ಹದಿನಾರರ ಪೋರ ಚಿರಂತ್ ಹೊನ್ನಾವರ ಸಾಧನೆಗೆ ಮೂಳೆ ಕ್ಯಾನ್ಸರ್ ಅಡ್ಡಿಯಾಗಲಿಲ್ಲ, ಹತ್ತನೇ ತರಗತಿಯಲ್ಲಿ 92% ಮಾರ್ಕ್ಸ್!

ಬೆಂಗಳೂರು, ಮೇ 2: ಚಿರಂತ್ ಹೊನ್ನಾವರಗೆ ಈಗಷ್ಟೇ 16 ರ ಪ್ರಾಯ, ಅದರೆ ಅವನಲ್ಲಿರುವ ಛಲ, ಪ್ರಯತ್ನಶೀಲತೆ ಮತ್ತು ಗುರಿ ಸಾಧಿಸುವೆಡೆ ಇರುವ ಬದ್ಧತೆ ಎಂಥವರನ್ನೂ ದಂಗಾಗಿಸುತ್ತದೆ. ಚಿರಂತ್​​ಗೆ 14ನೇ ವಯಸ್ಸಿನಿಂದಲೇ ಮಾರಕ ಕ್ಯಾನ್ಸರ್ ರೋಗ ಬಾಧಿಸಲಾರಂಭಿಸಿದೆ. ಅದು ಮೂಳೆ ಕ್ಯಾನ್ಸರ್. ಅದರೆ ಹುಡುಗ ಹೆದರಲಿಲ್ಲ, ಅತಂಕಕ್ಕೊಳಗಾಗಲಿಲ್ಲ. ಅದು ಕೆಲ ದಿನಗಳ ಮಟ್ಟಿಗೆ ತನ್ನನ್ನು ಕಾಡಬಹುದು, ಅದರೆ ತನ್ನ ವಿದ್ಯಾರ್ಥಿ ಬದುಕಿನ ಓಟವನ್ನು ತಡೆಯಲಾರದು ಅಂತ ಮನಸ್ಸನ್ನು ಗಟ್ಟಿ ಮಾಡಿಕೊಂಡು ಓದಿನೆಡೆ ಗಮನವಹಿಸಿದ. ಅವನ ಛಲ ಕಂಡು ಮಹಾಮಾರಿಯೂ ದಿಗಿಲುಗೊಂಡಿರಬಹುದು. ಚಿರಂತ್​ನ ಬಲಗೈ ಮೂಳೆಯನ್ನು ತೆಗೆಯಬೇಕಾದ ಅನಿವಾರ್ಯತೆ ಎದುರಾದರೂ ಎಂಟೆದೆಯ ಹುಡುಗ ಧೃತಿಗೆಡಲಿಲ್ಲ. ತನ್ನ ಸಾಧನೆಯ ಹಾದಿಯನ್ನು ಕನ್ನಡಿಗರಿಗೆ ಹೇಳಲು ನಮ್ಮ ಕಚೇರಿಗೆ ಬಂದಿದ್ದಾನೆ, ಅವನ ಬಾಯಿಂದಲೇ ಕೇಳಿ ಹೋರಾಟದ ಕಥೆಯನ್ನು.

ಇದನ್ನೂ ಓದಿ:   Karnataka SSLC Results 2025 Toppers: ಎಸ್​ಎಸ್​ಎಲ್​ಸಿ ಫಲಿತಾಂಶ: ಶಿವಮೊಗ್ಗದ ನಮನ ಸೇರಿ 22 ವಿದ್ಯಾರ್ಥಿಗಳಿಗೆ ಔಟ್​ ಆಫ್​ ಔಟ್

ಮತ್ತಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ