Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

Viral Video : ಮನುಷ್ಯ-ಮನುಷ್ಯರ ನಡುವಿನ ನಂಬಿಕೆಯ ಸೇತುವೆ ಮುರಿದು ಬೀಳುತ್ತ ಹೋದಷ್ಟೂ ಹೆಚ್ಚೆಚ್ಚು ಪ್ರಾಣಿ-ಪಕ್ಷಿಗಳೊಂದಿಗೆ ಮನುಷ್ಯ ಜೀವಿಸಲು ಬಯಸುತ್ತಿದ್ದಾನೆ. ಈಗೀಗಲಂತೂ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವ ವಿಡಿಯೋ ನೋಡಿದರೆ, ತಮ್ಮ ಮಕ್ಕಳಿಗಿಂತ ಹೆಚ್ಚಾಗಿ ಮುದ್ದಿಸುವ, ಪ್ರೀತಿಸುವ, ಕಾಳಜಿ ತೆಗೆದುಕೊಳ್ಳುವ ಪೆಟ್​ ಪೇರೆಂಟ್​ಗಳು ನಮ್ಮ ನಡುವೆ ಹೆಚ್ಚಿನ ಸಂಖ್ಯೆಯಲ್ಲಿ ಹುಟ್ಟಿಕೊಳ್ಳುತ್ತಿದ್ದಾರೆ ಎಂದೆನ್ನಿಸುತ್ತಿದೆ. ವಿದೇಶಗಳಲ್ಲಿ ಅಷ್ಟೇ ಯಾಕೆ ನಮ್ಮ ದೇಶದಲ್ಲಿಯೂ ಕೆಲ ಕಾರ್ಪೊರೇಟ್ ಕಂಪೆನಿಗಳು ತಮ್ಮ ಆಫೀಸುಗಳಿಗೆ ಬೆಕ್ಕು-ನಾಯಿಗಳನ್ನು ಕರೆದೊಯ್ಯಲು ಅನುಮತಿ ಇದೆ. ಏಕೆಂದರೆ ಅವೂ ಮಕ್ಕಳಂತೆಯೆ ತಾನೆ? ಮನೆಯಲ್ಲಿದ್ದಾಗಲಂತೂ ಅವುಗಳನ್ನು ಬಿಟ್ಟಿರುವುದು ದೂರದ ಮಾತೇ ಎನ್ನುವುದಕ್ಕೆ ಸಾಕ್ಷಿ ಈ ವಿಡಿಯೋ. ಇಲ್ಲಿ ನೋಡಿ ಗಂಡಾಲ್ಫ್​ ಎಂಬ ಬೆಕ್ಕಿಗೆ ಅಡುಗೆ ಮಾಡುವುದನ್ನು ತೋರಿಸುತ್ತಿದ್ದಾರೆ. ಅದು ಅಷ್ಟೇ ಚಿತ್ತಕೊಟ್ಟು ಎಲ್ಲವನ್ನೂ ನೋಡುತ್ತಿದೆ. ಶೆಫ್​ ಇನ್​ ಟ್ರೇನಿಂಗ್​ ಎಂಬ ಶೀರ್ಷಿಕೆಯಡಿ, ಇನ್​ಡೋರ್​ ಔಟ್​ಡೋರ್​ ಕ್ಯಾಟ್​ ಎಂಬ ಟ್ವಿಟರ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ.

ಇದನ್ನೂ ಓದಿ

View this post on Instagram

A post shared by IndoorOutdoorKat (@indoor_outdoor_kat)

ಒಂದು ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಹೊಂದಿದ ಗಂಡಾಲ್ಫ್​ ಈ ವಿಡಿಯೋಗೆ 3 ಲಕ್ಷಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿ ಲೈಕ್ಸ್​ ಪಡೆದಿದೆ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ