ಅಫ್ಘಾನಿಸ್ತಾನದಲ್ಲಿ ಭೂಕಂಪದಿಂದ ಮೃತಪಟ್ಟವರ ಸಂಖ್ಯೆ 1,411ಕ್ಕೆ ಏರಿಕೆ, 5000 ಮನೆಗಳು ಧ್ವಂಸ

ಕಾಬೂಲ್, ಸೆಪ್ಟೆಂಬರ್ 2: ಅಫ್ಘಾನಿಸ್ತಾನದಲ್ಲಿ (Afghanistan Earthquake) ಸಂಭವಿಸಿದ ಭಾರೀ ಭೂಕಂಪದಿಂದ ಸಾವನ್ನಪ್ಪಿದವರ ಸಂಖ್ಯೆ 1,411ಕ್ಕೆ ತಲುಪಿದೆ. ಈ ಘಟನೆಯಲ್ಲಿ 3,000ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ, 5,000ಕ್ಕೂ ಅಧಿಕ ಮನೆಗಳು ಧ್ವಂಸಗೊಂಡಿವೆ ಎಂದು ತಾಲಿಬಾನ್ ವಕ್ತಾರ ಜಬಿಹುಲ್ಲಾ ಮುಜಾಹಿದ್ ತಿಳಿಸಿದ್ದಾರೆ. ಭಾನುವಾರದ 6.0 ತೀವ್ರತೆಯ ಭೂಕಂಪದಿಂದ ನಾಶವಾದ ಪರ್ವತ ಪ್ರದೇಶಗಳನ್ನು ತಲುಪಲು ರಕ್ಷಣಾ ಪಡೆಗಳು ಹೆಣಗಾಡಬೇಕಾಯಿತು. ಭೂಕಂಪ ಹಲವಾರು ಪ್ರಾಂತ್ಯಗಳನ್ನು ಅಪ್ಪಳಿಸಿತು, ಇದು ವ್ಯಾಪಕ ವಿನಾಶಕ್ಕೆ ಕಾರಣವಾಯಿತು. ಸಂಪೂರ್ಣ ಗ್ರಾಮಗಳು ನೆಲಸಮವಾದವು, ಈ ಗ್ರಾಮಗಳ ನಿವಾಸಿಗಳು ಕುಸಿದ ಮಣ್ಣು ಮತ್ತು ಮರದ ಮನೆಗಳ ಅಡಿಯಲ್ಲಿ ಸಿಲುಕಿಕೊಂಡರು. 2021ರಲ್ಲಿ ತಾಲಿಬಾನ್ ಅಧಿಕಾರ ವಹಿಸಿಕೊಂಡ ನಂತರ ಇದು ಮೂರನೇ ಪ್ರಮುಖ ಭೂಕಂಪವಾಗಿದೆ.

ಇನ್ನಷ್ಟು ಅಂತಾರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ