Viral Video: ರಾಷ್ಟ್ರಗೀತೆ ಸಾಲನ್ನೇ ಮರೆತ ಸಂಸದ; ಜಯಹೇ ಎಂದು ಹಾಡಿ ಮುಗಿಸಿದ ವಿಡಿಯೋ ವೈರಲ್

ಮೊರಾದಾಬಾದ್: ಭಾನುವಾರ ನಡೆದ ಸ್ವಾತಂತ್ರ್ಯ ದಿನಾಚರಣೆಯಲ್ಲಿ (Independence Day) ಧ್ವಜಾರೋಹಣದ ಬಳಿಕ ರಾಷ್ಟ್ರಗೀತೆ ಹಾಡುತ್ತಿರುವಾಗ ಸಾಲುಗಳನ್ನು ಮರೆತ ಸಮಾಜವಾದಿ ಪಕ್ಷದ ಸಂಸದ ಎಸ್​.ಟಿ. ಹಸನ್ ಕೆಲವು ಸಾಲುಗಳನ್ನು ಹಾರಿಸಿ ಸೀದಾ ಜಯಹೇ ಜಯಹೇ ಎಂದು ಹಾಡಿ ಮುಗಿಸಿದ ವಿಡಿಯೋ ಭಾರೀ ವೈರಲ್ ಆಗಿದೆ. 75ನೇ ಸ್ವಾತಂತ್ರ್ಯೋತ್ಸವದ ವೇಳೆ ಧ್ವಜಾರೋಹಣ ಮಾಡಿದ ಸಂಸದ ಎಸ್​.ಟಿ. ಹಸನ್ ರಾಷ್ಟ್ರಗೀತೆಯನ್ನು (National Anthem) ಮರೆತಿದ್ದಾರೆ. ಅವರ ಜೊತೆಗಿದ್ದವರು ಕೂಡ ಜನಗಣಮನ ಗೀತೆಯ ಸಾಲುಗಳನ್ನು ಮರೆತು ಕೊನೆ ಸಾಲಾದ ಜಯಹೇ ಜಯಹೇ ಹಾಡಿ ಮುಗಿಸಿದ್ದಾರೆ.

ರಾಷ್ಟ್ರಗೀತೆಯ ಮೊದಲಿನ ಕೆಲವು ಸಾಲುಗಳನ್ನು ಹಾಡಿದ ನಂತರ ತಡವರಿಸಿ ಸೀದಾ ಕೊನೆಯ ಸಾಲನ್ನು ಹಾಡಿದ ಸಂಸದ ಹಸನ್ ಅವರು ಹಲವರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ. ರಾಷ್ಟ್ರಗೀತೆಯನ್ನು ಕೂಡ ನೆನಪಿನಲ್ಲಿ ಇಟ್ಟುಕೊಳ್ಳದವರು ಎಂತಹ ಜನಪ್ರತಿನಿಧಿ? ಎಂದು ಸಾಕಷ್ಟು ನೆಟ್ಟಿಗರು ಟೀಕಿಸಿದ್ದಾರೆ.

ಈ ವಿಡಿಯೋವನ್ನು ಬಿಜೆಪಿ ನಾಯಕ ಸಂಬಿತ್ ಪಾತ್ರಾ ಟ್ವೀಟ್ ಮಾಡಿಕೊಂಡಿದ್ದು, ಸಮಾಜವಾದಿ ಪಾರ್ಟಿ ಸಂಸದ ಹಾಗೂ ಕಾರ್ಯಕರ್ತರನ್ನು ಗೇಲಿ ಮಾಡಿದ್ದಾರೆ. ‘ತಾವು ಮಾಡಿದ ತಪ್ಪನ್ನು ಮುಚ್ಚಿಹಾಕಲು ಸೀದಾ ಜಯಹೇ ಜಯಹೇ ಹಾಡಿದರೆ ಯಾರಿಗೂ ಗೊತ್ತಾಗುವುದಿಲ್ಲ ಎಂದುಕೊಂಡಿದ್ದರು. ಆದರೆ, ನಿಮಗೆ ರಾಷ್ಟ್ರಗೀತೆ ಬರುವುದಿಲ್ಲ ಎಂದ ಮಾತ್ರಕ್ಕೆ ಬೇರೆಯವರಿಗೂ ಬರುವುದಿಲ್ಲ ಎಂದು ಅರ್ಥವಲ್ಲ, ನೀವು ಮಾಡಿದ ತಪ್ಪು ಎಲ್ಲರಿಗೂ ಗೊತ್ತಾಗಿದೆ. ವಾಹ್ ಸಮಾಜವಾದಿಗಳೇ ವಾಹ್!’ ಎಂದು ಸಂಬಿತ್ ಪಾತ್ರಾ ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: Viral Video: ಸೀರೆಯುಟ್ಟು ಸ್ಟಂಟ್ ಮಾಡಿದ ಯುವತಿ ವಿಡಿಯೋ ವೈರಲ್; ಒಲಿಂಪಿಕ್ಸ್​ನಲ್ಲಿ ಸ್ಪರ್ಧಿಸಿ ಎಂದ ನೆಟ್ಟಿಗರು

Shocking Video: ಅಡ್ಡ ಹಾಕಿದ ಪೊಲೀಸನ್ನೇ ರಸ್ತೆಯಲ್ಲಿ ಎಳೆದುಕೊಂಡು ಹೋದ ಕಾರು ಚಾಲಕ; ಶಾಕಿಂಗ್ ವಿಡಿಯೋ ವೈರಲ್

(Viral Video Samajwadi Party MP Forgets National Anthem Quickly Moves on to Jai Hai on Independence Day)