ಸ್ಪರ್ಧಿಗಳಿಗೆ ಹೊರಗಿನ ವಿಷಯ ರಿವೀಲ್ ಮಾಡಿದ ಮಂಜು; ಇಡೀ ಮನೆ ಅಲ್ಲೋಲ ಕಲ್ಲೋಲ

ಬಿಗ್ ಬಾಸ್ ಕನ್ನಡ ರಿಯಾಲಿಟಿ ಶೋನಲ್ಲಿ ಈ ಹಿಂದೆ ಎಲಿಮಿನೇಟ್ ಆಗಿ ಮನೆಯಿಂದ ಹೊರನಡೆದಿದ್ದ ‘ಮಾಡರ್ನ್ ಮಹಾಕವಿ ಮಂಜು’ ಮತ್ತೆ ಬಿಗ್ ಬಾಸ್ ಮನೆಗೆ ಅತಿಥಿಯಾಗಿ ಮರುಪ್ರವೇಶಿಸಿದ್ದಾರೆ. ಹೊರಗಿನ ಪ್ರಪಂಚದ ಸುದ್ದಿಗಳು ಹಾಗೂ ಟ್ರೆಂಡಿಂಗ್ ವಿಷಯಗಳ ಬಗ್ಗೆ ಸ್ಪರ್ಧಿಗಳಿಗೆ ಮಾಹಿತಿ ನೀಡುವ ಉದ್ದೇಶದಿಂದ ಬಿಗ್ ಬಾಸ್ ಮಂಜು ಅವರನ್ನು ವಿಶೇಷವಾಗಿ ಕರೆಸಿದ್ದಾರೆ.

ಮನೆಗೆ ಕಾಲಿಡುತ್ತಿದ್ದಂತೆಯೇ ತಮ್ಮ ವಿಶಿಷ್ಟ ಶೈಲಿಯಲ್ಲಿ ಸ್ಪರ್ಧಿಗಳನ್ನು ಮಾತನಾಡಿಸಿದ ಮಂಜು, ‘ಹೊರಗಿನ ಜಗತ್ತಿನ ಸುದ್ದಿಗಳನ್ನು ಪಡೆಯುವುದಕ್ಕಾಗಿ ಯಾರ್ ಯಾರೋ ಕಾಯುತ್ತಿದ್ದಾರೆ’ ಎಂದು ಹಾಸ್ಯದ ರೀತಿಯಲ್ಲಿ ಮಾತು ಆರಂಭಿಸಿದರು. ಸೌಂದರ್ಯಾ ಎದುರು ಕುಳಿತು ಹೊರಗಿನ ವಿಷಯವನ್ನು ರಿವೀಲ್ ಮಾಡಿದ್ದಾರೆ.

‘ನಿಮ್ಮ ಆಟವನ್ನೆಲ್ಲ ನೋಡಿದ್ದೇನೆ, ತುಂಬಾ ಚೆನ್ನಾಗಿ ಆಡುತ್ತಿದ್ದೀರಾ, ಮನೆ ಮನೆ ಹಾಗೂ ಮೂಲೆ ಮೂಲೆಗಳಲ್ಲೂ ನಿಮ್ಮದೇ ಸುದ್ದಿ ನಡೀತಿದೆ’ ಎಂದು ಹೊರಗಿನ ವಾತಾವರಣದ ಸುಳಿವು ನೀಡಿದರು. ಮಂಜು ಅವರ ಈ ಮರುಪ್ರವೇಶದಿಂದ ಬಿಗ್ ಬಾಸ್ ಶೋಗೆ ಹೊಸ ಮೆರುಗು ದೊರೆತಿದ್ದು, ಅವರು ನೀಡಿದ ಹೊರಗಿನ ಮಾಹಿತಿಗಳು ಸ್ಪರ್ಧಿಗಳ ಮುಂಬರುವ ಆಟದ ತಂತ್ರಗಳ ಮೇಲೆ ಎಷ್ಟರಮಟ್ಟಿಗೆ ಪ್ರಭಾವ ಬೀರಲಿವೆ ಎಂಬುದನ್ನು ಪ್ರೇಕ್ಷಕರು ಕುತೂಹಲದಿಂದ ಕಾಯುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.