ಅಭಿಮಾನಿಗಳ ಜೊತೆ ‘ಜಾಕಿ’ ಸಿನಿಮಾ ನೋಡಿದ ಅಶ್ವಿನಿ ಪುನೀತ್ ರಾಜ್​ಕುಮಾರ್

ಪುನೀತ್ ರಾಜ್​ಕುಮಾರ್ (Puneeth Rajkumar) ಹುಟ್ಟುಹಬ್ಬ ಎರಡು ದಿನಗಳು ಇರುವಂತೆಯೇ ಅವರ ಸೂಪರ್ ಹಿಟ್ ಸಿನಿಮಾ ‘ಜಾಕಿ’ ಮರು ಬಿಡುಗಡೆ ಆಗಿದೆ. ಮಾರ್ಚ್ 15 ರಂದು ‘ಜಾಕಿ’ ಸಿನಿಮಾ ಅದ್ಧೂರಿಯಾಗಿ ಮರು ಬಿಡುಗಡೆ ಆಗಿದ್ದು, ಅಭಿಮಾನಿಗಳು ಮುಗಿಬಿದ್ದು ಸಿನಿಮಾ ವೀಕ್ಷಿಸುತ್ತಿದ್ದಾರೆ. ಪುನೀತ್ ಅವರ ಹೊಸ ಸಿನಿಮಾ ಬಿಡುಗಡೆ ಆದಾಗ ಯಾವ ಉತ್ಸಾಹದಿಂದ ಅಭಿಮಾನಿಗಳು ಅದನ್ನು ಸ್ವಾಗತಿಸುತ್ತಿದ್ದರೋ ಅದೇ ಉತ್ಸಾಹದಲಲ್ಲಿ ‘ಜಾಕಿ’ ಸಿನಿಮಾವನ್ನು ಸ್ವಾಗತಿಸಿದ್ದಾರೆ. ಪುನೀತ್ ರಾಜ್​ಕುಮಾರ್​ರ ಪತ್ನಿ, ನಿರ್ಮಾಪಕಿ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಸಹ ಇಂದು ಬೆಳಿಗ್ಗೆಯೇ ಅಭಿಮಾನಿಗಳೊಟ್ಟಿಗೆ ಚಿತ್ರಮಂದಿರಕ್ಕೆ ಬಂದು ಕೆಲ ಕಾಲ ಸಿನಿಮಾ ವೀಕ್ಷಿಸಿದರು. ಈ ಸಂದರ್ಭದಲ್ಲಿ ಅವರೊಡನೆ, ವಿನಯ್ ರಾಜ್​ಕುಮಾರ್ ಸಹ ಇದ್ದರು. ರಾಘವೇಂದ್ರ ರಾಜ್​ಕುಮಾರ್ ಪತ್ನಿ ಪೂರ್ಣಿಮಾ ಸಹ ಆಗಮಿಸಿ ಸಿನಿಮಾ ವೀಕ್ಷಿಸಿದರು.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ