CM Siddaramaiah: ಮೈಸೂರು ಭಾಗದಲ್ಲಿ ಡಾ ಯತೀಂದ್ರ ತನಗಿಂತ ಹೆಚ್ಚು ಜನಪ್ರಿಯ ಅಂತ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅಂಗೀಕರಿಸುತ್ತಾರೆ!
Updated on: Jun 10, 2023 | 5:48 PM
ತಾನು ವರುಣಾ ಕ್ಷೇತ್ರದಿಂದ ಮೂರು ಬಾರು ಬಾರಿ ಸ್ಪರ್ಧಿಸಿ ಗೆದ್ದಿದ್ದರೂ, ಯತೀಂದ್ರನಷ್ಟು ಭಾರೀ ಅಂತರದಿಂದ ಗೆದ್ದಿಲ್ಲ ಎಂದು ಸಿದ್ದರಾಮಯ್ಯ ಹೇಳಿದರು.
ಮೈಸೂರು: ಮೈಸೂರು ಭಾಗದಲ್ಲಿ ಡಾ ಯತೀಂದ್ರ ಸಿದ್ದರಾಮಯ್ಯ (Dr Yatindra Siddaramaiah) ತಮ್ಮ ತಂದೆ ಸಿದ್ದರಾಮಯ್ಯಗಿಂತ (Siddaramaiah) ಹೆಚ್ಚು ಪ್ರಭಾವಶಾಲಿ ನಾಯಕ ಅಂತ ಇನ್ನೊಂದು ವಿಡಿಯೋದಲ್ಲಿ ನಾವು ಚರ್ಚಿಸಿದ್ದೇವೆ. ಅದನ್ನು ಇವತ್ತು ಮುಖ್ಯಮಂತ್ರಿಗಳು ಸಹ ಮನಗಂಡರು. ವರುಣಾದಲ್ಲಿ ಇಂದು ನಡೆದ ಕೃತಜ್ಞತಾ ಸಮಾವೇಶದಲ್ಲಿ (thanksgiving) ಮಾತಾಡುವಾಗ ಸಿದ್ದರಾಮಯ್ಯನವರು ಭಾಷಣದ ಆರಂಭದಲ್ಲಿ ವೇದಿಕೆಯ ಮೇಲೆ ಕೂತಿದ್ದವರ ಹೆಸರುಗಳನ್ನು ಒಂದೊಂದಾಗಿ ಹೇಳುವಾಗ, ‘ಮಾಜಿ ಶಾಸಕರಾದ ಡಾ ಯತೀಂದ್ರ ಅವರೇ’ ಅಂದ ಕೂಡಲೇ ಸಮಾವೇಶದಲ್ಲಿ ಭಾಗಿಯಾಗಿದ್ದ ಸಾವಿರಾರು ಜನರಿಂದ ಜೋರಾದ ಚಪ್ಪಾಳೆ ಮತ್ತು ಶಿಳ್ಳೆ! ಮುಂದುವರಿದು ಮಾತಾಡುವಾಗ ಸಿದ್ದರಾಮಯ್ಯ, ತಾನು ವರುಣಾ ಕ್ಷೇತ್ರದಿಂದ ಮೂರು ಬಾರು ಬಾರಿ ಸ್ಪರ್ಧಿಸಿ ಗೆದ್ದಿದ್ದರೂ, ಯತೀಂದ್ರನಷ್ಟು ಭಾರೀ ಅಂತರದಿಂದ ಗೆದ್ದಿಲ್ಲ ಎಂದರು. ಮಗನ ಜನಪ್ರಿಯತೆಯನ್ನು ಖುದ್ದು ಸಿದ್ದರಾಮಯ್ಯನವರೇ ಅಂಗೀಕರಿಸುತ್ತಿದ್ದಾರೆ.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
