Viral Video: ಬಸ್ ಸೀಟ್ನಲ್ಲಿದ್ದ ದೂಳು ಕಂಡು ನೆಟ್ಟಿಗರು ದಿಗ್ಭ್ರಾಂತ
Bus: ನಿಮ್ಮ ಮನೆಯ ಬೆಡ್, ಸೋಫಾವನ್ನು ಆಗಾಗ ಶುಚಿಗೊಳಿಸುತ್ತೀರಿ. ಆಗ ಏಳುವ ಅಥವಾ ಸಂಗ್ರಹವಾಗುವ ದೂಳಿನ ಅಂದಾಜು ನಿಮಗೆ ಸಿಕ್ಕಿರುತ್ತದೆ. ಇನ್ನು ದಿನವೂ ರಸ್ತೆಗಳಲ್ಲಿ ಓಡಾಡುವ ಬಸ್ಸುಗಳ ಸೀಟಿನಲ್ಲಿ ಯಾವ ಪ್ರಮಾಣದ ದೂಳು ಅಡಗಿರುತ್ತದೆ ಎನ್ನುವ ಅಂದಾಜು ನಿಮಗಿದೆಯೇ? ಇಲ್ಲವಾದರೆ ಈ ವಿಡಿಯೋ ನೋಡಿ. ನೆಟ್ಟಿಗರಂತೆ ನೀವೂ ಭಯಬೀಳಬೇಡಿ!
Dust: ದೂಳು ಸುಲಭವಾಗಿ ಕಾಣುವುದಿಲ್ಲ. ಅಡಗಿರುವ ಜಾಗವನ್ನು ಒಮ್ಮೆ ಖೊಡವಿಯೋ, ಕುಟ್ಟಿಯೋ, ಬಡಿದೋ ನೋಡಿದರೆ ಅದರ ಮಹಾಸ್ವರೂಪ ಪ್ರಕಟವಾಗುತ್ತದೆ. ಇದೀಗ ವೈರಲ್ (Viral) ಆಗಿರುವ ಈ ವಿಡಿಯೋ ನೋಡಿ. ಬಸ್ಸೊಂದರ ಸೀಟ್ ಅನ್ನು ಕುಟ್ಟಿದಾಗ ಹೊಮ್ಮಿದ ದೂಳಿನ ಪ್ರಮಾಣ ಯಾರನ್ನೂ ಅಸಹ್ಯಗೊಳಿಸುವಂತಿದೆ. ಇನ್ಸ್ಟಾಗ್ರಾಂನಲ್ಲಿರುವ ಈ ವಿಡಿಯೋ ನೋಡಿದ ನೆಟ್ಮಂದಿ ಗಾಬರಿಗೆ ಒಳಗಾಗಿದ್ದಾರೆ. ಈ ಪ್ರಮಾಣದ ದೂಳು ನಮ್ಮ ದೇಹ ಸೇರುತ್ತದೆಯಾ? ಎಂದು ಭಯಭೀತರೂ ಆಗಿದ್ದಾರೆ. ಸಾಮಾನ್ಯವಾಗಿ ಬಸ್ಸಿನ ಸೀಟ್ಗಳನ್ನು ಬಟ್ಟೆಯಿಂದ ಮಾಡಲಾಗುತ್ತದೆ. ಆಗ ರಸ್ತೆಯ ದೂಳು ಅಡರುವುದು ಸಹಜ. ಆದರೆ ಇಷ್ಟೊಂದು ಪ್ರಮಾಣದಲ್ಲಿ ದೂಳು ಅಡರಿರುತ್ತದೆಯಾ? ಎನ್ನುವುದು ಗೋಚರವಾಗುವುದು ಕೋಲು ತೆಗೆದುಕೊಂಡು ಹೊಡೆದಾಗಲೇ! ಇಲ್ಲವೇ ವ್ಯಾಕ್ಯೂಮ್ ಕ್ಲೀನರ್ನಿಂದ
ಇದನ್ನೂ ಓದಿ : Viral Video: ಸಮುದ್ರ ಶುಚಿಗೊಳಿಸುವಿಕೆ; ಈ ಕಸವನ್ನೆಲ್ಲ ಇನ್ನೆಲ್ಲಿ ಹಾಕುತ್ತಾರೆ ಎಂದ ನೆಟ್ಟಿಗರು
ಇನ್ಸ್ಟಾಗ್ರಾಂನ @_likealeaf ಖಾತೆಯಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈತನಕ ಈ ವಿಡಿಯೋ ಅನ್ನು 21 ಮಿಲಿಯನ್ಗಿಂತಲೂ ಹೆಚ್ಚು ಜನ ನೋಡಿದ್ದಾರೆ. ಒಂದು ಮಿಲಿಯನ್ಗಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಇದು ನಿಜಕ್ಕೂ ಭಯಾನಕವಾಗಿದೆ, ಇಂತ ಸೀಟಿಗಾಗಿ ನಾವು ನಿತ್ಯವೂ ಹೋರಾಡುತ್ತೇವೆ ಎಂದಿದ್ದಾರೆ ಕೆಲವರು.
ಬಸ್ಸಿನ ಸೀಟಿನಲ್ಲಿರುವ ದೂಳು
View this post on Instagram
ಕೇವಲ ಐದು ನಿಮಿಷಗಳ ಪ್ರಯಾಣ ಮಾಡಿದರೂ ಸರಿ, ಬಸ್ನಿಂದ ಇಳಿದ ಮೇಲೆ ಸ್ನಾನ ಮಾಡಲೇಬೇಕು ಎಂದು ನನಗೆ ಅನ್ನಿಸುತ್ತಿದೆ ಎಂದಿದ್ದಾರೆ ಒಬ್ಬರು. ನಾನು ಬಸ್ಸಿನಿಂದ ಇಳಿದ ಮೇಲೆ ಬಟ್ಟೆಗಳನ್ನು ನೀರಿನಲ್ಲಿ ನೆನೆಸಿ ಇಡುತ್ತೇನೆ ಎಂದಿದ್ದಾರೆ ಇನ್ನೊಬ್ಬರು. ನನ್ನ ಇಡೀ ಜೀವನವನ್ನು ಸಾರ್ವಜನಿಕ ಸಾರಿಗೆಯಲ್ಲಿಯೇ ಕಳೆದಿದ್ದೇನೆ, ಹಾಗಿದ್ದರೆ ಎಷ್ಟು ದೂಳು ನನ್ನ ದೇಹ ಸೇರಿರಬಹುದು ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral Video: ಗೂಢಚಾರರಿದ್ದಾರೆ ಎಚ್ಚರಿಕೆ! ಮಹಿಳೆಯರಷ್ಟೇ ಇಂಥ ತಂತ್ರಗಳಲ್ಲಿ ಬುದ್ಧಿವಂತರೇ?
ಬಸ್ ಆಥವಾ ರೈಲಿನಲ್ಲಿ ಪ್ರಯಾಣಿಸಿದ ಮೇಲೆ ಪ್ಯಾಂಟ್ ಶರ್ಟ್ ಅನ್ನು ತೊಳೆಯಲೇಬೇಕು ಎಂದಿದ್ದಾರೆ ಒಬ್ಬರು. ಬಸ್ಗಳನ್ನು ವಾರಕ್ಕೊಮ್ಮೆ ತೊಳೆಯುವುದು ಇದೇ ಕಾರಣಕ್ಕೆ ಎಂದಿದ್ದಾರೆ ಮತ್ತೊಬ್ಬರು. ಅಂತೂ ಬಸ್ಸಿನಲ್ಲಿ ಪ್ರಯಾಣಿಸಬೇಕೆಂದರೆ ನಾನು ಇನ್ನು ಯೋಚಿಸಬೇಕಾಯಿತು ಎಂದಿದ್ದಾರೆ ಕೆಲವೊಂದಿಷ್ಟು ಜನ.
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:51 am, Fri, 13 October 23
