ವಧುವಿನ ಮುಖಕ್ಕೆ ವರ ಕೇಕ್​ ಬಳಿದ ರೀತಿಗೆ ನೆಟ್ಟಿಗರ ಕೋಪ ನೆತ್ತಿಗೆ

Viral Video : ತಮಾಷೆಯಲ್ಲಿಯೂ ನವಿರಾದ ಸ್ಪರ್ಷವಿರುತ್ತದೆ. ಅದರಲ್ಲೂ ಬದುಕುಪೂರ್ತಿ ಒಟ್ಟಿಗೆ ಬದುಕುತ್ತೇವೆ ಎಂದು ಪ್ರಮಾಣ ಮಾಡಿದ ನವದಂಪತಿಗಳ ಮಧ್ಯೆ ಕೇಳಬೇಕೆ? ಇದು ಇನ್ನೂ ಹೆಚ್ಚು ಸೂಕ್ಷ್ಮತನದಿಂದ ಕೂಡಿರುತ್ತದೆ. ಆದರೆ ಇದೀಗ ವೈರಲ್​ ಆಗುತ್ತಿರುವ ಈ ವಿಡಿಯೋ ನೋಡುತ್ತಿದ್ದರೆ ನಿಮಗೆ ಜಾಸ್ತಿಯೇ ಕಿರಿಕಿರಿಯಾಗುವುದುಂಟು. ಮದುವೆ ದಿನ ವರ, ವಧುವಿಗೆ ಹೀಗೆ ಆಕ್ರಮಣಕಾರಿಯಾಗಿ ಕೇಕ್​ ಅನ್ನು ಮುಖಕ್ಕೆ ಬಳಿದಿದ್ದಾನೆ. ಟಿಕ್​ ಟಾಕ್​ನಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಿದಾಗ ಟಿಕ್​ಟಾಕ್​ ಇದಕ್ಕೆ ರೆಡ್​ ಫ್ಲ್ಯಾಗ್​ ತೋರಿಸಿದೆ.

ನಂತರ ವಧುವರರು ಇದೆಲ್ಲ ಮೋಜಿಗಾಗಿ ಮಾಡಿದ್ದು ಎಂದು ಹೇಳಿದ್ದಾರೆ. ​ಆದರೂ ಇದೀಗ ಈ ಪೋಸ್ಟ್​ಗೆ ಸಂಬಂಧಿಸಿದ ಕಮೆಂಟ್ ಸೆಕ್ಷನ್ ಅನ್ನು ನಿಷ್ಕ್ರೀಯಗೊಳಿಸಲಾಗಿದೆ. ಅನೇಕರು ಅನೇಕ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಸಾಕಷ್ಟು ಜನರಿಗೆ ಇದು ತಮಾಷೆ ಎನ್ನಿಸಿಲ್ಲ.

ಇಂಥ ಗಂಡ ನನಗೇನಾದರೂ ಸಿಕ್ಕಿದ್ದರೆ ನಾನು ಈಗಿಂದೀಗಲೇ ವಿಚ್ಛೇದನ ಪಡೆಯುತ್ತಿದ್ದೆ ಎಂದಿದ್ದಾರೆ ಒಬ್ಬರು. ವಧುವಿನ ಮೇಕಪ್​ಗೆ ಎಷ್ಟೊಂದು ಖರ್ಚು ಮಾಡಲಾಗುತ್ತದೆ. ಆದರೆ ವರ ಹೀಗೆಲ್ಲ ಮಾಡಿದ್ದು ಅನ್ಯಾಯ ಎಂದಿದ್ದಾರೆ ಇನ್ನೊಬ್ಬರು. ಇದು ವಧುವಿಗೆ ವಿಶೇಷವಾದ ದಿನ, ರಾಜಕುಮಾರಿಯಂತೆ ಆಕೆ ಅಲಂಕರಿಸಿಕೊಳ್ಳುತ್ತಾಳೆ, ಮೇಕಪ್​ ಮಾಡಿಕೊಳ್ಳುತ್ತಾಳೆ. ಆದರೆ… ಎಂದು ಮಗದೊಬ್ಬರು ರಾಗವೆಳೆದಿದ್ದಾರೆ. ಇದು ಬಹಳ ಆಕ್ರಮಣಕಾರಿ ಎನ್ನಿಸುತ್ತಿದೆ. ನನ್ನ ತಂದೆ ಇದನ್ನು ನೋಡಿದ್ದರೆ ಖಂಡಿತ ಇವನನ್ನು ಹೊಡೆದೇ ಬಿಡುತ್ತಿದ್ದರು ಎಂದು ಇನ್ನೂ ಒಬ್ಬರು ಹೇಳಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ