Sonu Srinivas Gowda: ‘ಸೋನು ವಿಡಿಯೋ ಲೀಕ್ ಆಗಿದ್ದರಲ್ಲಿ ಅವಳ ತಪ್ಪಿಲ್ಲ’: ಸಾನ್ಯಾ ಅಯ್ಯರ್ ತಾಯಿ ದೀಪಾ ಹೀಗೆ ಹೇಳಿದ್ದೇಕೆ?
Bigg Boss OTT Kannada: ಸೋನು ಶ್ರೀನಿವಾಸ್ ಗೌಡ ಬಗ್ಗೆ ಸಾನ್ಯಾ ಅಯ್ಯರ್ ಅವರ ತಾಯಿ ದೀಪಾ ಅಯ್ಯರ್ ಮಾತನಾಡಿದ್ದಾರೆ. ಖಾಸಗಿ ವಿಡಿಯೋ ಲೀಕ್ ಆಗಿದ್ದರ ಬಗ್ಗೆ ಅವರು ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ.
ಈ ಬಾರಿ ಬಿಗ್ ಬಾಸ್ ಮನೆಗೆ ಕಾಲಿಟ್ಟ ಸ್ಪರ್ಧಿಗಳ ಪೈಕಿ ಸೋನು ಶ್ರೀನಿವಾಸ್ ಗೌಡ (Sonu Srinivas Gowda) ಬಗ್ಗೆ ಹೆಚ್ಚು ಚರ್ಚೆ ಆಗುತ್ತಿದೆ. ಅವರು ಆಯ್ಕೆ ಆಗಿರುವುದಕ್ಕೆ ಕೆಲವರು ವಿರೋಧ ವ್ಯಕ್ತಪಡಿಸಿದ್ದಾರೆ. ಸೋನು ಬದಲಿಗೆ ಬೇರೆ ಅರ್ಹ ವ್ಯಕ್ತಿಗಳಿಗೆ ‘ಬಿಗ್ ಬಾಸ್ ಒಟಿಟಿ ಕನ್ನಡ’ (Bigg Boss OTT Kannada) ಶೋನಲ್ಲಿ ಅವಕಾಶ ನೀಡಬೇಕಿತ್ತು ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ. ಆದರೆ ಸೋನು ಗೌಡ ಪರವಾಗಿ ಸಾನ್ಯಾ ಅಯ್ಯರ್ ಅವರ ತಾಯಿ ದೀಪಾ ಅಯ್ಯರ್ ಮಾತನಾಡಿದ್ದಾರೆ. ಈ ಹಿಂದೆ ಸೋನು ಗೌಡ ಅವರ ಖಾಸಗಿ ವಿಡಿಯೋ ಲೀಕ್ ಆಗಿತ್ತು. ಲೀಕ್ ಆಗಿದ್ದರಲ್ಲಿ ಸೋನು ತಪ್ಪು ಏನೂ ಇಲ್ಲ ಎಂದು ದೀಪಾ ಅಯ್ಯರ್ (Deepa Iyer) ಹೇಳಿದ್ದಾರೆ. ‘ಆಕೆ ಮುಗ್ಧೆ ಆಗಿದ್ದರಿಂದಲೇ ವಿಡಿಯೋ ಲೀಕ್ ಆಯಿತು. ಅವಳ ಪರಿಸ್ಥಿತಿ ಹೇಗೆ ಇತ್ತೋ ಗೊತ್ತಿಲ್ಲ. ಕಾಮಾತುರದ ಒಂದು ಕ್ಷಣ ಗೆದ್ದರೆ ಏನು ಬೇಕಾದರೂ ಗೆಲ್ಲಬಹುದು’ ಎಂದಿದ್ದಾರೆ ದೀಪಾ ಅಯ್ಯರ್.