Viral Video: ಪ್ರೀತಿಯ ನಾಯಿಗಾಗಿ ಹೆಬ್ಬಾವಿನೊಂದಿಗೆ ಸೆಣಸಾಡುತ್ತಿರುವ ಈ ಹುಡುಗರು

Python Video : ಹೆಬ್ಬಾವೊಂದು ನಾಯಿಯನ್ನು ಸುತ್ತುಹಾಕಿಕೊಂಡಿದೆ. ಮೂವರು ಹುಡುಗರು ಆ ಹೆಬ್ಬಾವನ್ನು ಎಳೆದೆಳೆದು ತಮ್ಮ ಮುದ್ದಿನ ನಾಯಿಯ್ನ ರಕ್ಷಿಸಲು ನೋಡುತ್ತಿದ್ದಾರೆ. ವಿಡಿಯೋ ನೋಡಿ ಮುಂದೇನಾಗುತ್ತದೆ ಎಂದು.

ಹೆಬ್ಬಾವಿನಿಂದ ನಾಯಿಯನ್ನು ಬಿಡಿಸುತ್ತಿರುವುದು

TV9 Web | Updated By: ಶ್ರೀದೇವಿ ಕಳಸದ
Updated on:Aug 07, 2022 | 1:07 PM

Viral : ತಮ್ಮ ಸಾಕುಪ್ರಾಣಿಗಳಿಗಾಗಿ ತಮ್ಮ ಜೀವದ ಹಂಗನ್ನೇ ತೊರೆದು ಬದುಕಿದ ಬದುಕುತ್ತಿರುವ ಉದಾಹರಣೆಗಳು ನಮ್ಮ ಮುಂದಿವೆ. ಅದರಲ್ಲೂ ನಾಯಿಯ ವಾತ್ಸಲ್ಯಕ್ಕೆ ಎಣೆಯೇ ಇಲ್ಲ. ಇಲ್ಲಿ ಮೂರು ಹುಡುಗರು ತಾವು ಸಾಕಿದ ನಾಯಿಗಾಗಿ ಹೇಗೆ ತಮ್ಮ ಪ್ರಾಣವನ್ನೇ ಒತ್ತೆ ಇಟ್ಟಿದ್ಧಾರೆ ನೋಡಿ. ಆನ್ಲೈನ್ನಲ್ಲಿ ವೈರಲ್ ಆಗಿರುವ ಈ ವಿಡಿಯೋ ಕ್ಲಿಪ್ನಲ್ಲಿ ಹೆಬ್ಬಾವೊಂದು ನಾಯಿಯನ್ನು ಸುತ್ತಿಕೊಂಡಿದೆ. ಯಾರಾದರೂ ಆಗಿದ್ದರೆ ಭಯದಿಂದ ದೂರ ಓಡಿಹೋಗುತ್ತಿದ್ದರು. ಆದರೆ ಈ ಮಕ್ಕಳಿಗೆ ಯಾವ ಭಯವೂ ಆವರಿಸದೆ, ತಮ್ಮ ನಾಯಿಯನ್ನು ಉಳಿಸಿಕೊಳ್ಳಬೇಕೆಂಬ ಒಂದೇ ಒಂದು ಗುರಿಯಿಂದ ಈ ಸಾಹಸಕ್ಕೆ ಇಳಿದಿದ್ದಾರೆ. ಇದು ಎಲ್ಲಿ ನಡೆದಿದೆ ಎಂದು ತಿಳಿದುಬಂದಿಲ್ಲ. ಆದರೆ ಈ ಹೆಬ್ಬಾವಿನೊಂದಿಗೆ ಹೋರಾಟ ನಡೆಸಿ ನಾಯಿಯನ್ನು ಉಳಿಸಿಕೊಂಡಿರುವುದು ಎಂಥ ಪ್ರೀತಿ ಇರಬಹುದು? ಪ್ರೀತಿ ಇದ್ದಲ್ಲಿ ಧೈರ್ಯ, ಹೋರಾಟ ಇದ್ದೇ ಇರುತ್ತದೆ ಎನ್ನುವುದಕ್ಕೆ ಈ ಘಟನೆಯೇ ಸಾಕ್ಷಿ.

ನಾಯಿಯ ಹಿಂಭಾಗವನ್ನು ಪೂರ್ತಿಯಾಗಿ ಸುತ್ತಿಕೊಂಡಿರುವ ಈ ದೈತ್ಯಹೆಬ್ಬಾವನ್ನು ಕೋಲಿನಿಂದ ತಿವಿಯುವುದಲ್ಲದೇ ಹಗ್ಗವನ್ನು ಎಳೆದಂತೆ ಎಳೆದೆಳೆದು ಬಿಡಿಸಿಕೊಂಡಷ್ಟೂ ಅದು ಮತ್ತೂ ಸುತ್ತಿಕೊಳ್ಳುತ್ತಲೇ ಹೋಗಿದೆ. ಅಂತೂ ಯಶಸ್ವಿಯಾಗಿ ನಾಯಿಯನ್ನು ಹೆಬ್ಬಾವಿನಿಂದ ಕಾಪಾಡಿದ್ದಾರೆ ಈ ಹುಡುಗರು. ಯಾರಿಗೂ ಇದರಲ್ಲಿ ಅನಾಹುತವಾಗಿಲ್ಲವೆನ್ನುವುದೇ ಅದೃಷ್ಟ.

ಇದನ್ನೂ ಓದಿ