Viral Video: ಮ್ಯಾನ್ಹೋಲ್ಗೆ ಬಿದ್ದ ಆನೆ ಮರಿಯ ರಕ್ಷಣೆ ವೇಳೆ ಉನ್ಮಾದದಿಂದ ಕುಸಿದುಬಿದ್ದ ತಾಯಿ ಆನೆ
ತನ್ನ ಮರಿ ಮ್ಯಾನ್ಹೋಲ್ಗೆ ಬಿದ್ದಾಗ ತಾಯಿ ಆನೆ ಉನ್ಮಾದಗೊಂಡು ಕುಸಿದು ಬಿದ್ದಿದೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ತಾಯಿಯ ಸಂಬಂಧವೇ ಹಾಗೆ, ಮಗುವಿಗೆ ಏನಾದರೂ ಆದರೆ ಅಳುತ್ತಾಳೆ, ಚೀರುತ್ತಾಳೆ ಅಥವಾ ಮೂರ್ಛೆ ಹೋಗುತ್ತಾಳೆ. ಇಂತಹ ಘಟನೆಗಳು ಮನುಷ್ಯರಲ್ಲಿ ಮಾತ್ರವಲ್ಲ, ಪ್ರಾಣಿಗಳಲ್ಲೂ ನಡೆಯುತ್ತದೆ. ಇದಕ್ಕೆ ಸಾಕ್ಷಿ ಥಾಯ್ಲೆಂಡ್ನ ಆನೆ. ತನ್ನ ಮರಿ ಮ್ಯಾನ್ಹೋಲ್ಗೆ ಬಿದ್ದಾಗ ತಾಯಿ ಆನೆ (Elephant) ಉನ್ಮಾದಗೊಂಡು ಕುಸಿದು ಬಿದ್ದಿದೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್ (video viral) ಆಗುತ್ತಿದೆ.
ಅದರಂತೆ ರಕ್ಷಣಾ ತಂಡವು ಕ್ರೇನ್ ಸಹಾಯದಿಂದ ದೊಡ್ಡ ಆನೆಯನ್ನು ಮ್ಯಾನ್ಹೋಲ್ನಿಂದ ಎತ್ತಿದರು. ಅರವಳಿಕೆ ನೀಡಿದ್ದರಿಂದಾಗಿ ಪ್ರಜ್ಞೆ ತಪ್ಪಿದ್ದ ದೊಡ್ಡ ಆನೆಗೆ ಸಿಪಿಆರ್ ಮಾಡಿ ಮತಿಬರಿಸುವ ಪ್ರಯತ್ನದ ನಡುವೆ ಮ್ಯಾನ್ಹೋಲ್ನಲ್ಲಿದ್ದ 1 ವರ್ಷದ ಆನೆ ಮರಿ ಮೇಲೆ ಬರಲು ದಾರಿ ಮಾಡಿಕೊಡಲಾಯಿತು. ಆ ಮೂಲಕ ಆನೆಮರಿ ಮೇಲ್ಬಂದು ತಾಯಿಯ ಬಳಿ ಹೋಯಿತು. ಮತಿ ಬಂದ ನಂತರ ತಾಯಿಯು ತನ್ನ ಮರಿಯೊಂದಿಗೆ ಕಾಡಿಗೆ ನಡೆದುಕೊಂಡು ಹೋಗಿದೆ.
ಇದರ ವಿಡಿಯೋ ಕ್ಲಿಪ್ ಅನ್ನು ಆನ್‌ಲೈನ್‌ನಲ್ಲಿ ಹಂಚಿಕೊಂಡ ನಂತರ 1.5 ಲಕ್ಷ ವೀಕ್ಷಣೆಗಳನ್ನು ಗಳಿಸಿದ್ದು, 60ಸಾವಿರಕ್ಕೂ ಹೆಚ್ಚು ಲೈಕ್ಗಳು ಬಂದಿವೆ. ರಕ್ಷಣಾ ತಂಡ ಕೈಗೊಂಡ ತ್ವರಿತ ಕ್ರಮವನ್ನು ನೆಟಿಜನ್‌ಗಳು ಶ್ಲಾಘಿಸಿ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ನೆಟ್ಟಿಗರೊಬ್ಬರು, “ಅದ್ಭುತ! ಆ ಜನರು ನಿಜವಾದ ಹೀರೋಗಳು” ಎಂದು ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರರು ಆನೆ ರಕ್ಷಕರನ್ನು ಹೀರೋಗಳು ಎಂದು ಕರೆದಿದ್ದಾರೆ.
Published On - 5:52 pm, Fri, 15 July 22