ಸತೀಶ್ ಜಾರಕಿಹೊಳಿ ಆಪ್ತರು ಮತ್ತು ಸಂಬಂಧಿಕರಿಗೂ ಇಡಿ ಬಿಸಿ: ಪರಿಶೀಲನೆ ವೇಳೆ ಮಹತ್ವದ ದಾಖಲೆಗಳು ಪತ್ತೆ

ಬೆಳಗಾವಿ, ಸೆಪ್ಟೆಂಬರ್​​ 09: ಸಚಿವ ಸತೀಶ್ ಜಾರಕಿಹೊಳಿ ಅವರಿಗೆ ಸಂಬಂಧಿಸಿದ ಗೋಕಾಕ್ ಮತ್ತು ಬೆಳಗಾವಿ ಜಿಲ್ಲೆಯ ವಿವಿಧ ಸ್ಥಳಗಳ ಮೇಲೆ ಇಡಿ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ಜಾರಕಿಹೊಳಿ ಅವರ ನಿವಾಸ, ಅವರ ಮಗಳು ಪ್ರಿಯಾಂಕಾ, ಪುತ್ರ ರಾಹುಲ್ ಹಾಗೂ ಬಾಮೈದ ವೈ. ಮಂಜುನಾಥ್ ಅವರ ಮನೆಗಳಲ್ಲಿಯೂ ಶೋಧ ಕಾರ್ಯಾಚರಣೆ ನಡೆಸಲಾಗಿದೆ. ಇದು ವೈ. ಮಂಜುನಾಥ್ ಅವರ ನಿವಾಸದ ಮೇಲಿನ ಎರಡನೇ ದಾಳಿಯಾಗಿದೆ. ರೇಡ್​​ ನಡೆದಿರುವ ಜಾಗಗಳಲ್ಲಿ ಜಾರಕಿಹೊಳಿ ಅವರ ಆಪ್ತ ವೈದ್ಯ ಗಿರೀಶ್ ಸೋನಾಲ್ಕರ್, ರಾಜು ಧರಗಶೆಟ್ಟಿ ಮತ್ತು ವಿಠಲ್ ಪರ್ಸನ್ನ ಅವರ ನಿವಾಸಗಳು ಸೇರಿವೆ. ಸಚಿವರ ಆಪ್ತರ ಮನೆಗಳಲ್ಲಿ ಪರಿಶೀಲನೆ ವೇಳೆ ಕೆಲ ಮಹತ್ವದ ದಾಖಲೆಗಳು ಪತ್ತೆಯಾಗಿವೆ ಎನ್ನಲಾಗಿದೆ.

ಮತ್ತಷ್ಟು ವಿಡಿಯೋ ನೋಡಲು ಇಲ್ಲಿ ಕ್ಲಿಕ್​​ ಮಾಡಿ.