Viral Video: ನಡುರಸ್ತೆಯಲ್ಲಿ ಯುವತಿಯ ಡ್ಯಾನ್ಸ್​; ಮೈಚಳಿ ಬಿಟ್ಟು ಕುಣಿಯಲು ಧೈರ್ಯ ಬೇಕು ಎಂದ ನೆಟ್ಟಿಗರು

Dance: ಡ್ಯಾನ್ಸ್​ ಮಾಡಲು ಆತ್ಮವಿಶ್ವಾಸ ಬೇಕು. ಅದರಲ್ಲೂ ಎಲ್ಲರೆದುರು ಮಾಡಲು ಹೆಚ್ಚು ಆತ್ಮವಿಶ್ವಾಸ ಬೇಕು. ಇದ್ದಕ್ಕಿದ್ದಂತೆ ರಸ್ತೆಯಲ್ಲಿ ಮಾಡಲಂತೂ ಸಾಕಷ್ಟು ಆತ್ಮವಿಶ್ವಾಸ ಬೇಕು. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿದ ನೆಟ್ಟಿಗರು, ಈ ಯುವತಿಯಲ್ಲಿರುವ ಶೇ. 1 ರಷ್ಟು  ಆತ್ಮವಿಶ್ವಾಸವಾದರೂ ನಮಗೆ ಬೇಕು ಎನ್ನುತ್ತಿದ್ದಾರೆ. ಶಾರುಖ್​ ಖಾನ್​ ಮತ್ತು ಅನುಷ್ಕಾ ಶರ್ಮಾ ಅಭಿನಯದ ಝೀರೋ ಸಿನೆಮಾದ ‘ಮೇರೆ ನಾಮ್​ ತೂ’ ಹಾಡಿಗೆ ಈ ಯುವತಿ ಹೀಗೆ ಮನದುಂಬಿ ನಡುರಸ್ತೆಯಲ್ಲಿ ಡ್ಯಾನ್ಸ್ ಮಾಡಿದ್ದಾಳೆ. ಇದು ಮಾಂತ್ರಿಕ ನೃತ್ಯ ಎಂದಿದ್ದಾರೆ ಕೆಲವರು. ಇನ್ನಾದರೂ ನಿಮ್ಮಷ್ಟು ಧೈರ್ಯ ನಾವೂ ಮಾಡಬೇಕು ಎಂದಿದ್ದಾರೆ ಇನ್ನೂ ಕೆಲವರು.

ಇದನ್ನೂ ಓದಿ : Viral Video: ಬಸ್​ ಸೀಟ್​ನಲ್ಲಿದ್ದ ದೂಳು ಕಂಡು ನೆಟ್ಟಿಗರು ದಿಗ್ಭ್ರಾಂತ

ಇಶಾ ಶರ್ಮಾ ಎಂಬ ನೃತ್ಯಕಲಾವಿದೆ ತನ್ನ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋ ಪೋಸ್ಟ್​ ಮಾಡಿದ್ದಾಳೆ.  ಈತನಕ 4.5 ಮಿಲಿಯನ್​ ಜನರು ಈ ವಿಡಿಯೋ ನೋಡಿದ್ದಾರೆ. 7.4 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ರಸ್ತೆಯಲ್ಲಿ ಈಕೆ ತನ್ನಷ್ಟಕ್ಕೆ ತಾನು ಡ್ಯಾನ್ಸ್ ಮಾಡಲು ಶುರು ಮಾಡುತ್ತಿದ್ದಂತೆ ಅಲ್ಲಿರುವ ನೋಡುಗರು ತಮ್ಮ ಮೊಬೈಲ್​ನಲ್ಲಿ ಈ ದೃಶ್ಯವನ್ನು ಸೆರೆ ಹಿಡಿಯುವುದನ್ನು ಕೂಡ ಈ ವಿಡಿಯೋದಲ್ಲಿ ನೋಡಬಹುದಾಗಿದೆ.

ಇಶಾ ಶರ್ಮಾ ನೃತ್ಯ

ಜನಸಂದಣಿಯ ನಡುವೆ ಮಾಂತ್ರಿಕತೆ ಸೃಷ್ಟಿಸಬೇಕೆಂದರೆ ಕಲಾವಿದರು ಹೀಗೆ ಹೊರಬರಬೇಕು, ಅಬ್ಬಾ ಈ ವಿಡಿಯೋ ಅನ್ನು ಅದೆಷ್ಟು ಜನ ಇಷ್ಟಪಟ್ಟಿದ್ದಾರೆ! ಎಂದಿದ್ದಾರೆ ಒಬ್ಬರು. ಹೀಗೆ ರಸ್ತೆಯಲ್ಲಿದ್ದಾಗ ಯಾರೋ ಒಬ್ಬರು ಅಚಾನಕ್ಕಾಗಿ ಛಂದದ ನೃತ್ಯವನ್ನು ಮಾಡಿದಾಗ ನೋಡುಗರ ಮೈಯಲ್ಲಿ ಉಂಟಾಗುವ ಸಂಚಲನವಿದೆಯಲ್ಲಾ… ಆಹ್​ ಎಂದಿದ್ದಾರೆ ಮತ್ತೊಬ್ಬರು. ನಿಮ್ಮನ್ನು ನಾವು ಬಹಳ ಪ್ರೀತಿಸುತ್ತಿದ್ದೇವೆ, ಈ ಉತ್ಸಾಹ ನಿಮ್ಮಲ್ಲಿ ಹೀಗೆಯೇ ಇರಲಿ ಎಂದಿದ್ದಾರೆ ಇನ್ನೊಬ್ಬರು.

ಇದನ್ನೂ ಓದಿ : Viral Video: ಗೂಢಚಾರರಿದ್ದಾರೆ ಎಚ್ಚರಿಕೆ! ಮಹಿಳೆಯರಷ್ಟೇ ಇಂಥ ತಂತ್ರಗಳಲ್ಲಿ ಬುದ್ಧಿವಂತರೇ?

ನನಗೂ ಈ ಗ ರಸ್ತೆಯಲ್ಲಿ ಹೋಗಿ ಕುಣಿಯಬೇಕು ಎನ್ನಿಸುತ್ತಿದೆ, ಆದರೆ ನಿಮ್ಮಷ್ಟು ಚೆನ್ನಾಗಿ ನೃತ್ಯ ಮಾಡಲು ನನಗೆ ಬರುವುದಿಲ್ಲ ಎಂದಿದ್ದಾರೆ ಕೆಲವರು. ನಿಮಗೆ ಎಷ್ಟೇ ವಯಸ್ಸಾದರೂ ನೀವು ಹೀಗೆಯೇ ಕುಣಿಯುತ್ತ ಇರ್ರಿ ಎಂದಿದ್ದಾರೆ ಅನೇಕರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ