Optical Illusion: ಸಸ್ಯಗಳ ನಡುವೆ ಅಡಗಿದೆ ಮುದ್ದಾದ ಬೆಕ್ಕು, ಎಲ್ಲಿದೆ ಎಂದು ನೀವು ಹೇಳಬಲ್ಲಿರಾ?

ಇಂಟರ್‌ನೆಟ್‌ನಲ್ಲಿ ಸಾಕಷ್ಟು ಆಪ್ಟಿಕಲ್‌ ಇಲ್ಯೂಷನ್‌ (Optical Illusion) ಫೋಟೋಗಳು ಹರಿದಾಡುತ್ತಿರುತ್ತವೆ. ಇಂತಹ ಫೋಟೋಗಳಲ್ಲಿ ಅಡಗಿರುವ ಒಗಟುಗಳನ್ನು ಬಿಡಿಸುವುದು ಸವಾಲಿನ ಕೆಲಸ, ಹೀಗಾಗಿ ನೀವು ಬುದ್ದಿಗೆ ಕೆಲಸ ನೀಡಬೇಕಾಗುತ್ತದೆ. ಕೆಲವೊಮ್ಮೆ ಈ ಚಿತ್ರಗಳು ನೋಡಲು ಸುಲಭವಾಗಿ ಕಂಡರೂ ಒಗಟು ಬಿಡಿಸುವುದು ಅಷ್ಟು ಸುಲಭವಲ್ಲ, ಕೆಲವರು ಹೆಚ್ಚು ಸಮಯ ತೆಗೆದುಕೊಳ್ಳುತ್ತಾರೆ, ಇನ್ನು ಕೆಲವರು ಒಗಟಿನ ಚಿತ್ರವನ್ನು ಬಿಡಿಸುವಲ್ಲಿ ಸೋಲುತ್ತಾರೆ. ಇದೀಗ ಈ ಆಪ್ಟಿಕಲ್‌ ಇಲ್ಯೂಷನ್‌ ಚಿತ್ರದಲ್ಲಿ ಸಸ್ಯಗಳ ನಡುವೆ ಅಡಗಿರುವ ಬೆಕ್ಕನ್ನು ಕಂಡು ಹಿಡಿಯಬೇಕು, ಇದು ನಿಮ್ಮಿಂದ ಸಾಧ್ಯವೇ?. ಒಮ್ಮೆ ಪ್ರಯತ್ನಿಸಿ ನೋಡಿ.

ರೆಡ್ಡಿಟ್ ಪೋಸ್ಟ್‌ನಲ್ಲಿ ಏನಿದೆ?

Keanu- Sneeze ಹೆಸರಿನ ರೆಡ್ಡಿಟ್ ಖಾತೆಯಲ್ಲಿ ಶೇರ್ ಮಾಡಲಾದ ಈ ಚಿತ್ರವು ತಲೆ ಕೆರೆದುಕೊಳ್ಳುವಂತೆ ಮಾಡಿದೆ. ಚಿತ್ರವು ಒಂದು ಸಣ್ಣ ಉದ್ಯಾನವನ ವಿದ್ದು, ಅಲ್ಲಲ್ಲಿ ಸಸ್ಯಗಳಿವೆ. ಕೆಲವು ಎಲೆಗಳು ಒಣಗಿದರೆ ಮತ್ತೆ ಕೆಲವು ಹಸಿರಾಗಿವೆ. ಕೆಳಭಾಗದಲ್ಲಿ ಹುಲ್ಲಿನಂತಹ ಸಸ್ಯಗಳು ದಟ್ಟವಾಗಿ ಬೆಳೆದಿದೆ. ಮೊದಲ ನೋಟದಲ್ಲಿ, ಹಚ್ಚ ಹಸಿರಿನ ವಾತಾವರಣವು ಮನಸ್ಸಿಗೆ ಖುಷಿ ನೀಡುತ್ತವೆ. ಆದರೆ ಈ ದೃಶ್ಯದೊಳಗೆ ಬೆಕ್ಕೊಂದು ಅಡಗಿದೆ. ತನ್ನ ಸುತ್ತಮುತ್ತಲಿನ ಪ್ರದೇಶಗಳೊಂದಿಗೆ ಜಾಣತನದಿಂದ ಈ ಬೆಕ್ಕನ್ನು ಮರೆ ಮಾಡಲಾಗಿದೆ. ಈ ಒಗಟು ಎಷ್ಟು ಕಠಿಣವಾಗಿದೆ ಎಂದರೆ ನಿಮ್ಮ ತೀಕ್ಷ್ಣವಾದ ಕಣ್ಣುಗಳಿಗೂ ಸವಾಲು ಹಾಕುತ್ತದೆ.

ವೈರಲ್‌ ಪೋಸ್ಟ್‌ ಇಲ್ಲಿದೆ ನೋಡಿ

ಬೆಕ್ಕು ನಿಮ್ಮ ಕಣ್ಣಿಗೆ ಕಾಣಿಸಿತೇ?

ಎಷ್ಟೆ ತಲೆಕೆಡಿಸಿಕೊಂಡರೂ, ಕಣ್ಣು ಅಗಲಿಸಿ ನೋಡಿದರೂ ಹಚ್ಚಹಸಿರಿನ ಸಸ್ಯಗಳ ನಡುವೆ ಅಡಗಿರುವ ಬೆಕ್ಕನ್ನು ಗುರುತಿಸಲು ಸಾಧ್ಯವಾಗಿಲ್ಲವೇ. ಇದು ನಿಮಗೆ ಮಾತ್ರವಲ್ಲ, ಅತ್ಯುತ್ತಮ ವೀಕ್ಷಣಾ ಕೌಶಲ್ಯ ಹೊಂದಿದ್ದವರಿಗೂ ಇಂತಹ ಒಗಟಿನ ಚಿತ್ರಗಳನ್ನು ಬಿಡಿಸುವುದು ಕಷ್ಟವೇ. ಹೆಚ್ಚು ತಲೆಕೆಡಿಸಿಕೊಳ್ಳದೇ ಈ ಚಿತ್ರದಲ್ಲಿ ಸೂಕ್ಷ್ಮವಾಗಿ ಗಮನಿಸಿ ಇದರಲ್ಲಿ ಅಡಗಿರುವ ಬೆಕ್ಕು ನಿಮ್ಮ ಕಾಣಿಸಿತೇ ಎಂದು ಹೇಳಿ.

ಇದನ್ನೂ ಓದಿ:Optical Illusion: ಕಪ್ಪು ಬಿಳುಪಿನ ಈ ಚಿತ್ರದಲ್ಲಿ ಅಡಗಿರುವ ಸಂಖ್ಯೆಯನ್ನು ಹೇಳಬಲ್ಲಿರಾ?

ಬಳಕೆದಾರರ ಕಾಮೆಂಟ್‌ಗಳು ಹೀಗಿವೆ

ಈ ಆಪ್ಟಿಕಲ್‌ ಇಲ್ಯೂಷನ್‌ ಚಿತ್ರ ಆಧಾರಿತ ಪೋಸ್ಟ್ ಗೆ ಬಳಕೆದಾರರು ಕಾಮೆಂಟ್ ಗಳನ್ನು ಮಾಡಿದ್ದು, ಬೆಕ್ಕನ್ನು ಕಂಡುಕೊಂಡೆ ಎಂದಿದ್ದಾರೆ. ಇನ್ನೊಬ್ಬರು, ಈ ಚಿತ್ರದ ಮಧ್ಯದಲ್ಲಿ ಅಲ್ಲ, ಸ್ವಲ್ಪ ಬಲಕ್ಕೆ ಕೆಳಭಾಗದಲ್ಲಿ ಕಪ್ಪು ಹಾಗೂ ಕಿತ್ತಳೆ ಬಣ್ಣದ ಮೈ ಚರ್ಮದ ಹೊಂದಿರುವ, ನೀಲಿ ಕಣ್ಣುಗಳು ನಿಮ್ಮನ್ನೇ ದಿಟ್ಟಿಸಿ ನೋಡುತ್ತಿವೆ ಎಂದು ಕಾಮೆಂಟ್ ಮಾಡಿ ಉತ್ತರ ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರರು, ಆ ಬೆಕ್ಕು ಕ್ಯಾಮೆರಾವನ್ನೇ ದಿಟ್ಟಿಸಿ ನೋಡುವಂತಿದೆ ಎಂದು ಹೇಳಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ