ಅಲೆಕ್ಸಾದಿಂದ ಬಂದ ಹಾಡಿಗೆ ಕ್ಯೂಟ್ ಸ್ಟೆಪ್ ಹಾಕಿದ ಮಗು: ವಿಡಿಯೋ ವೈರಲ್
ಇಲ್ಲೊಂದು ಪುಟ್ಟ ಮಗು ಅಲೆಕ್ಸಾ ಬಳಿ ತನ್ನಿಷ್ಟದ ಹಾಡನ್ನು ಹಾಕುವಂತೆ ಕೇಳಿದೆ. ಧ್ವನಿಯನ್ನು ಗುರುತಿಸಿದ ವರ್ಚುವಲ್ ಅಸಿಸ್ಟಂಟ್ ತಂತ್ರಜ್ಞಾನವಾದ ಅಲೆಕ್ಸಾವು ಹಾಡೊಂದು ಪ್ಲೇ ಮಾಡಿದೆ.
ತಂತ್ರಜ್ಞಾನ(Technology) ಬದಲಾದಂತೆ, ಬೆಳೆದಂತೆ ಅವುಗಳ ಉಪಯೋಗ ಕೂಡ ಹೆಚ್ಚುತ್ತಿದೆ. ಇಂದಿನ ಕಾಲದ ಎಳೆಯ ಮಕ್ಕಳೂ ಕೂಡ ತಂತ್ರಜ್ಞಾನದ ಬಳಕೆಯ ಬಗ್ಗೆ ತಿಳಿದಿರುತ್ತಾರೆ. ಹೀಗಿದ್ದಾಗ ಇಲ್ಲೊಂದು ಪುಟ್ಟ ಮಗು ಅಲೆಕ್ಸಾ (Alexa) ಬಳಿ ತನ್ನಿಷ್ಟದ ಹಾಡನ್ನು ಹಾಕುವಂತೆ ಕೇಳಿದೆ. ಧ್ವನಿಯನ್ನು ಗುರುತಿಸಿದ ವರ್ಚುವಲ್ ಅಸಿಸ್ಟಂಟ್ ತಂತ್ರಜ್ಞಾನವಾದ ಅಲೆಕ್ಸಾವು ಹಾಡೊಂದು ಪ್ಲೇ ಮಾಡಿದೆ. ಇದರಿಂದ ಸಂತಸಗೊಂಡು ಪುಟ್ಟ ಮಗು ಖುಷಿಯಿಂದ ಡ್ಯಾನ್ಸ್(Dance) ಮಾಡಿದೆ. ಇದರ ವಿಡಿಯೋ ಸಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇನ್ಸ್ಟಾಗ್ರಾಮ್ನಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದ್ದು ಪುಟ್ಟ ಮಗುವಿನ ಕ್ಯೂಟ್ ರಿಯಾಕ್ಷನ್ ನೋಡಿ ನೆಟ್ಟಿಗರು ಮನಸೋತಿದ್ದಾರೆ, ಡರ್ಟಿ ಹೆಡ್ಸ್ ಎನ್ನುವ ಇನ್ಸ್ಟಾಗ್ರಾಮ್ ಖಾತೆ ಈ ವಿಡಿಯೋವನ್ನು ಹಂಚಿಕೊಂಡಿದೆ. ವಿಡಿಯೋದಲ್ಲಿ ಪುಟ್ಟ ಮಗು Hey Alexa, play A-a-aye ಎನ್ನುವುದನ್ನು ಕೇಳಬಹುದು. ಈ ಧ್ವನಿಯನ್ನು ಗುರುತಿಸಿದ ಅಲೆಕ್ಸಾವು ವೆಕೆಷನ್ ಎನ್ನುವ ಹಾಡನ್ನು ಪ್ಲೇ ಮಾಡಿದೆ. ತಕ್ಷಣ ಮಗು ಅಚ್ಚರಿಯಿಂದ ಕಣ್ಣರಳಿಸಿ ಖುಷಿಯಿಂದ ಡ್ಯಾನ್ಸ್ ಮಾಡಿದೆ. ಪುಟ್ಟ ಮಗುವು ಡ್ಯಾನ್ಸ್ ಮಾಡುವ ವಿಡಿಯೋವನ್ನು ಮಗುವಿನ ತಾಯಿ ರೆಕಾರ್ಡ್ ಮಾಡಿದ್ದಾರೆ. ಸದ್ಯ ವಿಡಿಯೋ ಎಲ್ಲರನ್ನೂ ಸೆಳೆದಿದೆ. ಇನ್ಸ್ಟಾಗ್ರಾಮ್ನಲ್ಲಿ ವೈರಲ್ ಅದ ವಿಡಿಯೋ 2 ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದಿದೆ.
ವಿಡಿಯೋದಲ್ಲಿ ಕೇಳುವ ವೆಕೇಷನ್ ಹಾಡು ಡರ್ಟಿ ಹೆಡ್ಸ್ ಯುಟ್ಯೂಬ್ ಖಾತೆಯಲ್ಲಿ 2017ರಲ್ಲಿ ಬಿಡುಗಡೆಯಾಗಿದೆ. ಈ ಹಾಡು ಎಲ್ಲರನ್ನೂ ಸೆಳೆದು 6 ಮಿಲಿಯನ್ಗೂ ಅಧಿಕ ವೀಕ್ಷಣೆ ಪಡೆದಿತ್ತು. ಇಂದಿಗೂ ಈ ಹಾಡು ಕೇಳುಗರ ನೆಚ್ಚಿನ ಗೀತೆಯಾಗಿಯೇ ಇದೆ.
ಇದನ್ನೂ ಓದಿ:
Viral Video: ರೆಸ್ಟೋರೆಂಟ್‌ನಲ್ಲಿ ಉಡ ಪ್ರತ್ಯಕ್ಷ; ಭಯಗೊಂಡ ಮಹಿಳೆ ಉಡದಂತೆ ಕುರ್ಚಿ ಹಿಡಿದು, ಮಾಡಿದ್ದೇನು ಗೊತ್ತಾ?
Published On - 10:28 am, Fri, 11 February 22