Viral Video: ಆಸ್ಟ್ರೇಲಿಯಾ; ದೈತ್ಯ ಹಾವುಗಳ ರಕ್ಷಣೆ, ಎಂಥ ಪ್ರಶಾಂತತೆ ಈಕೆಯ ಮೊಗದಲ್ಲಿ

Australia: ಹಾವುಗಳೆಂದರೆ ಬಹುಪಾಲು ಜನರಿಗೆ ಭಯವೇ. ಕೆಲವೇ ಕೆಲವರು ಮಾತ್ರ ನಿರ್ಭೀತಿಯಿಂದ ಅವುಗಳನ್ನು ಸಮೀಪಿಸುತ್ತಾರೆ. ಇದೀಗ ವೈರಲ್ (Viral) ಆಗಿರುವ ವಿಡಿಯೋದಲ್ಲಿ ಆಸ್ಟ್ರೇಲಿಯಾದ ಯುವತಿಯೊಬ್ಬಳು ಸೀಲಿಂಗ್​ನಿಂದ ಎರಡು ದೈತ್ಯಗಾತ್ರದ ಹಾವುಗಳನ್ನು ಹೊರತೆಗೆದು ರಕ್ಷಿಸಿದ್ದಾಳೆ. ಅತ್ಯಂತ ಸಲೀಸಾಗಿ ಅವುಗಳನ್ನು ಆಕೆ ಹಿಡಿದೆಳೆಯುವ ಕೌಶಲ, ಸಾಹಸ ಮಾತ್ರ ಅದ್ಭುತ. ನೆಟ್ಟಿಗರು ಈ ವಿಡಿಯೋ ನೋಡಿ ಹಾವುಗಳ ಬಗೆಗಿರುವ ಅವಳ ಪ್ರೇಮ ಮತ್ತು ಧೈರ್ಯವನ್ನು ಶ್ಲಾಘಿಸುತ್ತಿದ್ದಾರೆ.

ಇದನ್ನೂ ಓದಿ : Viral Video: ಈ ಸರ್ಕಸ್ಸಿಗನ ಲೈಸನ್ಸ್​ ಈಗಾಗಲೇ ರದ್ದಾಗಿರಬೇಕಲ್ಲವೆ?

ಇನ್​ಸ್ಟಾಗ್ರಾಂನಲ್ಲಿ ಈ ವಿಡಿಯೋವನ್ನು ಸೆಪ್ಟೆಂಬರ್ 22ರಂದು ಹಂಚಿಕೊಳ್ಳಲಾಗಿದೆ. ಈತನಕ ಸುಮಾರು 5 ಮಿಲಿಯನ್ ಜನರು ನೋಡಿದ್ದಾರೆ. 74,000 ಜನರು ಈ ವಿಡಿಯೋ ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಲೈಕ್ ಮಾಡಿದ್ದಾರೆ. ಆಸ್ಟ್ರೇಲಿಯನ್ನರು ಈ ಹಾವುಗಳನ್ನು ಅತ್ಯಂತ ವಿಭಿನ್ನವಾಗಿ ನಿರ್ವಹಿಸುತ್ತಾರೆ, ಆಕೆ ಎಷ್ಟೊಂದು ಶಾಂತವಾಗಿದ್ದಾಳೆ ನೋಡಿ ಎಂದಿದ್ದಾರೆ ಅನೇಕರು.

ಸೀಲಿಂಗ್​ನಿಂದ ಹಾವುಗಳನ್ನು ಹೊರತೆರೆಯುತ್ತಿರುವ ಯುವತಿ

ಸಾಕುಪ್ರಾಣಿಗಳಂತೆ ಅವರು ಈ ಹಾವುಗಳೆರಡನ್ನು ನಿಭಾಯಿಸಿದ್ದಾರೆ ಎಂದಿದ್ದಾರೆ ಒಬ್ಬರು. ನಿಜಕ್ಕೂ ಆಕೆಯ ಮುಖ ಎಷ್ಟೊಂದು ಪ್ರಶಾಂತವಾಗಿ ಕೂಡಿತ್ತು ಇವುಗಳನ್ನು ಹಿಡಿಯುವಾಗ ಎಂದಿದ್ದಾರೆ ಇನ್ನೊಬ್ಬರು. ತುಂಬಾ ಧೈರ್ಯಶಾಲಿ ಈಕೆ, ನನಗಷ್ಟೊಂದು ಧೈರ್ಯ ಇಲ್ಲವೇ ಇಲ್ಲ ಎಂದಿದ್ದಾರೆ ಮತ್ತೊಬ್ಬರು.

ಇದನ್ನೂ ಓದಿ : Viral: ಕ್ರಿಕೆಟ್ ಧರ್ಮ ಜಾತಿ ಭಾಷೆಗಿಂತ ಈ ರೀತಿಯ ಕೆರಳುವಿಕೆಯೇ ನಮ್ಮನ್ನು ಒಗ್ಗೂಡಿಸುವುದು ಮೋಜಿನ ಸಂಗತಿಯಲ್ಲವೆ?

ಸ್ನೇಕ್​ ವುಮನ್​ ಎಂಬ ಪುರಸ್ಕಾರ ಇವರಿಗೆ ನೀಡಬೇಕು ಎಂದಿದ್ದಾರೆ ಒಬ್ಬರು. ಒಮ್ಮೆ ಹಾವು ನೋಡಿದರೆ ತಿಂಗಳಾನುಗಟ್ಟಲೆ ಭಯಪಡುತ್ತೇನೆ, ಆದರೆ ಈಕೆ…! ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ ಇನ್ನೊಬ್ಬರು. ಏನೇ ಆಗಲಿ ಈಕೆ ಇಷ್ಟೊಂದು ಸಮಾಧಾನದಿಂದ ಇದನ್ನು ನಿರ್ವಹಿಸಿದ್ದಾಳೆಂದರೆ ಆಕೆಗೆ ಹಾವುಗಳ ಬಗ್ಗೆ ಅತ್ಯಂತ ಪ್ರೀತಿಯಿದೆ. ಅವುಗಳನ್ನು ಹಿಂಸಿಸದೆ ಶಾಂತವಾಗಿ ರಕ್ಷಿಸಿದ ಪ್ರೀತಿಗೆ ಏನು ಹೇಳುವುದೋ ಗೊತ್ತಾಗುತ್ತಿಲ್ಲ ಎಂದಿದ್ದಾರೆ ಮತ್ತೊಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ