿನ್ನೆಲೆಯಲ್ಲಿ ಕೇಳಿಬರುತ್ತಿರುವ ಜನರ ಹರ್ಷೋದ್ಗಾರ ಮತ್ತಷ್ಟು ಕಲಾವಿದೆಯನ್ನ ಮತ್ತಷ್ಟು ಪ್ರೋತ್ಸಾಹಿಸುವಂತಿದೆ ಎಂದು ಒಬ್ಬರು ಹೇಳಿದ್ದಾರೆ. ಆದರೆ ಒಬ್ಬರು ಮಾತ್ರ, ಆಕರ್ಷಕವಾಗಿ ನರ್ತಿಸಿದೀರಿ. ಆದರೆ ಕೊನೆಯವರೆಗೂ ರಬ್ಬರ್ ಬ್ಯಾಂಡ್​ ಕೈಯಲ್ಲೇ ಇತ್ತು ಎಂದು ಕಾಲೆಳೆದಿದ್ದಾರೆ.

ಇದನ್ನೂ ಓದಿ : Viral Video: ನಾನ್​ ಕಲಿಯುಗದ ಕ್ಯಾಟ್​, ನಾ ಪೇಳ್ವಂತೆ ನೀ ಕೇಳ್​​ ಮಾನವಾ!

ಸಿನೆಮಾದ ನಾಯಕಿಯಂತೆ ನೀವೂ ಕಪ್ಪು ಡ್ರೆಸ್​ ಅಥವಾ ಸೀರೆ ಉಟ್ಟಿದ್ದರೆ ಇನ್ನೂ ಚೆಂದ ಕಾಣುತ್ತಿದ್ದಿರಿ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಆಹಾ ನನ್ನ ಹೃದಯವೇ ಕಳೆದುಹೋಗಿದೆ ಎಂದು ಮಗದೊಬ್ಬರು ಹೇಳಿದ್ದಾರೆ. ಈ ರೀಲ್ ನೋಡುತ್ತ ನಾನು ಹಿಂದೆ ಹಿಂದೆ ಹೋಗುತ್ತಿದ್ದೇನೆ, ಆಹಾ ಎನ್ನುತ್ತಿದ್ದಾರೆ ಇನ್ನೂ ಒಬ್ಬರು. ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ