ವಿಶ್ವದ ಅತ್ಯಂತ ಹಿರಿಯ ವೈದ್ಯ ಹೊವಾರ್ಡ್​ ಟಕರ್ 100ನೇ ವಯಸ್ಸಿನಲ್ಲಿಯೂ ವೃತ್ತಿನಿರತ

Viral : 60ರ ಗಡಿ ತಲುಪುತ್ತಿದ್ದಂತೆ ಎಲ್ಲರೂ ವಿಶ್ರಾಂತ ಜೀವನಕ್ಕೆ ಜಾರಿಬಿಡುತ್ತಾರೆ. ಆದರೆ ಈ ವೈದ್ಯರು ಮಾತ್ರ 100 ವರ್ಷಕ್ಕೆ ಕಾಲಿಟ್ಟರೂ ತಮ್ಮ ವೃತ್ತಿಯಲ್ಲಿಯೇ ತನ್ಮಯರಾಗಿದ್ದಾರೆ. ಈ ಮೂಲಕ ವಿಶ್ವದ ಅತ್ಯಂತ ಹಿರಿಯ ವೈದ್ಯ ಎಂಬ ಹೆಗ್ಗಳಿಕೆಯೊಂದಿಗೆ ಗಿನ್ನೀಸ್​ ವಿಶ್ವ ದಾಖಲೆಗೆ ಭಾಜನರಾಗಿದ್ದಾರೆ. ಓಹಿಯೋದ ಡಾ. ಹೊವಾರ್ಡ್ ಟಕರ್ ನರಶಸ್ತ್ರಚಿಕಿತ್ಸಕ. ಇವರು ಈತನಕವೂ ನಿವೃತ್ತಿ ಹೊಂದಲು ಆಲೋಚಿಸಿಲ್ಲ ಎಂದೇ ಹೇಳುತ್ತಾರೆ. ಇಷ್ಟೇ ಅಲ್ಲ, 89 ವರ್ಷದ ಇವರ ಪತ್ನಿ ಡಾ. ಸಾರಾ ಸ್ಯೂ ಸೀಗಲ್​ ಕೂಡ ಇನ್ನೂ ಮನೋವಿಶ್ಲೇಷಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ!

ಹೊವಾರ್ಡ್​ ಜುಲೈನಲ್ಲಿ 100ನೇ ವಯಸ್ಸಿಗೆ ಕಾಲಿಟ್ಟರು. ಆಗಲೇ ಕೊವಿಡ್​ಗೆ ಕೂಡ ತುತ್ತಾದರು. ಆ ಸಮಯದಲ್ಲಿಯೂ ತನ್ನ ರೋಗಿಗಳಿಗೆ ಆನ್​ಲೈನ್​ ಮೂಲಕ ವೈದ್ಯಕೀಯ ಸಲಹೆ ಕೊಡುವುದನ್ನು ಇವರು ಮುಂದುವರಿಸಿದರು. ‘1947 ರಲ್ಲಿ ನಾನು ವೃತ್ತಿಜೀವನಕ್ಕೆ ಕಾಲಿಟ್ಟಾಗಿನಿಂದ ಈತನಕವೂ ಹೀಗೇ ಇದ್ದೇನೆ. ನನ್ನ ಸಂತೃಪ್ತ, ಸಂತೋಷಕರ ಜೀವನ ಮತ್ತು ಸುದೀರ್ಘ ವೃತ್ತಿ ಜೀವನಕ್ಕೆ ದೊರೆತ ಏಕೈಕ ಗೌರವವೆಂದು ಪ್ರಸ್ತುತ ಗಿನ್ನೀಸ್​ ವಿಶ್ವ ದಾಖಲೆಯ ಮಾನ್ಯತೆಯನ್ನು ಪರಿಭಾವಿಸುತ್ತೇನೆ​. ಪ್ರತಿದಿನವೂ ನನ್ನ ರೋಗಿಗಳು, ಸಹೋದ್ಯೋಗಿಗಳಿಂದ ಕಲಿಯುವುದನ್ನು ಈಗಲೂ ಮುಂದುವರಿಸಿಕೊಂಡೇ ಜೀವಿಸುತ್ತೇನೆ’ ಎಂದಿದ್ದಾರೆ ಹೊವಾರ್ಡ್.

ಪತ್ನಿ ಡಾ. ಸಾರಾ ಸ್ಯೂ ಸೀಗಲ್​ ಜೊತೆ ಡಾ. ಹೊವಾರ್ಡ್​ ಟಕರ್​

ಅತ್ಯಂತ ಹಿರಿಯ ಕ್ಷೌರಿಕರೊಬ್ಬರು ಇತ್ತೀಚೆಗೆ ನಿಧನಗೊಂಡ ಸುದ್ದಿಯನ್ನು ಓದಿದ ನಂತರ ಹೊವಾರ್ಡ್​ ಅವರಿಗೆ, ತಾನೂ ಯಾಕೆ ಗಿನ್ನೀಸ್​ ವಿಶ್ವ ದಾಖಲೆಗೆ ಅರ್ಜಿ ಸಲ್ಲಿಸಬಾರದು ಎನ್ನಿಸಿದೆ. ಮೊಮ್ಮಗನ ಸಹಾಯದಿಂದ ಅರ್ಜಿ ಸಲ್ಲಿಸಿದ್ದಾರೆ. ನಂತರ ಈ ದಾಖಲೆ ಇವರ ಮುಡಿಗೇರುತ್ತಿದ್ದಂತೆ ಇವರ ಆಪ್ತರು, ಕುಟುಂಬಸ್ಥರು ಸಂತೋಷದಿಂದ ಭಾವುಕರಾಗಿದ್ದಾರೆ.

ಬದುಕು ಎಷ್ಟೊಂದು ವಿಶಾಲವೂ ಸುದೀರ್ಘವೂ ಆಗಿದೆಯಲ್ಲವೆ? ನಮ್ಮ ಜಗತ್ತಿನಲ್ಲಿ ನಾವು ಮುಳುಗಿ ಕೆಲಸ ಮಾಡುತ್ತಿದ್ದರೆ…

ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ