16 ಲಕ್ಷ ರೂ. ಖರ್ಚು, 3 ತಿಂಗಳ ಪರಿಶ್ರಮ; ಬೆಂಗಳೂರಿನಲ್ಲಿ ಭಕ್ತರ ಗಮನ ಸೆಳೆಯುತ್ತಿದೆ ಮಂತ್ರಾಲಯದ ಮಾದರಿಯ ಗಣೇಶ ಮಂಟಪ!
Updated on:Oct 09, 2026 | 8:51 AM
ಬೆಂಗಳೂರಿನ ರಾಮಮೂರ್ತಿನಗರ ಸಮೀಪದ ಕಲ್ಕೆರೆಯಲ್ಲಿ ಮಂತ್ರಾಲಯದ ಶ್ರೀ ರಾಘವೇಂದ್ರ ಸ್ವಾಮಿ ಮಠದ ಮಾದರಿಯಲ್ಲಿ ಭವ್ಯ ಗಣೇಶ ಮಂಟಪ ನಿರ್ಮಿಸಲಾಗಿದೆ. ಅಥರ್ವ ಯುವ ಸೇನೆಯಿಂದ 15-16 ಲಕ್ಷ ರೂಪಾಯಿ ವೆಚ್ಚದಲ್ಲಿ, ಮೂರು ತಿಂಗಳ ಪರಿಶ್ರಮದಿಂದ ನಿರ್ಮಾಣವಾಗಿರುವ ಈ ಮಂಟಪವು ಸಹಸ್ರಾರು ಭಕ್ತರನ್ನು ಆಕರ್ಷಿಸುತ್ತಿದೆ.
ಗೌರಿ ಗಣೇಶ ಹಬ್ಬ ಆರಂಭವಾಗಿ 1 ತಿಂಗಳೇ ಆಗುತ್ತಾ ಬಂದರೂ ಹಬ್ಬದ ಜೋಶ್ ಕಡಿಮೆಯಾಗಿಲ್ಲ. ಬೆಂಗಳೂರಿನ ರಾಮಮೂರ್ತಿನಗರ ಸಮೀಪದ ಕಲ್ಕೆರೆಯಲ್ಲಿ ಮಂತ್ರಾಲಯದ ಶ್ರೀ ರಾಘವೇಂದ್ರ ಸ್ವಾಮಿ ಮಠದ ಮಾದರಿಯಲ್ಲಿ ಗಣಪತಿ ಮಂಟಪ ನಿರ್ಮಿಸಲಾಗಿದೆ. ಅಥರ್ವ ಯುವ ಸೇನೆಯ ವತಿಯಿಂದ ನಿರ್ಮಿಸಲಾಗಿರುವ ಈ ಮಂಟಪದಲ್ಲಿ ಕೆಂಪು ಮತ್ತು ಚಿನ್ನದ ಬಣ್ಣದ ಕಂಬಗಳು, ಗೋಪುರ ಹಾಗೂ ಧ್ವಜಗಳನ್ನು ಅಳವಡಿಸಲಾಗಿದೆ. ಮಂತ್ರಾಲಯದ ಮಠವನ್ನು ಹೋಲುವಂತೆ ಮಂಟಪದ ವಿನ್ಯಾಸ ರೂಪಿಸಲಾಗಿದೆ. 16 ಲಕ್ಷ ರೂಪಾಯಿ ವೆಚ್ಚದಲ್ಲಿ ಸತತ 3 ತಿಂಗಳ ಪರಿಶ್ರಮದೊಂದಿಗೆ ಸೆಟ್ ಮೂಡಿಬಂದಿದೆ. ಕಳೆದ ವರ್ಷ ಶಬರಿಮಲೆ ಸ್ವಾಮಿ ಅಯ್ಯಪ್ಪ ಅವರ ಮಾದರಿಯಲ್ಲಿ ಗಣೇಶ ಮೂರ್ತಿಯನ್ನು ಪ್ರತಿಷ್ಠಾಪಿಸಿದ್ದ ಅಥರ್ವ ಯುವ ಸೇನೆ, ಈ ಬಾರಿ ಮಂತ್ರಾಲಯದ ಮಹಿಮೆಯನ್ನು ಸಾರುವ ಪರಿಕಲ್ಪನೆಯೊಂದಿಗೆ ಭಕ್ತರಿಗೆ ಮಂತ್ರಾಲಯಕ್ಕೆ ಭೇಟಿ ನೀಡಿದ ಅನುಭವ ನೀಡಲು ಈ ಸೆಟಪ್ ಅನ್ನು ರಚಿಸಿದೆ. ಈ ವಿಶೇಷ ಮಂಟಪ ಸಹಸ್ರಾರು ಭಕ್ತರ ಗಮನ ಸೆಳೆಯುತ್ತಿದೆ. ನೆನ್ನೆ ಗಣೇಶ ಮೂರ್ತಿಯ ಪ್ರತಿಷ್ಠಾಪನೆ ನಡೆದಿದ್ದು, ಭಾನುವಾರ ವಿಸರ್ಜನೆ ನಡೆಯಲಿದೆ.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published on: Oct 09, 2026 08:45 AM
