ಕೆಪಿಎಸ್‌ಸಿ ಅಕ್ರಮ: ಕಲಬುರ್ಗಿಯ ಅಭ್ಯರ್ಥಿಗೆ ಶಾಕ್​​ ಕೊಟ್ಟ ಸಿಐಡಿ; ಶಾಂತಾ ಹೊಸಮನಿ-ಮಮಿತಾ ಲಿಂಕ್ ಬಗ್ಗೆಯೂ ತನಿಖೆ

ಕಲಬುರಗಿ, ಸೆಪ್ಟೆಂಬರ್​​ 09: ಕೆಪಿಎಸ್​​ಸಿ ಪಶುವೈಧ್ಯಾಧಿಕಾರಿ ನೇಮಕಾತಿ ಅಕ್ರಮ ಸಂಬಂಧ ಸಿಐಡಿ ತನಿಖೆ ಕಲಬುರಗಿವರೆಗೂ ವ್ಯಾಪಿಸಿದ್ದು, ಇಷ್ಟು ದಿನ ಮಧ್ಯವರ್ತಿಗಳು-ಕೆಪಿಎಸ್ ಸಿ ಅಧಿಕಾರಿಗಳ‌ ಮೇಲೆ ದಾಳಿ ಮಾಡಿದ್ದ ಸಿಐಡಿ ಇವತ್ತು ಓರ್ವ ಅಭ್ಯರ್ಥಿ ಮನೆ ಮೇಲೆ‌ ದಾಳಿ ಮಾಡಿ ಶಾಕ್ ಕೊಟ್ಟಿದೆ. ಕೆಪಿಎಸ್​​ಸಿ ಸದಸ್ಯೆ ಶಾಂತಾ ಹೊಸಮನಿ ಮೂಲಕ‌ ಡೀಲ್‌ ಮಾಡಿಕೊಂಡು ಹುದ್ದೆ ಪಡೆಯೋಕೆ ಯತ್ನಿಸಿದ ಆರೋಪದ‌ ಹಿನ್ನೆಲೆ ಕಲಬುರಗಿ‌ ನಗರದ ನ್ಯೂ ಓಜಾ ಬಡಾವಣೆಯ ಮಮಿತಾ ಎಂಬವರ ಮನೆ ಮೇಲೆ ಅಧಿಕಾರಿಗಳು ರೇಡ್​​ ನಡೆಸಿದ್ದಾರೆ. ‌ಮಮಿತಾ ಎಷ್ಡು ಹಣಕ್ಕೆ‌ ಡೀಲ್‌ ಮಾಡಿದ್ದರು, ಯಾವ ಹುದ್ದೆಗೆ ಡೀಲ್‌ ಮಾಡಿದ್ದರು ಎಂಬ ಬಗ್ಗೆ ಅಧಿಕಾರಿಗಳು ದಾಖಲೆ‌ ಕಲೆಹಾಕುತ್ತಿದ್ದು,‌ ನಾಪತ್ತೆಯಾಗಿರೋ ಕೆಪಿಎಸ್​​ಸಿ ಸದಸ್ಯೆ ಶಾಂತಾ ಹೊಸಮನಿಗೂ ಮಮಿತಾಗೂ ಇರೋ ಲಿಂಕ್ ಬಗ್ಗೆಯೂ ಸಿಐಡಿ ಶೋಧ ನಡೆಸುತ್ತಿದೆ.

ಮತ್ತಷ್ಟು ವಿಡಿಯೋ ನೋಡಲು ಇಲ್ಲಿ ಕ್ಲಿಕ್​​ ಮಾಡಿ.