Asia cup 2025: ಪಾಕಿಸ್ತಾನಕ್ಕೆ ಅವಮಾನ..! ರಾಷ್ಟ್ರಗೀತೆಯ ಬದಲು ರ‍್ಯಾಪ್ ಸಾಂಗ್ ಪ್ರಸಾರ; ವಿಡಿಯೋ ನೋಡಿ

ಭಾರತ ಹಾಗೂ ಪಾಕಿಸ್ತಾನ ನಡುವಿನ ಏಷ್ಯಾಕಪ್ ಪಂದ್ಯ ದುಬೈ ಅಂತರರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆಹಯುತ್ತಿದೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಪಾಕಿಸ್ತಾನ ತಂಡ ಟೀಂ ಇಂಡಿಯಾಕ್ಕೆ 127 ರನ್​ಗಳ ಗುರಿ ನೀಡಿದೆ. ಆದರೆ ಈ ಪಂದ್ಯ ಆರಂಭಕ್ಕೂ ಮುನ್ನ ಆಯೋಜಕರು ಮಾಡಿದ ಎಡವಟ್ಟಿನಿಂದ ಪಾಕಿಸ್ತಾನ ತಂಡ ಬಹಿರಂಗವಾಗಿಯೇ ಮುಜುಗರಕ್ಕೀಡಾಗಿದೆ.

ವಾಸ್ತವವಾಗಿ ಟಾಸ್ ಮುಗಿದ ಬಳಿಕ ಉಭಯ ತಂಡಗಳು ರಾಷ್ಟ್ರಗೀತೆಗಾಗಿ ಮೈದಾನಕ್ಕೆ ಬಂದವು. ಮೊದಲು ಭಾರತದ ರಾಷ್ಟ್ರಗೀತೆಯನ್ನು ಪ್ರಸಾರ ಮಾಡಲಾಯಿತು. ಆ ಬಳಿಕ ಪಾಕಿಸ್ತಾನ ರಾಷ್ಟ್ರಗೀತೆಯ ಸರದಿ ಇತ್ತು. ಆದರೆ ಇಲ್ಲಿ ರಾಷ್ಟ್ರಗೀತೆಯನ್ನು ಪ್ರಸಾರ ಮಾಡುವಲ್ಲಿ ಎಡವಟ್ಟು ಮಾಡಿದ ಡಿಜೆ, ಪಾಕಿಸ್ತಾನದ ರಾಷ್ಟ್ರಗೀತೆಯ ಬದಲು ಜಲೇಬಿ ಬೇಬಿ ರ್ಯಾಪ್ ಹಾಡನ್ನು ಪ್ರಸಾರ ಮಾಡಿದನು. ಒಂದೆರಡು ಸೆಕೆಂಡ್ ಹಾಡು ಕೂಡ ಪ್ರಸಾರವಾಯಿತು. ಆದರೆ ಆ ಬಳಿಕ ತನ್ನ ತಪ್ಪಿನಿಂದ ಎಚ್ಚೆತ್ತ ಡಿಜೆ ಪಾಕಿಸ್ತಾನದ ರಾಷ್ಟ್ರಗೀತೆಯನ್ನು ಪ್ರಸಾರ ಮಾಡಿದನು. ಆದರೆ ಅದಾಗಲೇ ಡಿಜೆ ಮಾಡಿದ ಎಡವಟ್ಟಿನ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಗಾಳಿಯಂತೆ ವೈರಲ್ ಆಗಿತ್ತು.