Viral Video: ವಾಹನ ಅಡ್ಡಗಟ್ಟಿ ನರ್ತಿಸಿದ ಈ ಬ್ಯಾಲೆ ನರ್ತಕಿಯರು

Ducks Surround Car : ಸೋಮವಾರ ಆಫೀಸಿಗೆ ಬರುವುದರಷ್ಟು ಕಷ್ಟದ ಕೆಲಸ ಬಹುಶಃ ಬದುಕಿನಲ್ಲಿ ಮತ್ತೊಂದಿಲ್ಲ ಎನ್ನಿಸಿಬಿಡುತ್ತದೆ ಒಮ್ಮೊಮ್ಮೆ. ಏಕೆಂದರೆ ಮಹಾನಗರದ ಸಂಚಾರ ವ್ಯವಸ್ಥೆಯನ್ನು ಟ್ರಾಫಿಕ್​ ಎಂಬ ಭೂತ ಅಲ್ಲೋಕಲ್ಲೋಲ ಮಾಡಿಬಿಟ್ಟಿರುತ್ತದೆ. ಹಳ್ಳಿಗಳಲ್ಲಾದರೆ ಕುರಿಹಿಂಡು ಬಂತೋ, ಹಸುಗಳು ಅಡ್ಡಗಟ್ಟಿದವೋ ಎನ್ನಬಹುದು. ಕಾಡಲ್ಲಾದರೆ ಆನೆಗಳು ಅಡ್ಡಗಟ್ಟಿದ್ದವೋ ಹುಲಿಗಳು ತಡೆದಿದ್ದವೋ ಎನ್ನಬಹುದು. ಆದರೆ ಅಂಥ ಯಾವುದೇ ವಾತಾವರಣವಿಲ್ಲದೆಯೂ ಈ ವಿಡಿಯೋದಲ್ಲಿರುವ ವಾಹನಗಳು ರಸ್ತೆಮಧ್ಯೆ ನಿಂತಿದ್ದು ಯಾಕೆ?  ಕಾರಣ ಕೇಳಿದರೆ ಚೂರು ನಗು ಬರಬಹುದು. ಆದರೆ ಇದು ಅಪರೂಪದ ವಾಸ್ತವದೃಶ್ಯ! ಈ ವಿಡಿಯೋ ಅನ್ನು 65,000 ವೋಟ್ ಮಾಡಿ ಮೆಚ್ಚುಗೆ ಸೂಚಿಸಿದ್ದಾರೆ.

14 ಸೆಕೆಂಡಿನ ಈ ವಿಡಿಯೋದಲ್ಲಿ ಈ ನೂರಾರು ಬಾತುಕೋಳಿಗಳು MPV ವಾಹನಗಳನ್ನು ಅಡ್ಡಗಟ್ಟಿವೆ! ಅಡ್ಡಗಟ್ಟಿವೆ ಎಂದು ಹೇಳಲು ಮನಸ್ಸು ಬಾರದು. ನುರಿತ ಬ್ಯಾಲೆ ನೃತ್ಯಗಾರ್ತಿಯರಂತೆ ಲಯಬದ್ಧವಾಗಿ ಈ ಹಿಂಡು ಸಾಗುವುದನ್ನು ನೋಡಿದಾಗ ಎಂಥ ಕಲಾತ್ಮಕ ದೃಶ್ಯವಿದು! ಎನ್ನಿಸದೇ ಇರದು. ಪ್ರಾಣಿ ಪಕ್ಷಿಗಳಿಗೂ ಮಾನವನ ಸಾಂಗತ್ಯ ತುಸುಹೊತ್ತಾದರೂ ಬೇಕೆನ್ನುವುದು ಸಹಜ ಅಲ್ಲವೆ? ಯಾವ ಗುಂಗಿನಲ್ಲಿ ಈ ಸವಾರಿಗರು ಹೊರಟಿದ್ದರೋ ಈ ದೃಶ್ಯ ನೋಡಿ ಅವರ ಮನಸ್ಸು ಅರಳಿರಲು ಸಾಕು.

ಮತ್ತಷ್ಟು ಇಂಥ ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ