ನೀವು ಮೀಟಿಂಗ್ ನಾನು ಈಟಿಂಗ್; ಇಲಿಯೊಂದು ಕೇಕ್​ ತಿನ್ನುತ್ತಿರುವ ವಿಡಿಯೋ ವೈರಲ್

Viral Video : ಮೀಟಿಂಗ್​ ಎಂದಮೇಲೆ ಇಂತಿಂಥವರು ಮಾತ್ರ ಹಾಜರಿರಬೇಕು ಎಂಬ ನಿಯಮವಿರುತ್ತದೆ. ಆದರೆ ಇಲ್ಲೊಬ್ಬರು ಆಹ್ವಾನವಿಲ್ಲದಿದ್ದರೂ ಮೀಟಿಂಗ್​ ಹಾಲ್​ನಲ್ಲಿ ಬಂದು ಕುಳಿತಿದ್ದಾರೆ. ಅದು ಮೀಟಿಂಗ್​ನಲ್ಲಿ ಮುಳುಗಿದವರಿಗೆ ಅರಿವಿಲ್ಲ. ಆದರೆ ಆಹ್ವಾನವಿಲ್ಲದೇ ಇಲ್ಲಿಗೆ ಬಂದವರು ಮಾತ್ರ ನಿರಾತಂಕವಾಗಿ ಪ್ಲೇನ್ ಕೇಕ್​ ಮೆಲ್ಲುತ್ತ ಕುಳಿತಿದ್ದಾರೆ. ಇದು ಕ್ಯಾಮೆರಾ ಕಣ್ಣಿಗೆ ಬಿದ್ದು ಸಾಮಾಜಿಕ ಜಾಲತಾಣಕ್ಕೆ ವಿಡಿಯೋ ಅಪ್​ಲೋಡ್ ಆಗುತ್ತಿದ್ದಂತೆ  ವೈರಲ್ ಆಗಿದೆ.

ಡಾ. ಆರಿಫ್ ಖ್ವಾಜಾ ಎಂಬ ಟ್ವಿಟರ್ ಖಾತೆದಾರರು ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಇವರ ಬಯೋ ಹೇಳುವಂತೆ ಆರೀಫ್​ ಖ್ವಾಜಾ ಜಮ್ಮು-ಕಾಶ್ಮೀರದಲ್ಲಿರುವ ದಂತ ಶಸ್ತ್ರಚಿಕಿತ್ಸಕರು. 26 ಸೆಕೆಂಡುಗಳ ಈ ಕ್ಲಿಪ್​ನಲ್ಲಿ ಇಲ್ಲಿರುವ ಜನ ಗಂಭೀರವಾದ ಚರ್ಚೆಯಲ್ಲಿ ತೊಡಗಿದ್ದಾರೆ. ಆದರೆ ಮೂಷಿಕರಾಯರು ಮಾತ್ರ ಕೇಕ್​ನಲ್ಲಿ ಮುಳುಗಿದ್ದಾರೆ. 50,000 ಕ್ಕೂ ಹೆಚ್ಚು ಜನ ಈ ವಿಡಿಯೋ ನೋಡಿದ್ಧಾರೆ.

ಇಲಿಯನ್ನು ತಿನ್ನಲು ಆಹ್ವಾನಿಸಿದ್ದಾರೆ ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ಬಹುಶಃ ಇದು ಪಾಕಿಸ್ತಾನದಿಂದ ಬಂದ ಇಲಿ ಆಗಿರಬೇಕು ಎಂದಿದ್ದಾರೆ ಒಬ್ಬರು. ಇಲಿಯೂ ಸಮಾನವಾಗಿ ಈ ಮೀಟಿಂಗ್​​ನಲ್ಲಿ ಭಾಗಿಯಾಗಿದೆ ಎಂದಿದ್ದಾರೆ ಮತ್ತೊಬ್ಬರು. ಅಂತೂ ಮೀಟಿಂಗ್​ಗೆ ಬಂದ ಇಲಿ ಈಟಿಂಗೂ ಮಾಡಿದೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ