ಫೇಸ್​ಮಾಸ್ಕ್​ ಧರಿಸುವಂತೆ ವ್ಯಾಕ್ಸಿನ್​ ವಿರೋಧಿಗಳ ವಿರುದ್ಧ ಲೈವ್​ನಲ್ಲೇ ಕಿರುಚಾಡಿದ ನ್ಯೂಸ್​ ಆ್ಯಂಕರ್​

ಜಗತ್ತಿನ ವಿವಿಧ ದೇಶಗಳಲ್ಲಿ ಕೊರೋನಾ (Corona) ಕಾಡುತ್ತಿದೆ, ಲಕ್ಷಾಂತರ ಜನ ಪ್ರಾಣ ಕಳೆದುಕೊಂಡಿದ್ದಾರೆ. ಆದರೂ ಕೆಲವರು ಮಾಸ್ಕ್​ (Mask) ಹಾಕದೇ, ವ್ಯಾಕ್ಸಿನ್​ ತೆಗೆದುಕೊಳ್ಳದೆ  ಓಡಾಡುತ್ತಿದ್ದಾರೆ. ಟಿವಿ ಕಾರ್ಯಕ್ರಮವೊಂದರಲ್ಲಿ ಆ್ಯಂಕರ್ (Anchor)​ ಒಬ್ಬರು ಪ್ಯಾನಲ್​ನಲ್ಲಿ ಚರ್ಚೆಗೆ ಕುಳಿತ ವ್ಯಾಕ್ಸಿನ್​ ವಿರೋಧಿಗಳ ಬಳಿ ಮಾಸ್ಕ್​ ಹಾಕಿಕೊಳ್ಳುವಂತೆ ಕೂಗಿದ್ದಾರೆ. ಮೆಕ್ಸಿಕೋದ ನ್ಯೂಸ್​​ ಚಾನೆಲ್ (News channel)​ನ ನೇರಪ್ರಸಾರದ ಸಮಯದಲ್ಲಿ ಕ್ಯಾಮರಾ ಎದುರು ನ್ಯೂಸ್​ ಆ್ಯಂಕರ್ ಕಿರುಚಾಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. 

ಟೈಮ್ಸ್​ ನೌ ವರದಿ ಪ್ರಕಾರ, ಮೆಕ್ಸಿಕೋದ ಟೆಲಿಡಿಯಾರಿಯೊ ಗ್ವಾಡಲಜರಾ ಚಾನೆಲ್​ನ ಲಿಯೊನಾರ್ಡೊ ಶ್ವೆಬೆಲ್ ಎನ್ನುವ ಆ್ಯಂಕರ್​ ಆ್ಯಂಟಿ ವ್ಯಾಕ್ಸರ್ಸ್​ಗಳ ಬಳಿ ನೀವು ವ್ಯಾಕ್ಸಿನ್​ ವಿರೋಧಿಗಳಾಗಿದ್ದರೆ ನೀವು ಮೂರ್ಖರು. ಮೊದಲು ಫೇಸ್​ ಮಾಸ್ಕ್​ ಹಾಕಿಕೊಳ್ಳಿ ಎಂದು ಕಿರುಚಾಡಿದ್ದಾರೆ. ಲಿಯೊನಾರ್ಡೊ ಶ್ವೆಬೆಲ್ ಈ ಹಿಂದೆ ಅವರ ಸಾಮಾಜಿಕ ಜಾಲತಾಣದಲ್ಲಿಯೂ ಕೊರೋನಾ ಹಾಗೂ ಮಾಸ್ಕ್​ ಧರಿಸುವುದರ ಕುರಿತು ಅರಿವು ಮೂಡಿಸಲು ವಿಡಿಯೋ ಮಾಡಿ ಹಂಚಿಕೊಂಡದ್ದರು. ಈ ಬಾರಿ ಅವರು  ನೇರಪ್ರಸಾರ ಕಾರ್ಯಕ್ರಮದಲ್ಲಿಯೇ ಕೂಗಾಡಿದ್ದು ವಿಡಿಯೋ ವೈರಲ್​ ಅಗಿದೆ. ವಿಡಿಯೋದಲ್ಲಿ ಅವರು ನಾನು ನನ್ನ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಈ ಕುರಿತು ಹೇಳಿದ್ದೇನೆ. ಆದರೆ ಯಾವುದೇ ಪ್ರಯೋಜನವಾಗಲಿಲ್ಲ. ಕೆಲವೊಮ್ಮೆ ಜನರನ್ನು ಮಾತು ಕೇಳಿಸಲು ಕೂಗಾಡಬೇಕು, ದಯವಿಟ್ಟು ಮಾಸ್ಕ್​ ಧರಿಸಿ ಎಂದಿದ್ದಾರೆ.

ಜಗತ್ತಿನಲ್ಲಿ ಹಲವು ದೇಶಗಳು ಲಕ್ಷಾಂತರ ಜನರನ್ನು ಮಾರಕ ರೋಗದಿಂದ ಕಳೆದುಕೊಂಡಿದೆ. ಅನೇಕ ಕೆಟ್ಟ ದಿನಗಳನ್ನು ಅನುಭವಿಸುತ್ತಿದೆ. ಎಂದ ಅವರು ಮುಂದುವರೆದು ವ್ಯಾಕ್ಸಿನ್​ ತೆಗದುಕೊಳ್ಳದೆ ರೋಗವನ್ನು ಹರಡಿ ಇನ್ನಷ್ಟು ಸಮಸ್ಯೆ ಉಂಟುಮಾಡುತ್ತಿದ್ದಾರೆ ಎಂದು ವ್ಯಾಕ್ಸಿನ್​ ವಿರೋಧಿಗಳ ವಿರುದ್ಧ ಗುಡುಗಿದ್ದಾರೆ. ಮೆಕ್ಸಿಕೋದಲ್ಲಿ  ಈವರೆಗೆ 4.39 ಮಿಲಿಯನ್​ ಜನರು ಕೊರೋನಾ ಸೋಂಕಿಗೆ ತುತ್ತಾಗಿದ್ದು, 3,01,000 ಮಂದಿ ಜೀವ ಕಳೆದುಕೊಂಡಿದ್ದಾರೆ. ದೇಶದಲ್ಲಿರುವ 149 ಮಿಲಿಯನ್​ ಜನರಲ್ಲಿ ಕೇವಲ 56 ಪ್ರತಿಶತದಷ್ಟು ಜನರು ವ್ಯಾಕ್ಸಿನ್​ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿ:

Viral Video: ಟಿವಿ ಚಾನೆಲ್​ನ ನೇರಪ್ರಸಾರದಲ್ಲಿ ವರದಿ ಮಾಡುತ್ತಿರುವಾಗ ವರದಿಗಾರ್ತಿಗೆ ಗುದ್ದಿದ ಕಾರು