Karnataka Assembly Polls: ಪ್ರಧಾನಿ ನರೇಂದ್ರ ಮೋದಿಯವರ ರೋಡ್ ಶೋಗೆ ಕೇಸರಿಮಯಗೊಂಡು ಕಾಯುತ್ತಿದೆ ಬಿಸಿಲುನಾಡು ಕಲಬುರಗಿ
Updated on: May 02, 2023 | 10:43 AM
ಪ್ರಧಾನಿ ಮೋದಿ ನಗರದ ಕೆಎಂಎಫ್ ನಿಂದ ಸರ್ದಾರ್ ವಲ್ಲಭಭಾಯ್ ಪಟೇಲ್ ವೃತ್ತದವರೆಗೆ ಸುಮಾರು 5 ಕಿಮೀಗಳಷ್ಟು ದೂರ ರೋಡ್ ಶೋ ನಡೆಸಲಿದ್ದಾರೆ.
ಕಲಬುರಗಿ: ಮೇ ತಿಂಗಳ ತಾಪಮಾನ ಮತ್ತು ಉರಿಬಿಸಿನಿಂದ ಕಾದ ಹೆಂಚಿನಂತಾಗಿರುವ ಬಿಸಿಲುನಾಡು ಕಲಬುರಗಿಯಲ್ಲಿ ಇಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ (PM Narendra Modi) ರೋಡ್ ಶೋ ನಡೆಸಲಿದ್ದಾರೆ. ಪ್ರಧಾನಿಯವರ ಸ್ವಾಗತಕ್ಕೆ ಕಲಬುರಗಿ ಮದುವಣಗಿತ್ತಿಯಂತೆ ಸಜ್ಜಾಗಿದೆ. ನಗರವಿಡೀ ಕೇಸರಿಮಯ(saffronised), ಕೇಸರಿ ಬಣ್ಣದ ಪೋಸ್ಟರ್ ಗಳು, ಬಂಟಿಂಗ್ ಮತ್ತು ಬ್ಯಾನರ್ ಗಳು, ರಸ್ತೆಯುದ್ದಕ್ಕೂ ಭಗ್ವಾ ಧ್ವಜಗಳು-ನಗರವನ್ನು ಕೇಸರಿ ಬಣ್ಣದಿಂದ ಪೇಂಟ್ ಮಾಡಲಾಗಿದೆಯಾ ಎಂಬ ಭಾವನೆ ಹುಟ್ಟಿಸುತ್ತವೆ. ಪ್ರಧಾನಿ ಮೋದಿ ನಗರದ ಕೆಎಂಎಫ್ನಿಂದ ಸರ್ದಾರ್ ವಲ್ಲಭಭಾಯ್ ಪಟೇಲ್ ವೃತ್ತದವರೆಗೆ (Sardar Vallabhbhai Patel Circle) ಸುಮಾರು 5 ಕಿಮೀಗಳಷ್ಟು ದೂರ ರೋಡ್ ಶೋ ನಡೆಸಲಿದ್ದಾರೆ. ಕಲಬುರಗಿಯ ಬಿಜೆಪಿ ಕಾರ್ಯಕರ್ತರು ಮತ್ತು ಜನತೆ ಮೋದಿ ಆಗಮನವನ್ನು ಕಾತರದಿಂದ ಎದುರು ನೋಡುತ್ತಿದೆ.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಮತ್ತಷ್ಟು ಚುನಾವಣಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
