Viral Video: ಲಂಡನ್​ನ ಬೀದಿಯಲ್ಲಿ ‘ಕಲ್​ ಹೋ ನಾ ಹೋ’ ವೈರಲ್

Viral Video :  ಲಂಡನ್, ಟೋಕ್ಯೋ, ನ್ಯೂಯಾರ್ಕ್​ ಹೀಗೆ ಜಗತ್ತಿನ ಅನೇಕ ರಾಷ್ಟ್ರಗಳ ಮೂಲೆಮೂಲೆಯಲ್ಲಿಯೂ ಭಾರತೀಯರು ವಾಸಿಸುತ್ತಿದ್ದಾರೆ. ಎಲ್ಲೆಡೆಯಾದರೂ ಭಾರತೀಯ ಸಿನೆಮಾ ಹಾಡು ಕಿವಿಗೆ ಬಿದ್ದರೆ ಭಾವಪರವಶರಾಗಿಬಿಡುತ್ತಾರೆ. ಈಗಿಲ್ಲಿ ಲಂಡನ್​ನ ಬೀದಿಯಲ್ಲಿ ವಿಶ್​ ಎಂಬ ಗಾಯಕ ಶಾಹರುಖ್ ಖಾನ್​ ಅಭಿನಯದ ಸೋನು ನಿಗಮ್ ಹಾಡಿರುವ ‘ಕಲ್ ಹೋ ನಾ ಹೋ’ ಹಾಡನ್ನು ಭಾವತುಂಬಿ ಹಾಡಿದ್ದಾನೆ. ದಾರಿಹೋಕರು ಇವನ ಹಾಡನ್ನು ಕೇಳುತ್ತ ನಿಂತಿದ್ದಾರೆ. ಕಂಟೆಂಟ್ ಕ್ರಿಯೇಟರ್ ಮತ್ತು ಗಾಯಕ ವಿಶ್ ತಮ್ಮ ಇನ್​​ಸ್ಟಾಗ್ರಾಂ ಖಾತೆಯಲ್ಲಿ ವಿಡಿಯೋ ಅಪ್​ಲೋಡ್ ಮಾಡಿದ್ದಾರೆ. ಸುಮಾರು 3.8 ಮಿಲಿಯನ್ ವೀಕ್ಷಣೆ, 4 ಲಕ್ಷ ಲೈಕ್ಸ್, 377 ಪ್ರತಿಕ್ರಿಯೆಗಳನ್ನು ಹೊಂದಿದೆ.

ಸೋನು ನಿಗಮ್​ ಅವರ ಈ ಐಕಾನಿಕ್​ ಹಾಡು ಸಾಕಷ್ಟು ವಿದೇಶಿಯರನ್ನೂ ಮೋಡಿ ಮಾಡಿದೆ. ದೇಶವಿದೇಶಗಳಲ್ಲಿರುವ ಅವರ ಅಭಿಮಾನಿಗಳು ಈ ಹಾಡು ಕೇಳಿದ ತಕ್ಷಣ ಪರವಶರಾಗಿಬಿಡುತ್ತಾರೆ. ಬಹಳ ಚೆಂದದ ಹಾಡು ಎಂದು ಕೆಲವರು ಪ್ರತಿಕ್ರಿಯಿಸಿದ್ದಾರೆ. ಇನ್ನೂ ಹಲವರು ನಿಮ್ಮ ಧ್ವನಿ ನಿಜವಾಗಿಯೂ ಅದ್ಭುತ ಎಂದಿದ್ದಾರೆ.

ಇನ್ನಷ್ಟು ಟ್ರೆಂಡಿಂಗ್ ಸುದ್ದಿಗಾಗಿ ಕ್ಲಿಕ್ ಮಾಡಿ