Viral Video: ನಾನ್ ಕಲಿಯುಗದ ಕ್ಯಾಟ್, ನಾ ಪೇಳ್ವಂತೆ ನೀ ಕೇಳ್ ಮಾನವಾ!
Cat : ಸಾಕಿದವನಿಗೇ ಆಟವಾಡಿಸುತ್ತಿರುವ ಬೆಕ್ಕು! ನಾಳೆ ಇವು ಜಗತ್ತನ್ನೇ ಆಳುವಲ್ಲಿ ಸಂಶಯವಿಲ್ಲ ಎಂದು ಕೆಲವರು. ಇದು ಬೆಕ್ಕಿನ ವಿಕಾಸದ ಮೊದಲ ತಳಿ ಇರಬೇಕು ಎಂದು ಹಲವರು. ನೀವೇನಂತೀರಿ? ನೋಡಿ ವಿಡಿಯೋದಲ್ಲಿ ಇದರ ಗತ್ತು.
Updated on:May 20, 2023 | 10:42 AM
Viral Video: ಮಕ್ಕಳಿಗೆ ಕೊಡಿಸುವಂತ ದುಬಾರಿ ಆಟಿಕೆಗಳನ್ನೇನೂ ಕೊಡಿಸಬೇಕಿಲ್ಲ ಬೆಕ್ಕುಗಳಿಗೆ. ಒಂದು ಪೇಪರ್ ತುಂಡು, ಪ್ಲಾಸ್ಟಿಕ್, ಹಗ್ಗದ ತುಂಡು, ನೆಗ್ಗಿನುಗ್ಗಾಗಿರೋ ಸಣ್ಣ ಚೆಂಡು ಅಥವಾ ಒಣ ಎಲೆ, ಟೊಂಗೆ ಹೀಗೆ ಏನೂ ಆದೀತು. ಎಷ್ಟೋ ಹೊತ್ತು ತನ್ಮಯತೆಯಿಂದ ಆಟದಲ್ಲಿ ಮುಳುಗುತ್ತದೆ. ನೀವು ಆಟವಾಡಿಸಿದರಂತೂ ಅದರ ಹುರುಪು ದುಪ್ಪಟ್ಟಾಗುತ್ತದೆ. ಆದರೆ ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಸಾಕಿದವನನ್ನೇ ಇದು ಆಟವಾಡಿಸುತ್ತಿದೆ!
ಈ ವಿಡಿಯೋ ನೋಡಿದ ನೆಟ್ಟಿಗರು ಬಹಳ ಉತ್ಸಾಹದಿಂದ ಪ್ರತಿಕ್ರಿಯಿಸಿದ್ದಾರೆ. ಮುಂದೊಂದು ದಿನ ಈ ಬೆಕ್ಕುಗಳು ಇಡೀ ಜಗತ್ತನ್ನೇ ತಮ್ಮ ಪ್ರಾಬಲ್ಯಕ್ಕೆ ತೆಗೆದುಕೊಳ್ಳುತ್ತವೆ! ಎಂಬ ಹಾಸ್ಯೋಕ್ತಿಯನ್ನು ಉಲ್ಲೇಖಿಸಿದ್ದಾರೆ. ಅರೆ ಇಲ್ಲಿ ಬೆಕ್ಕು ಯಾರು ಹಾಗಿದ್ದರೆ ಎಂದು ಮತ್ತೊಬ್ಬರು ಕೇಳಿದ್ದಾರೆ. ನಿಮ್ಮ ಬೆಕ್ಕು ನಿಮಗೆ ಹೀಗೇ ಆಟವಾಡಿಸುತ್ತದೆಯಾ ದಿನವೂ ಎಂದು ಮಗದೊಬ್ಬರು ಕೇಳಿದ್ದಾರೆ.
ಇದನ್ನೂ ಓದಿ : Viral Video: ಡೇರ್ಡೆವಿಲ್ ಮುಸ್ತಾಫಾ; ಆಗೋದಿದೆ ಆರಂಭವು ಆಲಿಂಗನದಲ್ಲಿ, ಒಟ್ನಲ್ಲಿ ಕ್ರಾಂತಿ ಆಗಲಿ!
ಓಹೋ ಇಲ್ಲಿರು ಇಬ್ಬರಲ್ಲಿ ಬೆಕ್ಕು ಯಾರು ಹಾಗಾದರೆ? ಎಂದಿದ್ದಾರೆ ಇನ್ನೊಬ್ಬರು. ಇದು ಬೆಕ್ಕಿನ ಹೊಸ ವಿಕಾಸದ ಮೊದಲ ತಳಿ ಇರಬೇಕು ಎಂದಿದ್ಧಾರೆ ಮತ್ತೊಬ್ಬರು. ಇದು ಟರ್ಕಿಷ್ ಐಸ್ಕ್ರೀಮ್ ಮ್ಯಾನ್ ಎಂದಿದ್ದಾರೆ ಇನ್ನೊಬ್ಬರು. ಇದರ ಮೆದುಳನ್ನು AI ಪ್ರೋಗ್ರ್ಯಾಮಿಂಗ್ನಿಂದ ರೂಪಿಸಲ್ಪಟ್ಟಿರಬೇಕು ಎಂದಿದ್ದಾರೆ ಒಬ್ಬರು.
ಇದನ್ನೂ ಓದಿ : Viral: ಬಿಯರ್ ಬೇಕಿತ್ತೇನೋ ನಾಗಣ್ಣ; ಬಾರ್ ಮ್ಯಾನೇಜರ್ನ ಡ್ರಾಯರಿನಲ್ಲಿ ಮಲಗಿದ್ದ ಹಾವು
ಏಪ್ರಿಲ್ 25ರಂದು ಈ ವಿಡಿಯೋ ಅನ್ನು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾಗಿದೆ. ಈತನಕ ಸುಮಾರು 8 ಲಕ್ಷ ಜನರು ಈ ವಿಡಿಯೋ ನೋಡಿದ್ದಾರೆ. ಸುಮಾರು 75,000 ಜನರು ಇಷ್ಟಪಟ್ಟಿದ್ದಾರೆ. ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 10:39 am, Sat, 20 May 23
