Viral Video: ನೆಲ ಒರೆಸುವ ಮಾಪ್, ಲಟ್ಟಣಿಗೆ, ಚಪ್ಪಲಿ ಮುಂತಾದವುಗಳನ್ನು ಬಳಸಿ ಅದ್ಭುತ ಚಿತ್ರ ಬಿಡಿಸುತ್ತಾಳೆ ಈ ಮಹಿಳೆ
ಮಹಿಳೆಯೊಬ್ಬಳು ತಾನು ಪ್ರತಿದಿನ ಬಳಸುವ ನೆಲ ಒರೆಸುವ ಮಾಪ್, ಲಟ್ಟಣಿಕೆ,ಚಪ್ಪಲಿಗಳನ್ನು ಬಳಸಿ ಅದ್ಭುತ ಚಿತ್ರ ಬಿಡಿಸುತ್ತಾಳೆ. ಈಕೆ ಚಿತ್ರ ಬಿಡಿಸುವ ವಿಶೇಷ ಪ್ರತಿಭೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದೆ. ವಿಡಿಯೋ ಇಲ್ಲಿದೆ ನೋಡಿ.
ಈ ಮಹಿಳೆಯ ಪ್ರತಿಭೆ ಅದ್ಭುತವಾಗಿದ್ದು, ಈಕೆ ಲಟ್ಟಣಿಗೆ,ಚಪ್ಪಲಿ ಮತ್ತು ನೆಲ ಒರೆಸುವ ಮಾಪ್ ಬಳಸಿ ಅದ್ಭುತವಾದ ವರ್ಣಚಿತ್ರ ಬಿಡಿಸಿದ್ದಾರೆ. ನಿಮ್ಮಲ್ಲಿ ಪ್ರತಿಭೆ ಇದ್ದರೆ ಯಾರನ್ನಾದರೂ ನಿಮ್ಮ ಅಭಿಮಾನಿಯನ್ನಾಗಿ ನಿಮ್ಮತ್ತ ಸೆಳೆಯಬಹುದು ಎಂಬುದಕ್ಕೆ ಇದು ಉತ್ತಮ ನಿದರ್ಶನ. ಪ್ರತೀ ನಿಮಿಷಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವಿಡಿಯೋಗಳು ಹರಿದಾಡುತ್ತಿರುತ್ತವೆ. ಅದರಲ್ಲಿ ಕೆಲವೊಂದು ವಿಡಿಯೋಗಳು ಭಾರೀ ವೈರಲ್ ಆಗುವುದುಂಟು. ಇದೀಗಾ ಈ ಮಹಿಳೆಯ ಅದ್ಭುತವಾದ ಪ್ರತಿಭೆ ಸದ್ಯ ಲಕ್ಷಾಂತರ ನೆಟ್ಟಿಗರನ್ನು ತಲುಪಿದೆ.
ಯಾವುದೇ ಪೇಂಟ್ ಬ್ರಶ್ ಬಳಸದೇ ದಿನಬಳಕೆಯಲ್ಲಿ ಬಳಸುವ ವಸ್ತಗಳನ್ನು ಬಳಸಿ ಆಕರ್ಷಕ ಸಿಂಹ ಮುಖದ ಚಿತ್ರವನ್ನು ಬಿಡಿಸಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ವಿಡಿಯೋವನ್ನು ಸ್ವತಃ ಕಲಾವಿದೆ ಅಲೆಕ್ಸಾ ತನ್ನ @alex_artiste_peintre ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ಖಾತೆಯಲ್ಲಿ ಇನ್ನಷ್ಟು ವಿಭಿನ್ನ ಶೈಲಿಯ ಕಲಾಕೃತಿಗಳನ್ನು ಕಾಣಬಹುದು.
ಇದನ್ನೂ ಓದಿ: ರಾಮಾಯಣ ಧಾರಾವಾಹಿ ಚಿತ್ರೀಕರಣದ ವೇಳೆ ನಡೆದಿತ್ತು ಅಚ್ಚರಿಯ ಸಂಗತಿ: ಸೀತಾ ಪಾತ್ರಧಾರಿ ದೀಪಿಕಾ ಹೇಳಿದ್ದೇನು?
ಈ ವೀಡಿಯೋವನ್ನು ಡಿಸೆಂಬರ್ 16ರಂದು ಹಂಚಿಕೊಂಡಿದ್ದು, ಈಗಾಗಲೇ 79 ಮಿಲಿಯನ್ ನೆಟ್ಟಿಗರನ್ನು ತಲುಪಿದೆ. ಇದಲ್ಲದೇ 3,630,304 ವೀಕ್ಷಕರು ವಿಡಿಯೋವನ್ನು ಲೈಕ್ ಮಾಡಿದ್ದಾರೆ. ವಿಡಿಯೋ ಎಲ್ಲೆಡೆ ವೈರಲ್ ಅಗುತ್ತಿದ್ದಂತೆ ಆಕೆಯ ಪ್ರತಿಭೆಯನ್ನು ಕಂಡು ನೆಟ್ಟಿಗರು ಆಶ್ಚರ್ಯಚಕಿತರಾಗಿದ್ದಾರೆ. ಅನೇಕ ಬಳಕೆದಾರರು ಈ ಬಗ್ಗೆ ಕಾಮೆಂಟ್ ಮಾಡುವ ಮೂಲಕ ತಮ್ಮ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ.
ಮತ್ತಷ್ಟು ವೈರಲ್ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: