‘ಇಬ್ಬರು ಹೆಂಡತಿಯರೇ ನನ್ನ ಪಾಲಿನ ದೇವರು’: ಪರ್ಸನಲ್​ ಲೈಫ್​ ಬಗ್ಗೆ ಮಾತಾಡಿದ ಅರ್ಜುನ್​ ರಮೇಶ್​

ನಟ ಅರ್ಜುನ್​ ರಮೇಶ್​ ಅವರು ‘ಬಿಗ್​ ಬಾಸ್​ ಕನ್ನಡ ಒಟಿಟಿ’ (Bigg Boss Kannada OTT) ಶೋನಿಂದ ಹೊರಬಂದಿದ್ದಾರೆ. ಗಾಯದ ಸಮಸ್ಯೆಯಿಂದ ಅವರು ಔಟ್​ ಆಗಬೇಕಾಯಿತು. ದೊಡ್ಮನೆಯಲ್ಲಿ ಇದ್ದಾಗ ಅವರು ತಮ್ಮ ಖಾಸಗಿ ಜೀವನದ ಬಗ್ಗೆ ಅನೇಕ ವಿಚಾರಗಳನ್ನು ಹಂಚಿಕೊಂಡಿದ್ದರು. ತಮಗೆ ಇಬ್ಬರು ಪತ್ನಿಯರು ಎಂಬುದು ಅವರು ಧೈರ್ಯವಾಗಿ ಮತ್ತು ನೇರವಾಗಿ ಹೇಳಿದ್ದರು. ಆ ಕುರಿತು ಈಗ ಅವರು ಮತ್ತೆ ಮಾತನಾಡಿದ್ದಾರೆ. ‘ಹೊಂದಿಕೊಂಡು ಹೋಗುತ್ತಿರುವುದಕ್ಕೆ ನನ್ನ ಇಬ್ಬರು ಹೆಂಡತಿಯರು ನನ್ನ ಪಾಲಿನ ದೇವತೆಗಳು’ ಎಂದು ಅರ್ಜುನ್​ ರಮೇಶ್​ (Arjun Ramesh) ಹೇಳಿದ್ದಾರೆ. ‘ಟಿವಿ 9 ಕನ್ನಡ’ಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು ಈ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.