Viral: ಇದು ನನಗೆ ಅನಿವಾರ್ಯ, ಬಡ್ತಿಗಾಗಿ ವಾರದಲ್ಲಿ 20 ಗಂಟೆ ಕೆಲಸ ಮಾಡಿದ ಉದ್ಯೋಗಿ

ಕೆಲವೊಂದು ಕಂಪನಿಗಳು ದಬ್ಬಾಳಿಕೆಯ ಹೊರೆಯನ್ನು ಉದ್ಯೋಗಿಗಳಿಗೆ ಹಾಕುತ್ತದೆ. ಇದು ಕೆಲವೊಂದು ಉದ್ಯೋಗಿಗಳಿಗೆ ಅನಿವಾರ್ಯ (work-life balance) ಏಕೆಂದರೆ ಮಧ್ಯಮ ವರ್ಗದಿಂದ ಬಂದಿರುತ್ತಾರೆ, ಹಾಗಾಗಿ ಕೆಲಸದ ಅನಿವಾರ್ಯ ಇದ್ದೇ ಇರುತ್ತದೆ. ಅದಕ್ಕಾಗಿ ಕೆಲಸದಲ್ಲಿ ಯಾವುದೇ ಒತ್ತಡ, ಚಿತ್ರಹಿಂಸೆಯಾದರೂ ಅದನ್ನು ಮಾಡುತ್ತಾರೆ. ಇದೇ ರೀತಿಯ ಹಿಂಸೆಯ ಬಗ್ಗೆ  ಉದ್ಯೋಗಿಯೊಬ್ಬರು ರೆಡ್ಡಿಟ್​​​ನಲ್ಲಿ ಹಂಚಿಕೊಂಡಿದ್ದಾರೆ. ಹಿರಿಯ ಸಾಫ್ಟ್‌ವೇರ್ ಡೆವಲಪರ್ (tech lead role) ಒಬ್ಬರು ತಮ್ಮ ಕೆಲಸ ಅವಧಿಯನ್ನು ಮೀರಿ ಹೆಚ್ಚಿನ ಕೆಲಸವನ್ನು ಮಾಡಿದ್ದಾರೆ. ಅದು ಕೂಡ ಬರೋಬ್ಬರಿ ವಾರದಲ್ಲಿ 20 ಗಂಟೆಗಳ ಕಾಲ ವೇತನವಿಲ್ಲದೆ ಕೆಲಸ ಮಾಡಿದ್ದಾರೆ. ಕಂಪನಿಯ ಈ ಒತ್ತಡಕ್ಕೆ ಅವರ ಆರೋಗ್ಯದಲ್ಲೂ ಕೂಡ ಏರುಪೇರಾಗಿದೆ ಎಂದು ತಮ್ಮ ಕಷ್ಟವನ್ನು ರೆಡ್ಡಿಟ್​​​ನಲ್ಲಿ ಹಂಚಿಕೊಂಡಿದ್ದಾರೆ.

ಕೆಲಸದ ನಂತರ ಪ್ರತಿ ದಿನವೂ 3 ಗಂಟೆ ಹೆಚ್ಚು ಕೆಲಸ ಮಾಡಿದ್ದೇನೆ. ನನ್ನ ವಾರಾಂತ್ಯ ಕೆಲಸದಲ್ಲೇ ಕಳೆದು ಹೋಗಿದೆ. ಈ ಕೆಲಸಕ್ಕೆ ಯಾವುದೇ ಸಂಬಳ ಇಲ್ಲ, ಈ ಬಗ್ಗೆ ಯಾರನ್ನೂ ಪ್ರಶ್ನೆ ಮಾಡುವ ಅಧಿಕಾರ ಕೂಡ ನಮಗೆ ಇಲ್ಲ ಎಂದು ದುಃಖದಲ್ಲಿ ಹೇಳಿದ್ದಾರೆ. ಈ ಕೆಲಸವನ್ನು ಅನಿವಾರ್ಯವಾಗಿ ಮಾಡಬೇಕು ಏಕೆಂದರೆ  ನನಗೆ ಬಡ್ತಿ ಬೇಕೆಂದರೆ ಇದನ್ನು ನಾನು ಮಾಡಲೇಬೇಕು ಎಂದು ಹೇಳಿದ್ದಾರೆ. ಇನ್ನು ಹೀಗೆ ಕೆಲಸ ಮಾಡಿ ತನ್ನ ಆರೋಗ್ಯದ ಮೇಲೆಯೂ ಪರಿಣಾಮ ಬೀರಿದೆ ಎಂದು ಹೇಳಿದ್ದಾರೆ. ಎದೆಯ ಭಾರ ಮತ್ತು ಹೃದಯ ಸಮಸ್ಯೆಗಳಿಗೆ ಸಂಬಂಧಿಸಿದ ಇತರ ಲಕ್ಷಣಗಳನ್ನು ಅನುಭವಿಸುತ್ತಿದ್ದೇನೆ. ಈ ಬಗ್ಗೆ ವೈದ್ಯರ ಬಳಿ ಕೇಳಿದಾಗ ಹೆಚ್ಚಿನ ಒತ್ತಡದ ವಾತಾವರಣವನ್ನು ತಪ್ಪಿಸಲು ಸಲಹೆ ನೀಡಿದ್ದಾರೆ. ಈ ಬಗ್ಗೆ ಕಂಪನಿಗೆ ಯಾವುದೇ ಮಾಹಿತಿ ನೀಡಿಲ್ಲ. ಏಕೆಂದರೆ ಇದರ ಬಗ್ಗೆ ಅವರು ಯಾವುದೇ ಕಾಳಜಿ ತೋರಿಸಲ್ಲ, ಅವರಿಗೆ ಕೆಲಸ ಮಾತ್ರ ಮುಖ್ಯ ಎಂದು ಹೇಳಿದ್ದಾರೆ.

ವೈರಲ್​​ ಪೋಸ್ಟ್​​​ ಇಲ್ಲಿದೆ ನೋಡಿ:

I’m being forced to work 20 extra unpaid hours a week
byu/Money-Contract-8885 inIndianWorkplace

ಇದನ್ನೂ ಓದಿ

ಪ್ರಧಾನಿ ಮೋದಿ ಮಾತ್ರ ವಾರಕ್ಕೆ 100 ಗಂಟೆ ಕೆಲಸ ಮಾಡುತ್ತಾರೆ

ಮ್ಯಾನೇಜರ್‌ಗೆ​​ 15 ಬಾರಿ ಚಾಕುವಿನಿಂದ ಇರಿದು ಕೊಂದ ಮಹಿಳಾ ಉದ್ಯೋಗಿ

ಆರೋಗ್ಯ ಸಮಸ್ಯೆ ಅಂದ್ರು ವಿಚಿತ್ರ ಬೇಡಿಕೆ ಇಡ್ತಾರಂತೆ ಬಾಸ್

ಈ ಸಾಫ್ಟ್‌ವೇರ್ ಇಂಜಿನಿಯರ್​​​ನ ತಿಂಗಳ ಖರ್ಚು 4.28 ಲಕ್ಷ ರೂ.

ಇದನ್ನೂ ಓದಿ: ಪ್ರಧಾನಿ ಮೋದಿ ಮಾತ್ರ ವಾರಕ್ಕೆ 100 ಗಂಟೆ ಕೆಲಸ ಮಾಡುತ್ತಾರೆ, ನಾರಾಯಣ ಮೂರ್ತಿ ಮತ್ತೆ ಟ್ರೆಂಡ್​​​​​

ಒಂದು ವೇಳೆ ಆರೋಗ್ಯ ಸಮಸ್ಯೆಯ ಬಗ್ಗೆ ಹೇಳಿದ್ರೆ ಅವರು ನಂಬುವುದಿಲ್ಲ ಎಂದು ತಮ್ಮ ಪೋಸ್ಟ್​​​ನಲ್ಲಿ ಹೇಳಿದ್ದಾರೆ. ಇನ್ನು ಈ ಪೋಸ್ಟ್​​ ಬಗ್ಗೆ ಅನೇಕರು ಕಾಮೆಂಟ್​​ ಮಾಡಿದ್ದಾರೆ. ಕಂಪನಿಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೆಲಸದ ಸಮಯದಲ್ಲಿ ಸ್ವಯಂ-ಕಲಿಕೆಯ ಸಮಯವನ್ನು ನಿಗದಿಪಡಿಸಲು ನಿಮ್ಮ ವ್ಯವಸ್ಥಾಪಕರನ್ನು ಕೇಳಿ ಎಂದು ಒಬ್ಬ ಬಳಕೆದಾರ ಕಾಮೆಂಟ್​​ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರ ಇದು ನಮಗೂ ಕಡ್ಡಾಯವಾಗಿದೆ… ಬಿಟ್ಟುಬಿಡಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. ಇನ್ನು ಈ ಪೋಸ್ಟ್​​ನಲ್ಲಿ ಕೆಲವರು ಉದ್ಯೋಗಿಯ ಯೋಗಕ್ಷೇಮದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. ಎದೆ ನೋವು ಅಥವಾ ಉಸಿರಾಟದ ತೊಂದರೆಯನ್ನು ಎಂದಿಗೂ ನಿರ್ಲಕ್ಷಿಸಬೇಡಿ ಎಂದು ಬಳಕೆದಾರರೊಬ್ಬರು ಕಾಮೆಂಟ್​ ಮಾಡಿದ್ದಾರೆ. ಕೆಲಸ ಬಿಡುವುದು ಒಳ್ಳೆಯದು, ಇದಕ್ಕೆ ನಿಮ್ಮ ಆರೋಗ್ಯವನ್ನು ತ್ಯಾಗ ಮಾಡುವುದು ಸರಿಯಲ್ಲ ಎಂದು ಮತ್ತೊಬ್ಬ ಬಳಕೆದಾರ ಹೇಳಿದ್ದಾರೆ.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ