Daily Devotional: ಹೊಸ ಮನೆಯ ಗೃಹಪ್ರವೇಶದಲ್ಲಿ ಹಳೇ ಫೋಟೋ ಏನು ಮಾಡಬೇಕು ತಿಳಿಯಿರಿ

ಬೆಂಗಳೂರು, ಸೆಪ್ಟೆಂಬರ್​ 15: ಹೊಸ ಮನೆ ಗೃಹಪ್ರವೇಶದ ಸಂದರ್ಭದಲ್ಲಿ ಹಳೆಯ ಮನೆಯಿಂದ ತಂದ ಫೋಟೋಗಳು ಮತ್ತು ವಿಗ್ರಹಗಳನ್ನು ಏನು ಮಾಡಬೇಕು ಎಂಬುದು ಅನೇಕರ ಪ್ರಶ್ನೆ. ಕೆಲವರು ಅವುಗಳನ್ನು ನೀರಿನಲ್ಲಿ ಹಾಕುವುದು ಅಥವಾ ಅಶ್ವತ್ಥದ ಮರದ ಬುಡದಲ್ಲಿ ಇಡುವುದು ಸೂಕ್ತ ಎಂದು ನಂಬುತ್ತಾರೆ. ಆದರೆ ಇದು ತಪ್ಪು. ಈ ರೀತಿ ಮಾಡುವುದರಿಂದ ಯಾವುದೇ ಒಳ್ಳೆಯ ಫಲಿತಾಂಶ ಸಿಗುವುದಿಲ್ಲ. ಬದಲಾಗಿ, ಕನಿಷ್ಠ ಆರು ತಿಂಗಳು ಅಥವಾ ಒಂದು ವರ್ಷದವರೆಗೆ ಆ ಫೋಟೋ ಮತ್ತು ವಿಗ್ರಹಗಳನ್ನು ದೇವರ ಮನೆಯಲ್ಲಿ ಇಡುವುದು ಉತ್ತಮ. ಇದರಿಂದ ಹಿಂದಿನ ಪೂಜಾ ಲಹರಿಗಳು ಹೊಸ ಮನೆಗೆ ವರ್ಗಾವಣೆಯಾಗುತ್ತವೆ. ನಂತರ, ಒಬ್ಬ ವಿಪ್ರರಿಗೆ ಅಥವಾ ದೇವಸ್ಥಾನಕ್ಕೆ ದಾನ ಮಾಡುವ ಮೂಲಕ ಇವುಗಳನ್ನು ಸೂಕ್ತ ರೀತಿಯಲ್ಲಿ ವಿಲೇವಾರಿ ಮಾಡಬಹುದು.