ನಟಿಸೋದು ಇಷ್ಟ, ಡ್ಯಾನ್ಸ್ ಮಾಡೋದು ಕಷ್ಟ: ನೃತ್ಯ ಮಾಡದಕ್ಕೆ ಅನಂತ್ ನಾಗ್ ನೀಡಿದ ಕಾರಣ ಹೀಗಿದೆ

ಬೆಂಗಳೂರು, ಅಕ್ಟೋಬರ್​ 03: ಹಿರಿಯ ನಟ ಅನಂತ್ ನಾಗ್ ಅವರು ತಮ್ಮ ನಟನೆಯಿಂದಲೇ ಕನ್ನಡ ಸಿನಿ ರಸಿಕರ ಮನ ಗೆದ್ದವರು. ಯಾವುದೇ ಪಾತ್ರವಾದರೂ ಲೀಲಾಜಾಲವಾಗಿ ಅವರು ನಟಿಸುತ್ತಾರೆ. ಇದಕ್ಕೆ ಸಾಕಷ್ಟು ಚಿತ್ರಗಳೇ ಸಾಕ್ಷಿ. ಡ್ಯಾನ್ಸ್​ ವಿಚಾರಕ್ಕೆ ಬಂದರೆ ಅಷ್ಟಕಷ್ಟೇ. ಡ್ಯಾನ್ಸ್ ಮಾಡುವುದು ಅನಂತ್​ ನಾಗ್​ ಅವರಿಗೆ ಸುತರಾಂ ಇಷ್ಟವಿರಲಿಲ್ಲ ಎಂದು ಟಿವಿ9 ಕನ್ನಡ ವಿಶೇಷ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ. ಗಂಡುಕಲೆಯಾದ ಯಕ್ಷಗಾನವನ್ನು ಬಾಲ್ಯದಿಂದಲೂ ನೋಡಿ ಬೆಳೆದಿದ್ದರಿಂದ ಸಿನಿಮಾಗಳಲ್ಲಿ ಗಂಡಸರು ಮಾಡುವ ಡ್ಯಾನ್ಸ್ ತಮ್ಮ ಮನಸ್ಸಿಗೆ ಒಪ್ಪುತ್ತಿರಲಿಲ್ಲವೆಂದು ಅವರು ಹೇಳಿದ್ದಾರೆ. ತಮಗೆ ನೃತ್ಯದ ಬದಲಾಗಿ ನಟನೆಗೆ ಹೆಚ್ಚು ಒತ್ತು ನೀಡಿದ್ದರಿಂದ ಕನ್ನಡ ಚಿತ್ರರಂಗದಲ್ಲಿ ಉತ್ತಮ ಮನ್ನಣೆ ಸಿಕ್ಕಿತು ಎಂದಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.