Udupi Washroom Video Case; ಇದು ಮಹಿಳೆಯರನ್ನೊಳಗೊಂಡ ಪ್ರಕರಣ, ಬ್ರೇಕಿಂಗ್ ನ್ಯೂಸ್ ಅಲ್ಲ: ಖುಷ್ಬೂ ಸುಂದರ್, ಮಹಿಳಾ ಆಯೋಗ ಸದಸ್ಯೆ
Updated on: Jul 27, 2023 | 6:30 PM
ಮಹಿಳಾ ಆಯೋಗ ಪ್ರಕರಣ ದಾಖಲಿಸಿಕೊಳ್ಳಲು ತಯಾರಿಲ್ಲವೆಂಬ ಸುದ್ದಿಗಳೆಲ್ಲ ಸುಳ್ಳು, ಆಯೋಗದ ಸದಸ್ಯೆಯಾಗಿರುವ ತಾನು ಇಲ್ಲಿಗೆ ಬಂದಿರುವಾಗ ಅಂಥ ಪ್ರಶ್ನೆ ಉದ್ಭವಿಸುವುದಿಲ್ಲ ಎಂದು ಖುಷ್ಬೂ ಸುಂದರ್ ಹೇಳಿದರು.
ಉಡುಪಿ: ನಗರದ ಕಾಲೇಜೊಂದರ ಟಾಯ್ಲೆಟ್ ನಲ್ಲಿ ವಿಡಿಯೋ ಚಿತ್ರೀಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ಶುರುವಾಗಿದೆ, ಫೋರೆನ್ಸಿಕ್ ಲ್ಯಾಬ್ ಸಾಕ್ಷ್ಯವನ್ನು (evidence) ಕ್ರೋಢೀಕರಿಸುವ ಕೆಲಸ ಮಾಡುತ್ತಿದೆ, ಮಹಿಳಾ ಅಯೋಗಕ್ಕೂ ಕೆಲಸ ಮಾಡುವ ಅವಕಾಶ ನೀಡಿ ಏನೇನೆಲ್ಲ ಊಹಿಸಿಕೊಂಡು ಪ್ರಶ್ನೆಗಳನ್ನು ಕೇಳಬೇಡಿ ಎಂದು ಮಹಿಳಾ ಅಯೋಗದ ಸದಸ್ಯೆ ಖುಷ್ಬೂ ಸುಂದರ್ (Khushboo Sundar) ಹೇಳಿದರು. ಚರ್ಚೆಯಲ್ಲಿರುವ ಕಾಲೇಜಿನ ವ್ಯವಸ್ಥಾಪಕ ಮಂಡಳಿ ಮತ್ತು ಸಂತ್ರಸ್ತೆಯ ಪೋಷಕರೊಂದಿಗೆ ಮಾತುಕತೆ ನಡೆಸಿದ ಬಳಿಕ ಕಾಲೇಜು ಅವರಣದಲ್ಲೇ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತಾಡಿದ ಖುಷ್ಬೂ, ದಯವಿಟ್ಟು ಇದನ್ನು ಬ್ರೇಕಿಂಗ್ ನ್ಯೂಸ್ (Breaking News) ಅಂತ ಟ್ರೀಟ್ ಮಾಡಬೇಡಿ, ಯಾಕೆಂದರೆ ಪ್ರಕರಣವು ಮಹಿಳೆಯರಿಗೆ ಅದರಲ್ಲೂ ವಿಶೇಷವಾಗಿ ವಿದ್ಯಾರ್ಥಿನಿಯರಿಗೆ ಸಂಬಂಧಿಸಿದ್ದಾಗಿದೆ ಎಂದು ಹೇಳಿದರು. ಮಹಿಳಾ ಆಯೋಗ ಪ್ರಕರಣ ದಾಖಲಿಸಿಕೊಳ್ಳಲು ತಯಾರಿಲ್ಲವೆಂಬ ಸುದ್ದಿಗಳೆಲ್ಲ ಸುಳ್ಳು, ಆಯೋಗದ ಸದಸ್ಯೆಯಾಗಿರುವ ತಾನು ಇಲ್ಲಿಗೆ ಬಂದಿರುವಾಗ ಅಂಥ ಪ್ರಶ್ನೆ ಉದ್ಭವಿಸುವುದಿಲ್ಲ ಎಂದು ಖುಷ್ಬೂ ಸುಂದರ್ ಹೇಳಿದರು.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ಕಿಸಿ
