ಕನ್ನಡ ಚಿತ್ರರಂಗದಲ್ಲಿ ಬಹುಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ ಅದಿತಿ ಪ್ರಭುದೇವ (Aditi Prabhudeva) ಪ್ರತಿ ಸಿನಿಮಾದಲ್ಲಿಯೂ ಅವರು ಬೇರೆ ಬೇರೆ ರೀತಿಯ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಪಕ್ಕದ ಮನೆ ಹುಡುಗಿ ರೀತಿಯ ಪಾತ್ರಕ್ಕೂ ಸೈ, ಫೈಟಿಂಗ್ ಮಾಡಲೂ ಸೈ ಎಂಬಂತಿರುವ ಅವರು ಈಗ ‘ಅಲೆಕ್ಸಾ’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅವರು ಭರ್ಜರಿ ಸಾಹಸ ದೃಶ್ಯಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಅವರಿಗೆ ಸ್ಟಂಟ್ಸ್ ಹೇಳಿಕೊಡುತ್ತಿರುವುದು ಸಾಹಸ ನಿರ್ದೇಶಕ ರವಿ ವರ್ಮಾ (Ravi Varma). ಹಲವು ಭಾಷೆಯಲ್ಲಿ ಬ್ಯುಸಿ ಆಗಿರುವ ರವಿ ವರ್ಮಾ ಅವರು ‘ಅಲೆಕ್ಸಾ’ ಚಿತ್ರಕ್ಕಾಗಿ ಕೆಲವು ಪರಭಾಷೆ ಆಫರ್ಗಳನ್ನು ಬಿಟ್ಟುಬಂದಿದ್ದಾರೆ. ಅದಕ್ಕಾಗಿ ಅದಿತಿ ಪ್ರಭುದೇವ ಅವರು ಧನ್ಯವಾದ ಸಲ್ಲಿಸಿದ್ದಾರೆ. ‘4-5 ಹಿಂದಿ ಸಿನಿಮಾಗಳ (Hindi Cinema) ಡೇಟ್ಸ್ ಬಿಟ್ಟು ಬಂದು ನಮ್ಮ ಕನ್ನಡದ ಸಿನಿಮಾಗಾಗಿ ರವಿ ವರ್ಮಾ ಕೆಲಸ ಮಾಡುತ್ತಿದ್ದಾರೆ. ಎಲ್ಲರಿಗೂ ಈ ಮನೋಭಾವ ಬರಲಿ’ ಎಂದು ಅದಿತಿ ಹೇಳಿದ್ದಾರೆ.
Published On - 10:04 am, Mon, 23 May 22